Kuni kecha Sharof Rashidov tumani hokimligi majlislar zalida hududlarni ijtimoiy-iqtisodiy rivojlantirish boʻyicha amalga oshirilayotgan ishlar yuzasidan yigʻilish oʻtkazildi. Unda Respublika va viloyat miqyosidagi muammolarni hal etish, amaliy koʻmak berish masalalari muhokama qilindi.

Yigʻilishni Jizzax viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Zafar Azimov hamda Sharof Rashidov tumani hokimi Maxmud Xolbutayev olib borishdi.

Tadbirda viloyat hokimining oʻrinbosarlari, viloyat boshqarma va tashkilotlari rahbarlari, shuningdek, Sharof Rashidov tumani sektor rahbarlari – hokim, prokuror, ichki ishlar va soliq inspeksiyasi rahbarlari, hokim oʻrinbosarlari, tashkilot va idoralar rahbarlari ishtirok etdi.

Yigʻilish davomida hududlarni ijtimoiy-iqtisodiy rivojlantirish yoʻnalishida olib borilayotgan ishlar muhokama qilindi, shuningdek, tuman va viloyat miqyosida mavjud muammolar va ularni bartaraf etish boʻyicha takliflar tinglandi.

Shuningdek, viloyat hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Zafar Azimov masʼul shaxslarga zarur topshiriqlar berdi. Tumanning iqtisodiy salohiyatini oshirish, ijtimoiy muammolarni hal etish va aholi farovonligini yuksaltirish borasida aniq chora-tadbirlar belgilab olindi.

Yigʻilish yakunida masʼullarga belgilangan vazifalarni oʻz vaqtida va samarali amalga oshirish yuzasidan zarur koʻrsatmalar berildi.