Shahriyor Boymirzayev ijodi

"Mard bir kunda oʻladi, qoʻrqoq har kuni..."

Javlon Jovliyev "Qoʻrqma"

Esingdami ayt-chi, sen tug‘ilgan on,
Hamma shodon edi, sen esa giryon.
Shunday yashaginki, ketar chog‘ingda
Hamma giryon qolsin, sen esa shodon.

✍Sa'diy Sheroziy

@Shahriyor_BOYMIRZAYEVV

Buyuk mutafakkirlarning, buyuk insonlarning shaxsiy dardi boʻlmaydi. Ularning shaxsiy dardi ham elning, xalqning, millatning dardi bilan birlashib ketgan boʻladi.

Nurboy Jabborov
(Filologiya fanlari doktori, professor)

Sevgim bu - yukimdir,
Sevganim - manzil...

✍Najmiddin Ermatov

@Shahriyor_Boymirzayevv

Tong boʻlib saharda oʻqlar otmadik,
Goʻzallar qalbiga choʻgʻlar otmadik,
Gunohga botdik biz tirnoqqa dovur,
Majnun yo Farhodday ishqqa botmadik.

Ishqni jononlardan qidirdik, attang,
Ota ham onani kuydirdik, attang,
Hammaga sharobdan quydirdik, attang,
Lekin Xayyom boʻlib sharob totmadik.

@Shahriyor_Boymirzayevv

Bildim, sening aytar gaplaring tayin,
Yozilgan gapingni o‘qiysan yoddan.
Sevgingga yetishish uchun atayin
Men ham senga atab ssenariy yozsam...

@Shahriyor_Boymirzayevv

Bir chelak suvga bir tomchi najosat tushsa, butun suv bulgʻangan hisoblanadi va foydalanib boʻlmaydi.

Bizning molimizga, davlatimizga ham bir soʻm haromdan topilgan pul aralashib qolsa, topgan hamma pulimizni harom qiladi.

@Shahriyor_Boymirzayevv

Shuhrat Daryo oldiga qoldini qofiya qilib yozilgan "sheʼr"larni qoʻshiq qiladigan ijodkor emas. Har bir sheʼrda oʻzgacha maʼno, oʻzgacha hissiyot bor. Men Shuhrat Daryo qoʻshiq qilgan sheʼrlarning muallifini, deyarli, topa olmaganman. Yuqoridagi sheʼrning ham muallifini topa olmadim. Sheʼrni telegram kanallariga joylaganlar ham muallif ismini yozmagan ekan.

Birqancha izlanishlar natijasida ushbu qoʻshiq 1993-yilda tugʻilgan chiroqchilik shoira opa Baxtiniso Mahmudova (oxiratlari obod boʻlsin) xotirasiga bagʻishlab kuylanganligini topdim. Demak, sheʼr muallifi shu inson.

Bu ismni qayerdadir eshitganman. Ha, esladim. Oʻtgan yili Zulfiya mukofoti sohibasi Maʼmura Toʻrayevadan eshitgan edim. Shuhrat Daryoning konserti oldi Shuhrat Daryo haqida gaplashib qolgan edik. Uning tarixida boʻlhan bir voqea haqida aytib bergandi. Shuhrat Daryo oʻzi viloyatlar boʻylab gastrol safarlar tashkil qilib pul yigʻgan va yigʻilgan puldan shoira Baxtiniso opani Turkiyaga operatsiyaga joʻnatgan ekan. Afsuski, xastalik tufayli Baxtiniso Mahmudova Turkiyada vafot etadi.

Shuhrat Daryo nafaqat soʻz qadrini bilguvchi ijodkor, balki insoniyligini ham bugungi toshbagʻir odamlarga oʻrnak qilsa boʻladi.

@Shahriyor_Boymirzayevv

Qizgʻaldoqqa oʻxshaydi sevgi,
Ayriliqda yashaydi sevgi,
Sukutlarda yashaydi sevgi,
Soʻzlamay qoʻydim,
Soʻzlamay qoʻydim.

Xudo nasib etdi bir dardni,
Baxt deb tutdi ishq-muhabbatni,
Peshonamga yozilgan baxtni
Izlamay qoʻydim,
Izlamay qoʻydim.

Gar bosh qoʻysam, bolishim kuydi,
Aytilmagan xonishim kuydi,
Tomogʻimda nolishim kuydi,
Yigʻlamay qoʻydim,
Yigʻlamay qoʻydim.

Tutashmasdan yoʻllar ayrildi,
Uchrashmasdan qoʻllar ayrildi,
Oh, umrimdan yillar ayrildi,
Yoʻqlamay qoʻydim,
Yoʻqlamay qoʻydim.

Unutishga yetmaydi kuchim,
Unutishga mahkumman nechun?
Tushlarimda koʻrmaslik uchun
Uxlamay qoʻydim,
Uxlamay qoʻydim.

Qizgʻaldoqqa oʻxshaydi sevgi...

Gʻiybatchini gʻiybatchi deyish ham gʻiybat.

* * *

Xayolni sololsam bir yoʻlga,
Toʻkilgan xazondek toʻzmasam,
Gʻamlarim aylansa bir pulga,
Yozmasam...

Men bemor, keltiring davolar,
Havolar yetmaydi, havolar,
Oʻzgacha yangrasa navolar,
Bezmasam...

Yaqinlar kelmasa yosh artib,
Yasholsak olamni yashnatib,
Hammasi boʻlsa-yu batartib,
Buzmasam...

Muhabbat ergashsa bir eshday,
Ishq izlab ketganmiz biz qushday,
Qalbimga oʻralsa bir rishta,
Uzmasam...
Ul ishqdan oʻralsa bir rishta,
Uzmasam.

✍Shahriyor Boymirzayev

@Shahriyor_Boymirzayevv

Oʻzbek milliy musiqasining zabardast vakili, Shashmaqom asoschisi, Yunus Rajabiyning uy muzeyida boʻldik. Hasan Rajabiy taʼbiri bilan aytganda, Navoiy adabiyotda Xamsa yaratgan boʻlsa, Yunus Rajabiy musiqa ilmida Xamsa yaratgan inson.

Siz videoda koʻrib turgan insoningiz Yunus Rajabiyning oʻgʻli ustoz Hasan Rajabiy. Hasan Rajabiy hozir 83 yoshda ekanlar. Bunday insonlar tirik afsona.

Nazar Eshonqul "Agar inson sanʼatdan bir qadam yiroqlashsa, jaholatga bir qadam yaqinlashadi", deydi.

Alloh hammamizning qalblarimizni sanʼatga yaqinlashtirsin.

@Shahriyor_Boymirzayevv

Qariyib 2 yarim soatlik podkastni, bemalol, 1 soatlik adabiy suhbatga aylantirish mumkin edi. Buning uchun "Mendan mengacha" gapirilganda boshlovchilar oʻzi haqida gapirmaydigan, odamlar vaqtini sochini necha yildan beri oʻstirishi, qaysi shampunga yuvishi haqidagi bachkana savollar bilan olmaydigan darajada saviyali boʻlish kerak.

Ijodkorning adabiyot haqidagi, sheʼriyat haqidagi fikrlari yaxshi. Bu podkastni boʻsh vaqti borlar koʻrsa arzir ekan.

@Shahriyor_Boymirzayevv

"Shoir bu - suvdagi baliq. Muammoli jamiyat - loyqa suv. Loyqalangan suvda yashash esa, baliq uchun azob".

Jontemir