Sirdaryo.uz

26 сентябрь – Давлат хавфсизлик хизмати органлари ходимлари куни

Ушбу сана муносабати билан соҳа фидоийлари, фахрийларини қизғин қутлаб, халқ манфаати йўлидаги хизматларида ҳамиша зафар ва муваффақиятлар, оилаларига тинчлик ва хотиржамлик, бахт ва иқбол тилаймиз.

Касб байрамингиз муборак бўлсин!

Sirdaryo.uz |Telegram | Facebook | Instagram

Вилоят ҳокими Хитой Халқ Республикаси Чжэцзян вилояти Оухай тумани раҳбари ўринбосари Ю Хюемэй бошчилигидаги делегацияни қабул қилди.

Суҳбат чоғида кейинги йилларда икки давлат раҳбарларининг сиёсий иродаси, мунтазам ва самарали мулоқотлари туфайли Ўзбекистон-Хитой ўртасидаги кўп қиррали амалий шериклик муносабатлари янада мустаҳкамланиб бораётгани алоҳида мамнуният билан қайд этилди.

Ҳудудлар ўртасида конструктив ва ўзаро манфаатли ҳамкорликни ривожлантириш масалалари кўриб чиқилди. Инновациялар, илм-фан, таълим ва кадрлар тайёрлаш соҳаларида алмашинувларни кенгайтириш муҳимлиги таъкидланди.

Музокаралар якунида Оухай ва Сирдарё тумани ўртасида ҳамкорлик алоқаларини ўрнатиш, шунингдек, Венчжоу қишлоқ хўжалиги академияси, Гулистон давлат педагогика институти ва "Peng Sheng" қўшма корхонаси ўртасида “Зҳежианг ва Ўзбекистон ўсимликлар етиштириш лабораторияси”ни қуриш тўғрисида уч томонлама меморандум имзоланди.

"Peng Sheng" корхонаси ҳудудида ташкил қилиниши кўзда тутилган лабораторияда янги, юқори маҳсулдор ва маҳаллий шароитларга мос ўсимлик навлари яратилади. Қишлоқ хўжалиги соҳасида техник ютуқларни ўзгартириш бўйича тадқиқотлар олиб борилади. Бундан ташқари, олий таълим муассасалари билан биргаликда турли қўлланмалар, илмий мақолалар тайёрланади.

Sirdaryo.uz |Telegram | Facebook | Instagram

Вилоят ҳокимининг ҳудудлар бўйлаб сайёр қабули давом этмоқда

Қабулнинг бу галгиси Сайхунобод тумани Фаровон маҳалласида ўтказди. Унда 20 дан зиёд аҳолининг соғлиқни сақлаш, бандлик, ички йўлларни таъмирлаш, эскирган электр симёғочларни янгисига алмаштириш, ичимлик суви таъминотини яхшилаш, кредит ва тадбиркорликка оид мурожаатлари тингланди.

— Маҳалладаги инфратузилма билан боғлиқ муаммоларни босқичма-босқич ҳал этамиз, — деди вилоят ҳокими. — Лекин қарс икки қўлдан чиқади. Фақатгина шу билан ҳудуд обод бўлиб қолмайди. Аксарият хонадонларда томорқалар қаровсиз. Ваҳоланки, томорқа қишлоқ одамларининг асосий даромад манбаи. Маҳалла аҳли уйғониши зарур. Керак бўлса, ҳар бир оилани яхши яшашга, бунинг учун ҳаракат қилишга, бир қарич ердан унумли фойдаланиб, даромад топишга ўргатишимиз лозим.

Мурожаатларнинг салмоқли қисмига шу жойнинг ўзида ечим топилди, муайян вақт ва маблағ талаб этадиганлари назоратга олинди. Жараёнда айрим мурожаатлар юзасидан фуқароларга ҳуқуқий жиҳатдан тушунтиришлар ҳам берилди.

Бу каби оммавий сайёр қабуллар белгиланган режага кўра, бошқа ҳудудларда ҳам давом этади.

Sirdaryo.uz |Telegram | Facebook | Instagram

Навбатдаги қабул: мурожаатлар ечимига хизмат қилиб

Вилоят ҳокими Акмалжон Махмудалиевнинг анъанавий сешанба кунги қабули ўтказилди. Унда 17 нафар тадбиркор ҳамда 30 нафардан зиёд фуқаронинг мурожаатлари эшитилди.

Ҳар бир мурожаат тегишли бошқарма ва ташкилотлар раҳбарлари иштирокида кўриб чиқилиб, аксарияти ўз ўрнида ҳал этилди. Қўшимча ўрганиш талаб этадиган муаммоларни қисқа фурсатда ҳал этиш чораларини кўриш бўйича мутасаддиларга қатъий вазифа ва топшириқлар берилди.

Sirdaryo.uz |Telegram | Facebook | Instagram