Qiziq statistikaga ko’zim
tushib qoldi. Tahlillarga ko‘ra, Nobel mukofoti laureatlarining aksariyati boy va yuqori ma’lumotli oilalardan chiqadi ekan. Grafiklarga qarasangiz, Nobel laureatlari ota-onalarining katta qismi jamiyatning eng yuqori daromadli qatlami vakillari bo‘lgan. Daromadli oilalar farzandlarining katta ilmiy yutuqlarga erishishi ehtimoli ancha yuqori.
Bundan tashqari, ta’lim darajasi ham katta ahamiyatga ega: laureatlarning ota-onalari orasida eng yuqori ta’lim darajasiga ega bo‘lganlar ulushi juda yuqori. Ya’ni, Nobel mukofoti egalarining ko‘pchiligi yuqori ma’lumotli oilalarda tarbiya topgan.
Bu ikki omil — daromad va ta’lim bir-birini kuchli tarzda to‘ldiradi. Yuqori daromadli oilalar farzandlariga sifatli ta’lim bera oladi, bu esa ilm-fan sohasida muvaffaqiyatlarga erishish imkoniyatini oshiradi.
Menga qolsa davlat jamiyatdagi ijtimoiy-iqtisodiy tenglikka ko’proq e’tibor qaratsa yaxshi bo’lar edi, xohlardim, barcha oila o’z farzandiga yaxshi ta’limni ravo ko’ra olishini.
@lazizhamidov