O‘zbekiston texnik jihatdan tartibga solish agentligi tomonidan Birlashgan Millatlar Tashkilotining taraqqiyot dasturi (UNDP) bilan hamkorlikda "Markaziy Osiyoda savdoni rivojlantirishga ko‘maklashish" qo‘shma loyihasi doirasida navbatdagi seminar Namangan viloyatida tashkil etildi.

Xalqaro ekspertlar tomonidan mazkur seminar davomida qishloq xo‘jaligi mahsulotlarini yetishtiruvchi, qayta ishlovchi va oziq-ovqat mahsulotlarini ishlab chiqaruvchi eksportyor korxonalar uchun xalqaro "HACCP – ISO 22000 talablariga muvofiq oziq-ovqat xavfsizligi" mavzusi yuzasidan ma’lumotlar yetkazildi.

Muloqot ishtirokchilarining qishloq xo‘jaligi va oziq-ovqat mahsulotlarini qayta ishlashning barcha bosqichlarida mahsulot xavfsizligi va sifatini samarali ta’minlash usullari borasida berilgan savollariga atroflicha javob qaytarildi.