VOBKENT.UZ | Rasmiy kanali

Ko'liodinada yana bir tadbirkor xalq uchun xizmaz qilmoqda.

“Taniqli biznesmen yoki omadli ishbilarmon bo‘lish uchun 24 soat mehnat qilish shart emas, shunchaki maqsadni to‘g‘ri belgilab shu tomon harakat qilish kerak xolos” — mashhur Gʻarb kompaniyasi rahbarining bu xulosasi endigina biznes faoliyatini boshlayotgan  yoshlar uchun g‘ayrat-shijoat bag‘ishlashi tayin. Ayniqsa, bugun mamlakatimizda har bir sohada omilkorlik va uzoqni ko‘zlab ish yuritmas ekansiz, raqobat bozorida yengilish turgan gap. Hech qanday sabab bosh maqsaddan ustun bo‘lmasligi kerak.

Bugunga kelib Vobkent tumani "Ko‘liodina" mahalla fuqarolar yig‘ini markazida “Yusuf bobo Mua’zam” MCHJ tomonidan umumiy qiymati 60 million so‘mga teng tadbirkorlik loyihasi amalga oshirilmoqda. Bunda 27 million so‘m tadbirkorning oilaviy jamg‘armasidan, 33 million so‘m esa tijorat bankining kredit mablag‘i as qotgan. Loyiha esa iste’molga yaroqli toza ichimlik suvini filtrlash, xaridorlarga ekologik toza, sifati kafolatlangan holda idishlarga qadoqlab yetkazib berishdan iborat. Kichik korxona o‘tgan 2024 yil davomida 1 ming 10 tonna suvni qayta ishlab, qadoqlab o‘z mijozlariga yetkazgan.


O‘tgan yilda Xitoy Xalq Respublikasidan sotib olingan maxsus uskunalar keltirib o‘rnatilgan. Muhimi, mazkur loyiha amalga oshirilishi hisobiga 3 nafar mahalliy yosh bu kichik korxonada muqim o‘rnini topgan. Ularga 1,5 million so‘mdan 2,5 million so‘mgacha oylik maosh tayinlangan. Tadbirkorning aytishicha, talab kun sayin oshayotgan bu faoliyatda sig‘imi 500 gramdan tortib, 20 litrli idishgacha ishlab chiqarilmoqda. Mahsulot narxiga kelsak, hozirda buyurtmachilarga 5 litrlik idish 2,3 ming so‘m, 10 litrligi 3,7 ming so‘m va 20 litrlik yelim idish 23 ming so‘mdan sotilmoqda.


Ishlab chiqarish uchun albatta, xom ashyo ta’minoti hal qiluvchi ahamiyatga ega. Bu borada oilaviy korxona zarur kimyoviy ishlanmalardan olingan unsur — plastmas granulani boshqa turdosh korxonalar kabi Vobkent “Lux Pet Plast” MCHJ dan xarid qilishni boshlagan. Tadbirkor tomoni ayni kunda aholining toza ichimlik suviga bo‘lgan talab va ehtiyojini o‘rgangani holda mazkur biznes loyihasiga qo‘l urgan. Bunda nafaqat aholi xonadonlari, balki yirik korxona va tashkilotlar, ma’muriy idoralar, mehnat jamoalari, hatto bozor va boshqa savdo majmualari, yakka tartibdagi tijorat do‘konlaridan xaridorlari safini kengaytirmoqda.

Albatta, yoz mavsumida chanqoqbosti ichimliklarga, ayniqsa, “obi hayot”ga bo‘lgan talab keskin oshadi. Buni inobatga olgan korxona mutasaddilari endilikda erishilayotgan daromad hisobidan yangi texnologiya asosida ixcham qadoqlarda gazlangan va gazlanmagan suv ishlab chiqarishni yo‘lga qo‘yish harakatidalar.

😎😎😎😎😎😎😎 ijtimoiy sahifalariga obuna bo‘ling

✅Telegram| 💬Facebook| 📹Youtube|🌍Web-sahifa

Hokimlik qabuli

Vobkent tuman hokimligi binosida tuman hokimining navbatdagi fuqarolar qabuli o‘tkazildi. Qabulda muammosi va murojati bo‘lgan fuqarolar bilan yuzma-yuz suhbatlashib, murojaatlar birma-bir tinglandi.

Ochiq va samimiy muloqot tarzida kechgan qabulda tuman hokimi o‘rinbosari Sh.Husenov boshchiligida Xalq qabulxonasi mudiri L.Sharipova, hokim o‘rinbosarlari va tumandagi mutasaddi tashkilot rahbarlari ishtirokida moddiy yordam, davolanish uchun yo‘llanma olish, bola puli, uyni kadastr qilish, ish bilan ta’minlash, kontrakt to‘lovini to‘lashda yordam puli bilan bog‘liq 8 ta murojaatlar kelib tushdi.

⏰Muammolar bo‘yicha tegishli tashkilotlar mutasaddilari ishtirokida zarur choralar ko‘rilishi bo‘yicha topshiriqlar, fuqarolarga esa huquqiy tushunchalar berildi.

📌Ta’kidlangandek, har bir murojaat asoslicha o‘rganilib chiqiladi va qonuniy yo‘l bilan yechimini topadi.

😎😎😎😎😎😎😎 ijtimoiy sahifalariga obuna bo‘ling

✅Telegram| 💬Facebook| 📹Youtube|🌍Web-sahifa

Har bir murojaat – e’tiborda!

🇺🇿Bugun 3-yanvar kuni Vobkent tumani "Istiqlol" mahallasida navbatdagi fuqarolar qabuli o‘tkazildi. Qabulda muammosi va murojati bo‘lgan fuqarolar bilan yuzma-yuz suhbatlashib, murojaatlar birma-bir tinglandi.

Ochiq va samimiy muloqot tarzida kechgan qabulda tuman hokimi o‘rinbosari B.Yusupov boshchiligida Xalq qabulxonasi mudiri L.Sharipova, hokim o‘rinbosarlari va tumandagi mutasaddi tashkilot rahbarlari ishtirokida simyog‘ochlar o‘tkazish va davolanish uchun yordam berish va moddiy yordam olish bilan bog‘liq 4 ta murojaatlar kelib tushdi.

⏰Muammolar bo‘yicha tegishli tashkilotlar mutasaddilari ishtirokida zarur choralar ko‘rildi.

📌Ta’kidlangandek, har bir murojaat asoslicha o‘rganilib chiqiladi va qonuniy yo‘l bilan yechimini topadi.

😎😎😎😎😎😎😎 ijtimoiy sahifalariga obuna bo‘ling

✅Telegram| 💬Facebook| 📹Youtube|🌍Web-sahifa

Tanqiddan to‘g‘ri xulosa chiqarib...

Mana qish faslining ikkinchi oyi ham boshlandi. Bundan ancha oldin tuman hokimi tomonidan tuman maktabgacha va maktab ta’limi bo‘limiga qarashli 20 sonli maktabgacha ta’limi tashkilotiga borilganda ayrim kamchiliklar tuman hokimi tomonidan tanqid ostiga olinib kamchiliklarni tezda bartaraf etish bo‘yicha topshiriqlar berilgan edi.

 Xo‘sh, bu vazifalar berilgan topshiriqlar ta’lim muassasasida bajarildimi? Biz ana shu savolga javob topish maqsadida 20-sonli maktabgacha ta’lim muassasasida bo‘lib, qilingan ishlarni amalda ko‘rib chiqdik.
Tumandagi 20-sonli maktabgacha ta’lim muassasasi yerlari chim bosib yotganligi, tashkilot peshtoqida o‘rnatilgan muassasa nomi o‘chib ketganligi, ko‘mir ochiq holda yotganligi, yashil makon doirasida tashkilot yerlariga ko‘chat qurilmaganligi bo‘yicha sustkashlikka yo‘l qo'yilgani to'g'risida VOBKENT.UZ rasmiy telegram kanali orqali tanqid qilingan edi. Tanqiddan so‘ng,
 ushbu ta’lim tashkilotida bog‘cha yerlari shudgor qilingan, ta’lim tashkiloti nomi yangidan yozilgan, ko‘mir zahirasi yopiq joyga ko‘chirilgan.

- Biz berilgan tanqiddan to‘g‘ri xulosa chiqardik. Ushbu kamchiliklarni jamoa bilan o‘tkazilgan yig‘ilishda muhokama qildik. Bir so‘z bilan aytganda, tanqiddan so‘ng xato-kamchiliklarni zudlik bilan bartaraf etish choralarini ko‘rdik,- deydi ta’lim tashkiloti rahbari - M.Tursunova.

Shunisi ayonki, o‘z vaqtida qilingan tanqid maktabgacha ta’lim tashkiloti rahbarini va mutasaddi tashkilot rahbarlarini ancha tebratib qo‘ydi. Shu tufayli bir qator dolzarb yumushlar uddalanganligi ayni muddao.

😎😎😎😎😎😎😎 ijtimoiy sahifalariga obuna bo‘ling

✅Telegram| 💬Facebook| 📹Youtube|🌍Web-sahifa