Salohiddinov | Blog

Unutib bo'lmas

Emotsiya aralashgan xotiralarni unutib bo'lmaydi.

Mana nima uchun so'z yodlashda TOG usuli samarali (agar biz tasovvurni toʻgʻri ishlatib bajarsak).

T - tarjima.

Yodlamoqchi bo'lgan chet tili so'zimizni tarjimasi.

O - obraz.

Chet tilidagi so'zni talaffuzi jihatdan o'xshash bo'lgan boshqa tanish so'z.

G - garmonizatsiya.

O'sha yodlamoqchi bo'lgan so'zimiz bilan talaffuzi o'xshash bo'lgan so'z ishtirokidagi gap.

O'sha gap qanchalik emotsional va g'ayritabiiyroq bo'lsa esda qolishi shuncha osonroq bo'ladi.

Baribir esimdan chiqib ketadi deysiz, lekin aynan tur xil emotsiyalar aralashgan xotiralar unutilmaydi.

P.S. Fikrimda xatolik bo'lishi mumkin. Men daho emasman )

@Salohiddinov_blog

2024-yil sarhisobi

1. Bu yil ham 'https://t.me/Salohiddinov_blog/1785?comment=12931' rel='nofollow'>chellenjimni 7-8 ta vazifalar bilan yakunladim va uzmasdan bajarilgani mutolaa va yuztuban yotib turish mashqi bo'ldi.

2. Abba Marketing Agentligida 2 oy ishladim. Tajriba va tanishlar orttirib, muloqot ko'nikmam yaxshilandi.

3. Hilol Nashrdagi ilmiy suhbatdan so'ng, 45 daqiqa Aziz Rahimov bilan yuzma-yuz gaplashdim. Yana bir katta burilish nuqtasi bo'ldi.

4. ChatGPT ilovasidan foydalanishni boshlab, hozirgacha ko'p foyda oldim va deyarli har kuni unga murojaat qilaman.

5. Matematika va ingliz tili bilan yana shug'ullanishni boshladim. Oldingi mavzular yanada mustahkamlandi.

6. Kuzda Sodiq School'da SAT kursini boshladim.

7. Asaxiy nashriyotiga topshirgan 1-kitob kitobim uchun tanqidli taqriz javobi keldi. O'zgartiriladigan joylari ko'pligi sabab kamida 1 yil ortga surildi.

8. 2-kitob ssenariysi 50% bo'ldi. Ssenariysi tugagach, kitob shaklida yozishni boshlayman.

9. Dekabrda do'stim bilan "Insterstellar" filmiga tushdik. Vaqt topsam kino haqidagi yangi fikrlarimni yozaman.

2021-yil sarhisobi
2022-yil sarhisobi
2023-yil sarhisobi

@Salohiddinov_blog

To'g'ri savol* bera olishni bilgan odam, o'rganishni ham biladi.

*Bu Google, Youtube, ChatGPT, ustoz yoki ustoz deb biladigan inson bo'lishi mumkin.

To'g'ri savol bera olish uchun biz nima xohlayotganimizni aniq va ravshan bilishimiz,

o'zimizdagi muammoni, ichki holatimizni yaxshi tushunayotgna bo'lishimiz kerak.

To'g'ri savol bera olishni o'zi o'rganishga qanchalik ochiqligimizni ko'rsatishi mumkin.

Savollarga javob berishimiz emas, balki to'g'ri savol bera olishimiz bizni saviyamizni ham bildiradi.

#tafakkur_qiling

@Salohiddinov_blog

21 kunda odatlanish afsonasi

London universitetining tadqiqotlariga ko'ra, odat shakllanishi uchun o'rtacha 66 kun talab qiladi.

Lekin, bu odatning qiyinligi va insonning shaxsiyati, irodasi qandayligiga bog'liq.

Ba'zilar uchun 2 hafta kiyofa qilsa, ba'zilar uchun esa 6 oy, 1 yilga cho'zilishi mumkin.

Ehtimol 2-3 hafta davomida odatni o'z-o'zidan bajara oladigan darajaga chiqmas,

kekin, bu muddatda miya yangi odatni qabul qilib, unga moslashishga urinadi.

Siz odatlanmaysiz, shunchaki yangi qiyinchilikka ko'nika boshlaysiz.

Bu odat hayotingizning bir qismi bo'ladigan darajada bo'lishi uchun esa ko'proq vaqt ketadi.

Bir odatni har kuni bajarish orqali borgan sari siz uni shakllanishini tezlatasiz.

Lekin, bu hayotingizning bir qismiga aylangandan keyin o'zingizni bo'sh qo'ymasligingiz kerak.

Ozgina nafsga yengilib 1-2 kundan ortiq shu odatni bajarmasangiz,

uni qurilishidan buzilishini osonroq bo'ladi va bu odatga qaytishingiz ham qiyinlashib boraveradi.

@Salohiddinov_blog

Havo kitoblar

Apple muhandislari Ipod musiqiy pleyerinini ustida ishlashayotganda, Stiv Jobs ilk prototipni akvariumga tashlab, ichidan chiqqan havo pufaklariga ishora qilib, havo uchun joy borligini va yanada kichraytirishni aytgandi.

Aksariyat insonlar tan olmasligi mumkin lekin havo bilan to'ldirilgan kitoblarni maqtab o'qiyotganlar qancha.

Ya'ni, oldi-qochdi va usti yaltiroq bo'lgan yasama gaplar, jumlalar bilan boyitilgan havoli yengil kitoblar.

Lekin, havolari siqib chiqarilgan, faqat aniq ma'lumotlar, g'oyalar, manbalar bilan yozilgan kitoblar ham bor.

Bu huddi "fast-food" va tabiiy ovqatlar kabi.

"Fast-food"dan ko'ra, sekin tayyor bo'ladigan, kaloriyali ovqatlarni iste'mol qilish afzalligini aytsak,

"Oldin o'zingni bilib ol", "Gapirishga oson" kabi toshlar otilishi aniq.

Huddi shunday yengil oldi-qochdi yasama gapli kitoblardan, aniq va go'shtli kitoblar afzalligini aytsak,

"Avval o'zing shunaqa kitob yozib ko'r, keyin gapir" kabi toshlar otilishi aniq.

Aslida "shunday toshlar" otilishi, tanqidni qabul qilolmaslikdan.

Bu esa, tanqidiy fikrlashni yo'q yoki sustligidan dalolat.

@Salohiddinov_blog

O'ndan bir qismi

Bir kitobdan oladigan xulosamiz bir maqolachalik bo'lishi

va bir maqoladan oladigan xulosamiz esa bir jumlachalik bo'lishi mumkin.

Endi o'sha biz o'qiyotgan kitobni mualliflari

shu kitobni yozadiganchalik bo'lishi uchun qancha kitoblar o'qishi kerak ekan?

Youtube'da ham o'qilgan kitoblardan video sharh qilishadi.

Uzoq yillik tajribalar va o'qilgan kitoblardan olingan bilimlardan ilmiy podkastlar, suhbatlar qilishadi

Va bu ilmiy suhbatlar faqatgina bilim va tajribadan emas,

balki bularni egallash yo'lida qancha mehnat va qiyinchiliklardan o'tganidan ham.

Shuni o'ylaganimda menga "Sen ilmga boringni bermaguningcha u senga hech narsa bermaydi" – degan gapi keldi.

@Salohiddinov_blog

– Bu safar odamlar jim

– Jim bo'lishdimi yoki jim qilishdimi?

– Jim bo'lishga majbur qilishdi.

– Bosim qilishdimi?

– Biz doim yashirin bosim ostida bo'lganmiz.

#tafakkur_qiling

@Salohiddinov_blog

Dekabrda blogimni 16 kishi tark etibdi

Oxirgi bir necha oyda obunachilar ancha kamaydi, o'zim ham kamnamo bo'ldim.

Boshqa bloglar bilan reklama almashib yoki kattaroq bloglarga reklama berib,

Anonim savol-javob, kitobdan va podkastdan xulosalar, jonli efirlar qilib,

Hayot tarzim, har xil kayfiyatda fikrlar yozib, yoqtirgan rasm/video ulashib

faollikni oshirib, auditoriyani kengaytirsam bo'lardi.

Lekin, bu menga kerakmi?

Men blogim uchun eng yaxshi fikrlarni ravo ko'raman.

Ko'proq yozish uchun, ko'proq fikr va tafakkur qilish kerak.

Buning uchun esa ko'proq yolg'iz qolish kerak. Men esa, hozir ko'proq band va kam yolg'iz qolyapman.

Kuniga oz-ozdan biror fikr bo'lsa-da yozib tursam ham bo'lardi.

Lekin, hozircha e'tiborimni bu uchun ortiqcha chalg'itmoqchi emasman.

Katta gapirishni xohlamayman. Lekin, yozish meni bir qismim.

Demak, blogimni tashlab qo'ymayman.

@Salohiddinov_blog

Ijod majburdan qilinmaydi. Majburdan qilingani esa san’at darajasidagi ijod bo’lmaydi – @javokhir_toshpulatov

Men kitob yozishim kerak deb o'zimni orticha majburlolmayman.

Blogimga maqola yozishda ham shunday:

Post yozishim kerak deb o'zimni undashim bilan yozganlarim tabiiy chiqmaydi.

Aksincha yashin tezligida kelib qolgan ilhom natijasida yozilgani esa o'ziga xos va tabiiy bo'ladi.

Har narsada doimiylikka harakat qilsam ham,

ayni shu "ijod" masalasidagi doimiylik undagi tabiiylikni buzib qo'yadi.

#tafakkur_qiling

@Salohiddinov_blog

Maqsadlar va orzular

Bular ikkisi suv va yog' kabi mening shaxsiyatim ichida aralashib ketmay suzib yuradi.

Lekin, orzular = hayollar = tasovvurlar.

Orzu qilganimiz, hayolimizdagi kabi bo'lmaydi.

Orzularimizdagi tasovvur bilan real hayotdagi haqiqatni farqi bor.

Oldinlari orzuga intilishga urindim, keyin uni inkor qilib, yuz o'girib faqat real maqsadlar haqida o'yladim.

Endi esa orzuga yetolmasamda, eng kamida real maqsadlar bilan unga yaqinroq kelish xulosasiga keldim.

Na umidlandim va na yuz o'girdim. Shuning o'rtasini ushladim.

Shunday qilayki, orzuyimga yetolmasam, hayotimdan afsuslanmay va hayotimda qiladigan ishlarimdan zavqlanay.

Shunchaki maqsadlarim tomon yurayki, orzularimga yaqinroq kelganimda unga erishib qolsam ham,

hayotim faqat orzuyimga yetish bilan zoye o'tib ketgan bo'lmasin.

P.S. Gap faqat ayni bir orzu haqida ketdi, umumiy ma'noda emas!

@Salohiddinov_blog

Cheksiz elektr energiyasi

Insoniyat uchun tuganmas resurs hisoblangan Quyosh nurlaridan elektr energiyasini olish

kelajakda bizga elektr tokidan cheksiz ishlatish imkonini berishi mumkin.

Huddi internet narxi borgan sari arzonlashayotgani kabi.

Oldinlari internet trafigi (mb'lar) qimmat, cheksiz internet narxi esa undanda qimmat bo'lardi.

Hozir esa, ko'pchilik wi-fi ishlatuvchilar cheksiz tariflardan foydalanishmoqda.

Oldinlari inernet provayderlarning trafik (Gb'lar) narxlari bo'lardi.

Hozir cheksiz internet arzonlashganidan, hech qaysi provayderlarda chekli trafik xizmatlari qolmagan.

Barchasida cheksiz trafiklar. Faqat internet tezligi bilan farqlanadi xolos.

Quyosh energiyasini ko'proq o'zlashtira borganimiz sari aniqrogʻi,

insoniyat Quyosh energiyasidan to'liqroq foydalanadigan sivilizatsiya darajasiga chiqsa,

elektr energiyasi biz uchun deyarli cheksiz bo'lib qoladi va o'shanda biz Kilovatt hajmi uchun emas,

balki foydalanish xizmati uchungina pul to'laydigan darajaga chiqamiz deb oʻylayman.

Lekin, buning uchun Kardeshev shkalasi boʻyicha 1 yoki 2-tip sivilizatsiya darajasiga chiqishimiz kerak.

"Kardeshev shkalasi nima?" – degan savol tug'ilgan bo'lsa, bu mavzuda ham alohida post yozaman In Shaa Allah.

P.S. Asosan shaxsiy fikr va bilganlarimga tayanib yozdim.

#koinot

@Salohiddinov_blog

"BBC Uzbek" yoki "BBC Earth"

Biri asablarga zarar keltiradi,
boshqasi tinchlantiradi.

Biri odamlarni muhokama qiladi,
boshqasi tabiatni o'rganadi.

Biri pessimizm va nafratni kuchaytiradi,
boshqasi tabiatga muhabbatni oshiradi.

BBC Earth kanalidagi ko'zimga yoqqan birorta videoni ko'rishni boshladim.

O'zimni rostdan ham tabiat qo'ynida yurgandek his qildim.

Hayolan yovvoyi tabiat qo'ynida, jonzotlar orasida bo'lishni o'zi boshqacha zavq berarkan.

Bu qandaydir o'ziga yoqadigan kino yoki o'yindan olinadigan zavqdan farq qilarkan.

Endi hech bo'lmasa yakshanba yoki haftada kamida 1 marta "BBC Earth"dan video ko'rishga harakat qilaman.

P.S. Tanlov o'zimizdan )

#tafakkur_qiling

@Salohiddinov_blog

Go'zallik – nomukammallikda!

P.S. Yoki notoʻgʻrimi?

#tafakkur_qiling

@Salohiddinov_blog

Deb o'ylagandim, ammo...

2023-yil yakunida bu yili kuchliroq ilmiy kitoblar o'qishni niyat qilgandim, biroq boshqa rejadagilarni ham o'qimadim.

Lekin, ko'pchilik kabi yiliga "fitfilyonta" kitob tugatishga emas, uni uqish, tadbiq qilishga urinishga e'tibor berishim kerak!

O'zimga shu tushunchani singdirgach, kitob do'konga qatnovim keskin kamaydi.

Hozir ham olishni xohlagan kitoblarni ro'yxat qilib, ertaga sotib olmoqchi edim, ammo hozir shartmikin deb o'ylab qoldim.

Kitobni o'zini yoki u haqida ma'lumotni o'qib, shunchaki qiziqib, sotib olish bilan uni o'qish boshqa

va uni o'qish bilan oldin uni tushunish, uqish, hazm qilish boshqa.

Sotib olaveramiz. Navbati kelguncha qarashlar o'zgarib, yana boshqa kitobni o'qib ketaveramiz.

Ilmiy va diniy kitob tanlash va sotib olishda ham hissiyotlarni chetga surib turish kerak degan fikrda qoldim.

***

Endi o'zim qiziqqan mavzularni ham o'qiyman.

Demak, bu safar ilmiy-ommabop va badiiy adabiyot tomonlama koinotga parxoz qilamiz )

@Salohiddinov_blog

#koinot

Gravitatsiya – tortishish kuchi

Bolaligimizdan biz uchun tanish bo'ladigan temirlarni o'ziga tortadigan magnit ham tortishish kuchiga misol bo'ladi.

Bir necha soat tik oyoqda turganda oyoqda paydo bo'ladigan og'riq ham Yerning tortishish kuchi sababidan.

Biz Yerni ustida turamiz. Oy Yer atrofida, Yer Quyosh atrofida, Quyosh esa, galaktikamiz markaziga nisbatan aylanadi.

Massa ortgan sari, uning tortishish kuchi ham oshadi.

Ammo Oy Yerdan kichkina va uning gravitatsiyasi Yerdan zaifroq bo'lsa-da Oyning gravitatsiyasi Yerdagi suvning sathi o'zgarishiga ta'sir qila oladi.

Xatto Yupiter ham Quyosh bilan raqs tushayotgan juftlik kabi, markazga, bir-biriga nistaban aylanadi.

Pluton va uning yo'ldoshi Xaron ham huddi shunday bir-biriga nisbatan aylanishadi.

Galaktikamizda bunday raqs tushib aylanadigan juft yulduzlar qancha va xatto uchtalik va to'rttalik bo'lib ham o'z markazlariga nisbatan aylanishadi.

Bularning barchasi gravitatsiya ta'siri va doimiy o'zgarmas barqaror holatda davom etadi.

Aslida barcha jismlarda xatto bizda ham gravitatsiya bo'ladi, lekin massamiz kosmik darajada bo'lmagani sababli umuman sezilmaydi.

P.S. Raqsga tushadigan sayyora va yulduzlar sizga qiziqmi, shu haqida ham yozaymi?

@Salohiddinov_blog

Koinot va ilm-fan rubrikasini davom ettiramiz!

Bu safar qiziqroq mavzuda bo'ladi.

"Gravitatsiya – tortishish kuchi"

Shu postga kamida 50 ta "👾" shu reaksiya yig'ilganidan keyin bu postni chiqaraman, In Shaa Allah )

@Salohiddinov_blog

O'zbekistonda IELTS dan 9,0 olishni iloji borligini 1 kishi ko'rsatib qo'ygach,

bu to'siq buzilib, keyin 9 oladiganlar ham ko'paydi.

Hozir boshqa jabhalarda "bu ilojsiz" degan tushunchani sen shu to'siqni buzadigan inson bo'l!

Natijada huddi IELTS 9 olayotganlar kabi bu ham oddiy holga aylanadi.

#tafakkur_qiling

@Salohiddinov_blog

Khan Academy

SAT kursini matematika qismida bizga "Khan Academy"dagi "Basic Algebra" kursi qo'shimcha vazifa qilib berilgandi.

Bu menga videodarsni ko'rib, konspekt qilgandan ancha qiziqarli bo'ldi.

Har bir video va matnli tushuntirishdan so'ng, 4 - 7 talik kichik test va har bir bob yakuniga kattaroq test bo'ladi.

Darsda o'tilgan mavzularni u yerdagi videodars va testlar orqali yanada yaxshiroq tushunib oldim.

Undan tashqari bu qo'shimcha mustaqil o'rganish ko'nikmasi shakllanishiga hissa qo'shdi.

Eng qiziq tomoni Khan Academy platformasida ingliz yoki o'zbek versiyasida ham yagona tizim ekan.

Ya'ni, test va "quiz"lari ham, videodarslari ham boshqa tillarda joylashtirilgan.

Boshqa fan kurslari ham shunday.

Khan Academy(uz) ni telegram kanalidagi Kimyo va Fizika darslarini ko'rib, yozishni boshlagandim.

Endi darslarni saytni o'zidan davom ettirmoqchiman. Undan tashqari jarayonni ko'rib turish ham motivatsiya beradi.

P.S. Nima deb o'ylaysiz, Fizika va Kimyo fanlarini fundamental asoslarini o'zlashtirishga qancha vaqt ketadi?

@Salohiddinov_blog

#savol

1. Khan Academy platformasi haqida bilasizmi?
2. Undan biror marta foydalanib ko'rganmisiz?
3. Xa bo'lsa, qaysi kursini ko'rgansiz?

Keling, shu haqida kuzatuvchilar bilan fikr almashsak )

@Salohiddinov_blog