ЯНГИ ЙИЛ

Хуш келдинг янги йил, кўнглим этиб шод,
Кафтингда бахт ила қувонч олиб кел.
Сен ғамгин кўнглимни қилганча обод,
Қалбимга халоват, ишонч солиб кел.


Илоҳим халқимиз доим тинч бўлсин,
Оламга таралсин шўх куй наволар.
Қайғулар чекиниб қалбимиз кулсин,
Бахтёрлик куйини чалсин саболар!


Кўзларда порласин сўнмас муҳаббат,
Ҳамма тинч, соғ бўлсин, ҳеч ғам кўрмайлик.
Ҳар ишда тилайман барчага
омад,
Мудом севинайлик, ғам не билмайлик.


100 ёшдан ўтайлик бизлар соғ омон,
Турли мўъжизалар туҳфа қил бизга,
Гўзал ҳаётимиз бўлсин фаровон,
Умид мезбон бўлсин юрагимизда.


Кимда не ният бор бари ушалсин,
Энг ширин тилаклар тилайман сизга.
Отаю онамиз, узоқ яшасин,
Эзгулик тилайман ҳар бирингизга!

✍Нодирабегим ШЕРМАТОВА

@Bayramlar_Uchun_Tabriklar

To‘y Bob She'rlar ️