Farg‘ona viloyatida profilaktik tadbir bo‘lib o‘tdi

📌Avval xabar berganimizdek, respublikamizning barcha hududlarida “Yoshlar orasida giyohvandlik vositalari va psixotrop moddalar tarqalishining oldini olish” kompleks tezkor-profilaktik tadbirlari o‘tkazilmoqda.

Farg‘ona viloyatidagi mana shunday tadbirlardan biri bugun Islom Karimov nomidagi teatr va konsert saroyida tashkil etildi.

Tadbirda Milliy markaz, Ichki ishlar vazirligi, Maktabgacha va maktab ta’limi vazirligi, Respublika ixtisoslashtirilgan ruhiy salomatlik ilmiy-amaliy tibbiyot markazi rahbarlari, viloyatdagi barcha umumta’lim va xususiy maktablar, texnikumlar, litseylar, kasb-hunar kollejlari direktorlarining o‘rinbosarlari, shuningdek, oliy ta’lim muassasalarining prorektorlari ishtirok etdi.

Davra suhbatida mutaxassislar tomonidan ishtirokchilarga yoshlar, ayniqsa, o‘quvchi va talabalarda giyohvandlikka qarshi immunitetni, unga nisbatan murosasiz munosabatni shakllantirish, shuningdek, ta’lim muassasalarida psixofaol moddalar tarqalishini oldini olishga qaratilgan targ‘ibot-tashviqot va tarbiyaviy-profilaktik tadbirlarning yangi ta’sirchan mexanizmlari bo‘yicha tushuntirishlar berildi.

✔️Tadbir yakunida qatnashchilarga hayotiy voqealar asosida suratga olingan qisqa metrajli film namoyish etilib, Milliy markaz va Yoshlar ishlari agentligi hamkorligida ota-onalar, pedagoglar va yoshlar uchun ishlab chiqilgan flayerlar tarqatildi.

☑️Bizni ijtimoiy tarmoqlardagi rasmiy kuzatib boring

Web-sayt | Telegram | Instagram | Facebook