Vahidov olimpiadasi ochilish marosimi

Bugun tibbiyot sohasining eng iqtidorli talabalarini birlashtirgan Vahidov olimpiadasining tantanali ochilish marosimi bo‘lib o‘tdi. Ushbu nufuzli musobaqa yosh jarrohlarning bilim va mahoratini sinovdan o‘tkazish uchun katta imkoniyat yaratmoqda.

Olimpiadaning ilk kuni ishtirokchilar jarrohlik instrumentlari, Pirogovning ilmiy merosi, abdominal xirurgiya va neyroxirurgiya yo‘nalishlari bo‘yicha bilimlarini namoyish etdilar. Ularning nazariy bilimlari, tezkor tafakkuri va amaliy ko‘nikmalari hakamlar hay’ati tomonidan baholandi.

Kelgusi bosqichlarda ishtirokchilarni yanada qiyin sinovlar kutmoqda! Ularga omad tilaymiz!