Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

SAIDA_AZIZ IJODI

@Saida_Aziz_Ijodi
Channel's geo and language: Uzbekistan, Uzbek
Category: Blogs

Ижод ва илҳом Аллоҳдан!
Кўчиришда Муаллиф розилигини олишни унутманг!
Журналист,
сценарист,
психолог Саида ҚОРАБОЕВА
https://t.me/Saida_Aziz_Ijodi_bot
Реклама хизмати 👇:
https://t.me/+_YBJjOJnAvg
Инстаграмда: saidakarabaeva

Related channels  |  Similar channels
Channel's geo and language
Uzbekistan, Uzbek
Category
Blogs
Statistics
Is this your channel? Confirm Канал в реестре блогеров РКН? Confirm Channel history
Posts filter

SAIDA_AZIZ IJODI

21 Mar, 04:34

Open in Telegram Share Report
Video is unavailable for watching
Show in Telegram
📖 Пайғамбаримиз Муҳаммад Расулуллоҳ (соллаллоҳу алайҳи вассаллам) муборак ҳадисларида:

🤲 "Жума кунида шундай бир соат борки, унда дуо шак-шубҳасиз ижобат бўлади", деб марҳамат қилганлар.

🤲 Табаррук ой ва бу кунда ўзингиз ва яқинларингиз учун қилган дуоларингиз ижобат бўлсин! Ҳақ таоло юртимизни тинчликда ва барчамизни барокатда барқарор айласин, яхшиликлари ила қувонтирсин! Икки дунё саодатини ато этсин!

🕋 Сайидул айём, Ҳаж-ул масокин - Жуманинг хайру барокатини тилайман!


https://t.me/Saida_Aziz_Ijodi
900 0 34 1 23
SAIDA_AZIZ IJODI

21 Mar, 04:30

Open in Telegram Share Report
Орамизда Наврўз куни туғилганлар борми?

Таваллуд кун эгаларини икки карра байрам билан муборакбод этамиз! Аллоҳим умрингизни зиёда қилсин! 💐


https://t.me/Saida_Aziz_Ijodi
810 0 21 7
SAIDA_AZIZ IJODI

21 Mar, 04:30

Open in Telegram Share Report
НАВРЎЗ

Аввал юрагингга мўралайди у,
Сўнгра куртакларга ўргатади сўз.
Заминнинг кўзидан қочади уйқу,
Демак, Баҳор келди,
Келмоқда Наврўз.
Қишнинг аҳволига боқиб ҳойнаҳой,
Юм-юм ёш тўкмоқда эриётган муз.
Жилва қилаётир тенгсиз бир чирой,
Демак, Баҳор келди,
Келмоқда Наврўз.
Она бағри каби илиқдир олам,
Ҳарир ҳовур ичра яйрар дала-туз.
Қолди пучмоқларда хазон янглиғ ғам,
Демак, Баҳор келди,
Келмоқда Наврўз.
Яна кўнгиллардан рутубат кетди,
Яна шуълалардан қамашмоқда кўз.
Яна дилдорликнинг фурсати етди,
Демак, Баҳор келди,
Келмоқда Наврўз.


Абдулла ОРИПОВ
2001 йил.

https://t.me/Saida_Aziz_Ijodi
936 0 26 8
SAIDA_AZIZ IJODI

21 Mar, 04:30

Open in Telegram Share Report
ҲАР КУНИНГИЗ БЎЛСИН НАВРЎЗ!
🌷🌷🌷🌷🌷🌷🌷🌷🌷🌷🌷🌷🌷🌷🌷

🌺Фасллар келинчаги – баҳорнинг ёқимли тафти дилларимизга ҳузур бағишлаётган бугунги шукуҳли кунларда мамлакатимизнинг барча гўшаларида яшариш ва янгиланиш айёми – Наврўзи олам катта хурсандчилик билан кутиб олинмоқда. Фурсатдан фойдаланиб, барчангизни нафосат ва гўзаллик байрами 21 МАРТ НАВРЎЗ БАЙРАМИ билан самимий муборакбод этамиз!

💐Ҳар бир оила, ҳар бир хонадонда қувончли кунлар, тўю томошалар кўпаяверсин. Наврўзи олам юртимизга тинчлик-омонлик, бахту саодат, қут-барака олиб келсин!

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

https://t.me/Saida_Aziz_Ijodi
1.2k 0 37 2 7
SAIDA_AZIZ IJODI

20 Mar, 02:29

Open in Telegram Share Report
Бандаман, Оллоҳдан иймон сўраган,
Гуноҳим бўйнимга осилган маржон.
Руҳимни покликка, нурга ўраган,
Умидим йўлчиси Моҳи Рамазон!

Хайрли Саҳарликлар!

https://t.me/Saida_Aziz_Ijodi
3.4k 0 64 7 77
SAIDA_AZIZ IJODI

19 Mar, 19:43

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

68-қисм

🍃
Гули Алибекнинг кайфиятидаги хуррамликни пайқамай қолмади. Айнан ўша қиз келиб кетгач, укасининг кўзларида ёғду пайдо бўлади. Фотиманинг ёнига бир-икки келганини кўрганди. Лекин икки ёшни нима боғлаб турганини тушунолмасди аёл. Қизиқиш устун келиб, Фотимадан Зумрад ҳақида сўради. Алибек билан иккиси орасида бирор нарса борлиги билан қизиқди.

- Рости билмадим. Аммо бизникига Алибекни Зумрад етаклаб келган. Улар қаерда қандай танишганидан хабарим йўқ. Лекин яхшиям олиб келган экан, мана Аллоҳ улар орқали эримга шифо берди, Ўзига шукр! Билишимча, Зумрадни унаштиришган. Бир гапида шундай деганди. Отасининг дўстининг ўғлига...
- Шунақами? – деди Гули Фотиманинг гапларини эшитиб. Бировга унаштирилган қиз билан гаплашиб юриши уятмасми? Қизчи? Бошида рўмоли бўла туриб, бегона йигит билан суҳбатлашиб ўтириши-чи?

Бугун эса бироз наридан туриб, уларни кузатди. Гулининг назарида укаси бу қизга кўнгил боғлаган. Қизда ҳам нимадир бор, шекилли. Алибек билан жиддий гаплашиб олмаса бўлмайди, чоғи...
Опа укасининг палатасига кириб келганида, у ким биландир хуш кайфиятда суҳбатлашарди. Опасини кўриб, гапни қисқа қилди:
- Хўп, раҳмат. Фикрингизни билмоқчи эдим. Соғ бўлинг.
Телефон ўчирилгач, опасига сўроқ нигоҳи билан боқди:
- Келинг, опа?
- Кўриб турибман анча яхшисан!
- Худога шукр!
- Жавоб берсак ҳам бўлар... Уйда Тоҳира опа қарайдилар бу ёғига...
- Безор бўлдингизми? – кулимсиради ука.
- Йўқ, нега безор бўламан? Бир тарафдан пичоқланганинг фойда берди. – Алибекнинг савол назарига опа изоҳ берди: – Дадам билан яқинлашдик яна. Сен комага тушган кунинг дадам мени қучоқлаб, тасалли берганларида... биласанми қандайдир енгилликни туйдим. Мен ёлғиз эмаслигимни ҳис қилдим.
- Зўр бўлибдику... Буни айтмаган эдингиз.
- Мана айтаяпманку... Бу ёғига бир-биримиз билан очиқ гаплашганимиз яхши, укажон! – укасининг қўлига кафтини босди аёл. – Сен ҳам мендан ҳеч нарсани яширма...
- Нимани масалан? – ажабланиб сўради йигит.
- Масалан, Зумрадни. – йигит қизнинг исмини эшитиб майин табассум қилди. Бошини ерга эгди уялиб. – Демак, адашмабман.
- Опа....
- У қизни яхши кўриб қолдинг, шекилли... – Алибек бош ирғади.
- Тўғри топибсиз, опа. У мени бошқа оламга олиб кирди. Балки бекорга пичоқ емагандирман. Балки қоним билан эски гуноҳларимни ювгандирман, опа,..
- Ундай дема, ука. Сен яхши инсонсан. Лекин,.. лекин билишимча у қиз бошқасига унаштирилган эканку...
Алибек юзини дераза томонга бурди. Гапиргиси келмади.
- Али... бекорга ўзингниям, униям бошини оғритма. Ота-онага қарши чиқишига сабабчи бўлма. Биттаси менми? Отамга қарши чиқиб, йиллар давомида сиқилиб яшадим.
- Опа, ҳали ҳеч гап йўқ. Шунчаки яхши кўраман. Тўғриси, совчи бўлиб боришингизни хоҳлагандим. Унашилди дегани, эрга тегди деганимаску... Менимча, Зумраднинг ҳам куёв бўлмишда кўнгли йўқ.
- Ўзи айтдими?
- Йўқ, негадир олтинчи сезгим шунақа деяпти. – Гули кулиб юборди.
- Ол-а, олтинчи сезгингдан ўргилдим. Укажон, бўлмайдиган ишни бўлдираман деб овораланма. Унашилмаганда ҳам майли эди...
- Лекин Фотима опанинг айтишича, фақат белги қилинган. Унаштирув ҳам ҳали бўлмаган. Энди бўлиши керак экан. Аммо бўлмаяпти, опа! Мен Зумрадни... биласизми уни қандайдир узоооқ йиллар излаб юргандекману, энди топдим. У шунақанги беғубор, шунақанги яхши қиз... мен орзулаган малаксиймо, десам ҳам бўлади.
Укасининг қиз ҳақида берилиб, ҳиссиёт билан сўзлашидан Гули тушуниб етди. Алибек севиб қолганди!
- Илтимос, опа, совчиликка боринг. Балки, Аллоҳ бизни бирлаштириш учун учраштиргандир. Ҳаётимнинг бу ёғини у билан тасаввур қиламан, холос.

Гули индамади. Ахир аёлнинг ўзи ҳам севгининг нақадар кучли туйғу эканлигини, домига ютиб юборадиган аждарҳо каби олови борлигини биларди. Бошидан ўтказганди. Шунчаки Зумрад ва унинг оиласини орқаваротдан суриштиришга аҳд қилди.

ДАВОМИ ЭРТАГА
https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
3k 0 1 15 161
SAIDA_AZIZ IJODI

19 Mar, 19:41

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

67.1-қисм

Марварид ҳаммом халатини кийиб, чиққанида Жашид балконда сигарет тутатиб турарди.
- Чекяпсизми? Қачондан? – ҳайрон бўлиб қаради эрига аёл. Шу вақтгача Жамшид ичса ичардики, аммо сигарет чекмасди.
- Билмадим, бир чекким келди, - деди эркак аёлининг кўзларига тикилиб. Жувон кўзларини олиб қочди. Эридан икки қадам узоқлашди. Жамшид уни белидан тутиб, ортидан қучоғига тортди.
-Сиқилма, Марварид... – деди паст овозда. Унинг нафаси аёлнинг бўйнига урилди. Марварид эрининг қучоғидан юлқиниб чиқди. Бу Жамшидга ёқмади: - Нима бўлаяпти сенга? Наҳот қучоқлашим ҳам ёқмаяптими?
- Болалар келиб қолишади. Ҳозир Жавлоннинг қайтадиган вақти... – деганча аёл ётоқхона томон юрди. Ортидан эри ҳам эргашди. Яна қучоқламоқчи бўлганди, Марварид ортга тисарилди.
- Ишга бормайсизми? – деди. Жамшид асабийлашди.
- Сенинг ёнингда қолмоқчиман!
- Мен эса ўзим қолмоқчиман! – деди аёл зарда билан.
- Нега? Нима бўлди?
- Ҳеч нарса... шунчаки ухлагим келаяпти. – Аёл либосларини кўтардида, қизининг хонасига кириб кетди.

ДАВОМИ БОР
https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.7k 0 0 93
SAIDA_AZIZ IJODI

19 Mar, 19:40

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

67-қисм
🍃
Марварид уйига боргунча бир сўз демади. Негадир ҳисларини назорат қилолмасди. Асабийлашарди. Эрига ортиқча гапириб қўймаслик учун юзини машина ойнасидан кўча томонга буриб кетарди. “Ўзини ким деб ўйлаяпти?” деган савол айланарди миясида. Кимга қаратилган эди бу савол: Рамзиддингами ё Заринагами? Билмасди ўзи ҳам. Жамшид хотинининг гапирмай келишига ажабланди. Уни хафа бўлди, деб ўйлади.

- Ўйлама, бошқа фирмага борармиз, - деди Марвариднинг қўлидан тутиб. Аёл қўлини тортиб олди. Кўзларидан дувиллаб ёш тўкилди.
- Йиғлаяпсанми? Қўйсангчи... – бир қўли рулда бўлган эр бир қўли билан унинг елкасидан тутди. Аёл силтаниб, истамаётганини сездирди.
- Тегманг... йўлизга қаранг.
- Нима бўлди? Хафа бўлдингми? Бўлди ҳозир бошқасига борамиз.
- Керакмас, менга ҳеч нарса керак эмас! Уйга ташлаб қўйинг... бўлди!

Аёл қалбидан ошиб келаётган вулқонни босишга уринарди. Рад этилган муҳаббатдан унинг олами вайрон бўлгандек эди, гўё. Марварид ўзини тушунолмасди. Кўнглида кечаётган туйғулар дарёсида чўкиб бораётгандек эди назарида. Чўкаяптию, уни қутқарадиган кимса фақат Рамзиддин, холос. У эса “Чшксанг чўкавер”, қабилида юз буриб кетаяпти. Бунга сари жувон баттар изтироблар чангалига ўралашиб қолмоқда эди.

- Нега бунчалар асабийлашдинг? – яна савол берди эри.
- Нега? Бир марта эрим саёҳатга олиб бораман деганида, шуям ўхшамади, деб! – заҳархандалик билан жавоб қилди рафиқа.
- Бўлди, хўп, йўқ демаяпманку... Ўзинг бошқасига кўнмаяпсанку...
- Биласизми, ҳозир турфирмалар орқали қанча одамлар чув тушиб қолишяпти. Булар ишончли бўлишгани учун, бориб келганимиз учун...
-Унда одам тўлишини кутамиз. Ёки шундай билет оламизу, кетаверамиз. Яхшиси, шу маъқул. Мен эртагаёқ.. йўқ бугуноқ аэрапортга буюртма қиламан. Пул бўлса, у ерда меҳмонхона топиш муаммо эмаску...
- Билганингизни қилинг, - деди Марварид эрига рўйхушлик бермай. Шундоғам у ўз ўтида қоврилаётганди. Ҳеч нарса ёқмаётганди.

Уйга кирибоқ, ювиниш хонаси томон шошилди. Душни ёқиб қўйиб, сувга юзини тутиб турди. Кўзларидан оқаётган жолалар душ паррагидан тушаётган сув томчиларига қўшилиб оқарди. Ичига қандайдир олов ёқилгану, уни ўчиришга кучи етмаётганди аёлнинг. Бу қандай аланга... нега ундай бўлаяпти? Бир йигит деб бунчалик аламга тушиши қай даражада тўғри? У ким ўзи? Нима қилди? Қандайдир сеҳр билан жодуладими? Марварид шу ёшгача севги деганларини ҳис қилмаганди. 19 ёшга кирганида уни Жамшидга узатишди. Бир мартаёқ учрашувда Жамшид уни севиб қолганини яширмади. Қиз эса на мактабда, на коллежда таҳсил олиб, ортидан ўнлаб йигитлар дил изҳори қилган эсада, бирор марта ўзи бу туйғуни туймаганди. Унинг қандай бўлишини ўйлаб ҳам кўрмасидан турмушга узатишди. Тушган оиласи ёмон эмасди. Қайнотаси ўз даврида топармон тутармон бўлган, вақт ўтиб Паркинсон касаллигига чалинганди. Қўллари титрар, тироқ туфайли овқатини еёлмасди. Ҳамшираликда ўқиган Марварид қайнотасига меҳр билан парвариш қиларди. Йиллар давомида кетма кет туғилган болаларга, қайнотасига, уй юмушларига ўралашиб қолди. Севги ҳақида ўйлаш эса умуман ёддан чиқди. Эри ёмон эмасди. Бироқ ширин гапиришни билмасди. У Жамшиддин ўзгача муҳаббат изҳорини кутарди. Бироқ кутганлари амалга ошмасди. Қайнотасининг ўлимидан сўнг улар алоҳида бўлиб кўп қаватли уйга кўчиб ўтишди. Қайнонаси кенжа ўғил билан қолди. Марварид охирги йилларда қалбидаги ёлғизликдан сиқиладиган бўлганди. Бу бўшлиқни ҳеч нарса билан тўлдиролмасди. Гарчи ишга чиқармаган бўлсада, умр йўлдоши қариндошлар, дугоналари билан учрашувларга боришига қаршилик қилмасди. Барибир нимадир камдек туюлаверарди аёлга. Ўзидаги бу тушунарсизликдан чарчаб кетарди гоҳида. Бироқ Рамзиддинни учратган кундан буён у қалбидаги бўшлиқни тўлганини ҳис қила бошлагандек бўлди. Шу боис у билан кўпроқ гаплашигиси келарди. Аммо...

ДАВОМИ 👇👇👇
https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.5k 0 1 114
SAIDA_AZIZ IJODI

19 Mar, 19:39

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

66-қисм

Зийнатхон қизнинг Фотима билан танишгани вақтидан, то унинг болаларини уйга олиб келган вақтигача гапириб берди. Бўлажак қайнонанинг кўзлари ёшланди.
- Қаранг. қандай гўзал тарбия бергансизлар, Зийнатхон! Аллоҳ рози бўлсин! Қалби гўзал мани бўлажак келинимни – атайин урғу берди аёл. Зийнатхон индамади.
Ҳовлидан болалар овози эшитилди.
- Вой, Зумрад келди чоғи. Фотиманинг болаларини отасини кўргани олиб кетганди. Қайтишдими дейман... Мен ҳозир, опа, - деганча мезбон аёл чиқиб кетди. Зуҳрахон ўрнидан туриб, дераза ёнига борди. Ҳарир оқ парда ортидан уларни кузатди.
Зийнатхон қизи билан ниманидир гаплашди. Зумрад бош силкиди. Болаларга қараб, “Қўлингизни ювинглар болалар, кейин ошхонага киринглар. Иссиққина сомса бор, еб оласизлар”, деди. Иккита бола “Хўп”, деганча нари кетишди.

Аёл яна қайтиб жойига ўтирди. Зийнатхон кирганида, у ўйчан қиёфада эди.
- Опа, олинг, нега емаяпсиз? Узр, болаларга чалғиб... – деди Зийнатхон мулозамат билан сўзларкан.
- Зийнатхон. – деганча аёлга юзланди Рамзиддиннинг онаси. – Биздан бир хатолик ўтдими?
- Нега ундай дейсиз? – Зумраднинг онаси ажабланди.
- Унаштирувни нега чўзаяпсизлар? Ё ёшлар бир-бирларига...

- Йўқ, опа... бизникида кетма-кет бошқа юмушлар кўпайиб кетди. Комила касалхонага ётди.

- Комилахоннинг чиққанига ҳам икки ҳафта бўлдику, Зийнатхон. Сиз билан биз кеча танишмаганмиз, ўргилай. Келинг, очиқчасига гаплашайлик! Гап Зарифбой акада эмаслигини биламан. Сиз билан Зумрадга боғлиқ бўлиб турибди ҳаммаси... Зумрад бирор нарса дедими? Рамзиддин бирор хато иш қилибдими?

Зийнатхон кўзларини дастурхон четига қадади. Қўли билан дастурхон попугини ўйнаб, нариги аёлнинг сўзларини эшитди.

- Нега жимсиз? – тоқати тоқ бўлди Зуҳрахоннинг.
- Опа... – бошини кўтарди аёл. – Гапнинг очиғи, қизим икки марта учрашган бўлсаям, иккаласида ҳам хурсанд келмади. Назаримда, ўғлингизнинг кўнглида бошқаси бор, деб ўйлайман. Сабаби...

- Бўлиши мумкинмас. Мен боламни яхши биламан! – норозиланди меҳмон.
- Ҳаммамиз шундай ўйлаймиз. Лекин... улар бизга ҳурмат юзасидан ҳам хўп дейишлари мумкин. Бироқ кўнгилларида бошқа кимса яшаса не ажаб.
- Вой, Зийнатхон, шу вақтгача ўғлим бирор қиз билан гаплашмаган. Юрмаган. Илм толиби бўлган, холос. Балки шунинг учун Зумрадхоннинг кўнглини ололмаётгандир.

- Опа, унашув арафида турган йигит қизга бир кунда бир марта бўлса ҳам қўнғироқ қилиб, хабарлашадими? Майли, ҳар куни учрашмасин, ҳеч бўлмаса, омонлик сўраб қўймайдими? Айни қалблар туғёнга келадиган фурсатларку бу... Лекин ўғлингиз ўн кунга Туркияга кетганида ҳам, қайтиб келиб, учрашгандан сўнг ҳам орада бир ё икки мартагина қўнғироқ қилди ё ёзди. Ҳалиям, қизим билдирмайди. Уялади бундай гапларни айтишга... лекин келинойисини ишга солиб билиб олаяпманда... иккиланиб қолдим, опа.. Зумрад менинг ёлғиз қизим. Унга муҳаббатли турмушни раво кўраман, опа...

- Барака топинг, Зийнатхон, - деди Зуҳрахон унинг гапларини эшитиб. – ростини айтаман, ўғлим қизларга қандай муомала қилишни билмаслиги рост. Буни тан оламан. Балки у ҳам хижолатдир ҳали унаштирув бўлмагани учун ҳар куни ёзишга... бу томонини ҳам ўйлангда...

- Билмадим, опа. Яна озроқ кутайликчи... кейин бир гап бўлар. Уларнинг муносабатлари яхшиланиб қолар...
Меҳмонхонага Зумраднинг овқат кўтариб кириши билан уларнинг суҳбати бўлинди.

ДАВОМИ БОР
https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.4k 0 0 1 113
SAIDA_AZIZ IJODI

19 Mar, 19:38

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

65-қисм

Чорасизлик нима эканлигини биласанми?..

Қалбинг қанот ёзиб учиб кетган жойга, жасадинг бора олмаслигидир "чорасизлик"...

— Шамс Табризий

🍃
Инсон қалбидаги хавотир унинг кечинмаларини ҳар томон судрайди. Кўнглингда шубҳа бор экан, “Нега?” деган савол миянгни пармалаб тураркан, бирор ишга қўлинг бормайди. Ёки қандай юмуш бажараётганингни илғай олмай қоласан!

Зуҳрахоннинг кўнгли бўлмади. Бир гап борлиги аниқ. Зийнатхон на қўнғироққа жавоб берди, на ўзи сим қоқди. Илгари дарровгина қайтариб рақам терадиган бу аёлдан садо чиқмаётгани Зуҳрахон кўнглига шубҳа уруғларини қадади. Уруғлар илдиз отиб, бўй чўзмасдан ўзи бориб хабар олишга қарор қилди.

Эрига сим қоқиб, Зийнатхонни кўриб келишини айтди.
- Яхши, тайёрланиб тур, машина юбораман! – деди Акбар ҳожи.
- Йўлдан, бир тоғора сомса олақоламан, - деб қўшимча қилди аёл.

Зарифбойнинг ҳовлисига кириб келганида, Зийнатхон ошхонада куймаланиб юрган эди. Кутилмаган ташрифдан эсанкираб қолди.
- Дугонамни бир йўқлай, деб келавердим, - деди Зуҳрахон унинг хамир юқи турган қўлларига бир қур назар ташлаб.
- Яхши қилибсиз. Хуш келибсиз, - мулозамат қилди Зийнатхон. Юзида хижолатчилик акс этди.
- Бемаврид келдимми, дейман, - унинг қўлидаги ун юқига ишора қилди меҳмон.
– Хўжайин кесма лағмонни яхши кўрадилар. Шунга тушликка тайёрлаётгандим. Комилани ой куни яқинлиги учун уни ишга солмай, ўзим чаққон келин бўлақолгандим. – деганча аёлнинг қўлидаги тоғорани олди.
- Яхшида... Соғ бўлсак, ўзимиздан иш қолармиди, Зийнатхон, - деди Зуҳрахон. – Эрталаб қўнғироқ қилганимда Комилахон тобингиз йўқлигини айтган эди. Хавотир бўлиб, келдим.
- Ҳа, бироз бошим оғриди. Қон босим кўтарилди. Дори дармон қилгач, жойига тушди.
Мезбон меҳоvнни ичкарига - ясатиғлик меҳмонхона томон бошлади.
- Келинг, марҳамат... Ичкарига киринг. Мен ҳозир...
- Овора бўлманг, мен тез тураман. Бизникилар ҳам тушликка келиб қолишса керак. Зумрадхон кўринмайди... Ўқишдами?
- Йўқ, касалхонага кетганди. Ҳозир келиб қолади. – Зийнатхон ташқарига чиқди. Зуҳрахон меҳмонхонага кўз югуртирди. Дид билан безатилган бу манзилда икки ой аввал ўтириб, улар ўзаро битимга келишганди. Зумрадхонни Рамзиддин беришга розилик олинганди. Бу оғзаки битим, ҳали расман тасдиқланмаган бўлсада, бироқ икки томон ҳам қудачиликни бошлаб юборишганди. Аммо икки ой ўтмаёқ мана ҳаммаси ўзгариб турибди. Бугун Зийнатхон билан жиддий гаплашиб олмаса бўлмайди. “Қизи борнинг нози бор”, деганлари рост. Бироқ улар шунчаки таниш эмас, нақ ўттиз йиллик қадрдонларку....

Патнисда нон, чой, иккита ликопга солинган сомсалар билан Зийнатхон ичкарига кириб келди.
- Овора бўлманг. Мен тураман. – хижолат бўлди Зуҳрахон. – Сизниям ишдан қўйдимми?
- Йўғ-а, тайёр қилиб кесиб қўйдим. Қолганини Комила пишириб туради. – чой қайтараркан, шошиб сўзлади аёл.
- Комилахон яхшими? Касалхонага ҳам боролмадик...
- Шукр, яхши. Шу туғруқ олдидан озроқ эркаликда... – кулимсиради Зийнатхон.
- Эсон-омон қутулиб, бағрига босиб олсин. – тилак билдирди меҳмон. Бу икки аёлнинг ёши икки уч ёшга фарқ қиларди. Зийнатхон Зуҳрахондан уч тўрт ёш кичик эди. Шу боис опа деб мурожаат қиларди.
- Опажон, айтганингиз келсин! Сиздек бир қучоқ неваралар бағрида юриш бизгаям насиб қилсин, - деди мезбон аёл. – Олинг, энди бизники бўлди. Ҳали иссиққина экан. Тандирдан узибоқ олиб келибсиз, шекилли.
- Зумрад нега касалхонага кетди? – ўзини ўйлантираётган саволни берди Зуҳрахон.

ДАВОМИ 👇👇👇
https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.7k 0 1 1 100
SAIDA_AZIZ IJODI

19 Mar, 14:38

Open in Telegram Share Report
Video is unavailable for watching
Show in Telegram
Силаи раҳм...

Отангни соғинсанг, амакинг ва аммангни, онангни соғинсанг тоғанг ва холангнинг ёнига бор, дейишган...

Муборак кунларда қариндошларни йўқлаб қўйинг...

https://t.me/Saida_Aziz_Ijodi
5.2k 0 132 6 68
SAIDA_AZIZ IJODI

19 Mar, 02:22

Open in Telegram Share Report
✅ Рўза тутишдаги ҳикмат – тақводир. Ким Аллоҳга тақво қилмаса, рўзанинг мақсадини ҳам, ундаги ҳикматни ҳам қўлга киритмабди.

✅ Рўза сабрни ўрганиш, нафсни тарбия қилиш, руҳий озуқани кўпайтириш ва бошқаларни ҳис қилиш йўлидаги мактабдир.

Хайрли саҳарлик, Азизлар!

https://t.me/Saida_Aziz_Ijodi
4k 0 37 2 59
SAIDA_AZIZ IJODI

18 Mar, 21:03

Open in Telegram Share Report
Video is unavailable for watching
Show in Telegram
#ТУНЧИРОҚ

Шунақа дардлар борки, даьвоси ва тасаллиси иймондандир...

Омина Шенликўғли


Эртанги кун умидларга тўла. ИншаАллоҳ, умидлар бўй кўрсатсин.

Хайрли тун !

https://t.me/Saida_Aziz_Ijodi
3.2k 0 14 16 40
SAIDA_AZIZ IJODI

18 Mar, 18:50

Open in Telegram Share Report
3.2k 0 1 18
SAIDA_AZIZ IJODI

18 Mar, 18:50

Open in Telegram Share Report
МАНА ШУ КАНАЛГА ОБУНА БЎЛИБ ҚЎЙИНГЛАР... КАТТА ҚИЗИМ АЗИЗАХОННИНГ КАНАЛИ. КИТОБЛАРДАН ИҚТИБОСЛАР ЁЗИБ ТУРАДИ. КУЗАТИШНИ ТАВСИЯ ҚИЛАМАН!👇👇👇
3.2k 0 0 2 21
SAIDA_AZIZ IJODI

18 Mar, 18:49

Open in Telegram Share Report
Каналимизга янги қўшилганлар, ёки қиссаларимизни ўқимаганлар, агар учта қиссани "Қалблар Унинг измида",
"Севил(ма)ганлар" ва
"Гўзал"ни битта ўтиришда ўқишни истайдиганлар бўлса, ёпиқ пуллик каналимиз ҳам бор.

Ёпиқ каналда қиссалар тўлалигича жойланган. Бунинг учун админга мурожаат қилинг 👉 @Saida_Aziz_admin
3.2k 0 1 5
SAIDA_AZIZ IJODI

18 Mar, 18:48

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

64-қисм

🍃

Ичкарида эса Зарина Рамзиддинга кулимсираб гапириб турарди:
- Ака Рамзиддин, бу аёл ким? Худди еб қўяй дедия сизни... Эски танишларданми дейман?

- Сизга нима? – жиддий жавоб қилди Рамзиддин. – Ишингизни билиб қилсангиз, мижозларнинг ҳамма саволларига жавоб бера олардингиз...
- Вой-бу, хўп тақсирим, бир қошиқ қонимдан ўтинг... Бошқа қайтарилмагай... – қиз ролга киришиб сўзлади.

Беихтиёр Рамзиддин Заринанинг гапларига кулиб юборди. Иккисининг кулишиб тургани устига Марварид кириб келди.
- Яна нима эсиздан чиқибди, кенайи? – атайин масхаралаб гапирди Зарина.
- Сизга нима? – энсаси қотди аёлнинг. Рамзиддинга қаради: - Сизни мумкинми? Рамзиддин чорасиз аёл томон яқинлашди. Улар ташқарига, йўлакка чиқишди.

- Нега жимсиз, Рамзиддин? Бу қиз ким? – саволлар ёмғирин бошлади аёл.

- Заринами? Янги ишчи?

- Шунинг учун менга ёзмай қўйдингизми? – жаҳл билан савол берди жувон.

- Марварид, бас қилинг! Кўчада эрингиз кутиб турибди!

- Нима қипти? Мен сиз билан гаплашгим келаяпти. Мумкин эмасми? Ёздимку ахир... Сиздан ортиқча нарса керакмас, шунчаки суҳбатдошим, яқин дилкашим бўлишингизни истайман!

- Мен сизга номаҳрамман, тушунсангизчи? -

Аллоҳ инсонларни бир-бирларига ёрдам бериш учун яратмаганми? Ахир айтаяпманку, шунчаки суҳбатлашайлик.. Майли машинангизда бўлса ҳам, бирор кун вақт ажратинг... Суҳбатлашайлик, десам менга намоз ўқинг деб ёзаяпсиз... Лекин мен...

- Сизга ундай ёзмадим, - деди йигит аёлнинг гапларига ҳайрон бўлиб

- Қўйсангизчи... кўрсатайми? Ахир бир олам гап ёздимку... Туйғуларимни билдирдимку... Менга ёрдамингиз керак, Рамзиддин! Ахир сиз ҳам менга бефарқ эмассизку... Сизга ҳам яқин бўладиган кимдир кераклиги кўзингиздан кўриниб турибди.

Рамзиддин бу суҳбатга чек қўйишни истади:
- Марварид, эрингиз кутиб қолди. Яхши боринг. Тур пакет бўлса, хабар қиламиз, - деганча ортига ўгирилди. Марвариднинг кўзларидан дувиллаб ёш тўкилди.

- Мен сизни яхши кўриб қолганман, ахир! Нега тушунмайсиз?! – деганини билмай қолди жувон. Рамзиддин юришдан тўхтади. Ортига ўгирилди. Унинг кўзларида тушунарсиз маъно бор эди. Аёл англолмади.

- Мен бошқасини яхши кўраман! – деди йигит қатъий оҳангда. Уларни деразага илинган парда ортидан Зарина кузатиб турарди.

ДАВОМИ ЭРТАГА

https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
3.1k 0 3 19 127
SAIDA_AZIZ IJODI

18 Mar, 18:47

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

64-қисм

🍃
Марварид эри билан Рамзиддин ишлаётган сайёҳлик фирмасига кириб боришганида пешин вақти бўлганди.
-Раҳбарингиз борми? – деб сўради Жамшид котиба қиздан.
- Сафарда эдилар. Бошлиқ ўринбосари бор. Кутиб турасизми? Ҳозир пешин ўқигани чиқиб кетган эдилар, - деб ҳурматлаб жавоб қилди котиба қиз.
-Сизларда Азарбайжонга тур пакет борми? – яна савол берди Жамшид. Шу маҳал ичкари хона эшиги очилиб, Зарина кўриниш берди. Ҳаворанг кофта устида тўқ яшил рангли камзул ва шим кийиб олган Заринанинг лабида табассум барқ урарди.
Марварид унга бошқача тикилди.
- Зарина, қараб юборинг, - деди котиба қиз уни чорлаб. – Сизларга Заринахон жавоб берадилар.
-Ассалому алайкум! Хуш келибсизлар! Марҳамат, қаерга саёҳат қилмоқчи эдингиз? – хушкалом билан сўз бошлади Зарина.
- Бизга Азарбайжонга тур керак эди, борми? – саволини қайтарди Жамшид.
- Афсуски, Азарбайжонга йўқ. Лекин ҳозирча Миср ва Дубайга арзон нархдаги чегирма тур пакетларни таклиф қила оламан!
Марварид қизни ёқтирмади негадир.
- Йўқ, бизга айнан Бокуга керак, яхши қиз... Эримнинг саволини англмадингиз, чоғи?
- Тушундим, опажон. Лекин...
- Менга бошлиғингизни чақиринг... Ўзим гаплашаман, - деди Марварид асабий тарзда. Жамшид хотинига ажабланиб қаради.
- Нега асабийлашасан? Йўқ деяптику... Бу фирма бўлмаса бошқаси бордир....
- Йўқ, биз ўтган сафар шулар орқали ҳам фойдали, ҳам арзон пакет топганмиз. Чақиринг бошлиғингизни....
Шу тобда орқадаги эшик очилиб, Рамзиддин кўринди.
- Ассалому алайкум! Нима гап? – савол берди йигит. Марварид ортига ўгирилди. Иккисининг нигоҳи оний лаҳзалардагина тўқнашди. Йигит кўзини олиб қочди.
- Ассалмоу алайкум, Рамзиддин яхшимисиз? – аёлнинг ўз исмини айтиб мурожаат қилиши йигитни ноқулай аҳволга солди. Зарина иккисига ўзгача боқаркан:
- Бир-бирингизни танийсизми? – деб савол берди.
- Мен фирмангизнинг мижозиман, опоқ қиз! – яна қизга тўрсиллаб гапирди аёл.
- Ука, сиз бошлиқ ёрдамчисимисиз? – сўради Жамшид йигитдан. Рамзиддин бош ирғади. – Бизга Азарбайжонга тур ипакет борми-йўқми, шуни билиб беринг.
Марварид йигитдан нигоҳини узмай тикилиб турарди. Рамзиддин ўзини ўнғайсиз сезарди.
- Энди одам йиғиляпти. Агар бирор ҳафталарда одам йиғилса, Азабайжонга тур пакет бўлади.
- Мана боракану, - деди Марварид Заринага ўқрайиб. Зарина елка қисди.
- Узр, бу қизимиз янги келган. Хабари бўлмаслиги мумкин, -деб уни оқлаган бўлди Рамзиддин. Марвариднинг баттар жазаваси қўзиди.
-Ўргатиб қўйингларда... Билмаса билдиринглар. Бекорга сизларга келмадик. Ўтган гал, яхши таассуротлар билан қайтганимиз учун...
- Хўп, биздан ўтди, узр, - деди Рамзиддин. – Ёзиб қўяйликми?
- Албатта! – чўрт кесиб гапирди Марварид. Кўзлари билан уни еб юборгудек қараб турарди.
- Майли унда сизлардан хабар кутамиз, - деди Жамшид қўлини узатаркан. Рамзиддин:
- Хўп, ўзимиз хабар қиламиз, - деганча уларни кузатди.
Марварид йигитнинг ёнида Заринани кўриб, жиғийбийрон бўларди ичида. “Ким у? Нега унинг ёнида? Яна бир хонада ўтиришадими, дейман?” ичкарида саволлари кўпайиб кетган аёл машина рулига ўтирган эрига қараб:
- Яна сўрайдиган саволим бор эди? Сўраб чиқай? Визани ўзлари қилишармикан ё ўзимизми? – деганча ортига қайтди.
👇👇👇
https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.9k 0 3 119
SAIDA_AZIZ IJODI

18 Mar, 18:46

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

63-қисм

🍃
Зумраднинг яноқлари оловланди. Туриш ноқулай бўлди. Нарироқдаги ўриндиқ томон одимлади. Йигит ортидан эргашди. Қиз билан орасида бир ўриндиқ қолдириб, ўтирди.
- Сизга раҳмат!
- Нима учун? – қиз яна йигитга қаради. Йигит ҳамон унга табасссум билан боқиб турарди.

- Мени дуо қилганингиз, кўргани борганингиз ва... ҳаётга қайтарганингиз учун!

- Ҳар иш Роббимдан. Бу менданмас, Аллоҳдан! Ҳали умрингиз тугамаган экан!

- Илоҳим тугамасин! Сиз билан бахтли яшашни насиб қилсин! – шивирлади йигит. Қиз яна безовтланди.

- Алибек ака, мен сизга унаштирилганимни айтгандим!

- Унашилди дегани, тўйи бўлди дегани эмаску... Бу оламда нималар бўлмайди! – деди йигит жиддий оҳангда. Зумрад қаршилик билдирмоқчи эди, палатадан чиққан болалар унинг ёнига чопиб келишди.
- Зумрад опа, дадамни кўрдик. Яхши эканлар..
- Сизга салом айтдилар... – бири қўйиб, бири чуғурлашди болалар.

- Эй, Бекзод... футбол ўйнаяпсанми? – сўради Алибек кичик ўғилдан.
- Ҳм, лекин кам....
- Мен тузалиб олай, мазза қилиб ўйнаймиз, хўпми? – қўлининг мушти билан болакайнинг кафтига енгил уриб қўйди Алибек. Бола бош ирғади. Фотима кўриниш бергач, Зумрад ҳам ўрнидан турди. Йигит аёл етиб келгунига қадар, қизга яқинроқ келди:
- Сал туриб қўнғироқ қиламан, илтимос жавоб беринг. Маслаҳатли ишим бор сизда...
Зумрад унга хавотир билан тикилди.

- Қўрқманг, совчилик эмас! – гапни ҳазилга бурди йигит. Фотима Зумрадхонга миннатдорчилик билдириб, ўғиллари билан қизни кузатиш учун эшик томонга юришди. Сал нарида эса Гули укасининг ҳар бир ҳаракатини кузатиб турарди.

ДАВОМИ БОР

https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.6k 0 0 102
SAIDA_AZIZ IJODI

18 Mar, 18:45

Open in Telegram Share Report
#КЕЧКИ_МУТОЛАА

#ҚАЛБЛАР_УНИНГ_ИЗМИДА...

Муаллиф: Саида ҚОРАБОЕВА (Saida AZIZ)

63-қисм

🍃
Гули Алибекни ўз клиникасига кўчирганига ўн кун бўлди. Ўша кунги воқеадан бир неча соат ўтиб, у кўзини очганди. Шифокорлардан ўзига келганини эшитган отаси ва опаси унинг ёнига киришди. Кўзлари билан атрофга оғир назар ташлаётган жигарпорасини кўриб қувончдан йиғлаб юборишди.

Алибек аввалига нима бўлганини эслолмади. Эртаси куни аҳволи янада яхшиланди. Опасига берган илк саволи: “ Донор нима бўлди, опа?” деган гап бўлди. Равшан ака ўғлининг саволидан ажабланди. Гули дадасига Алибекнинг қилаётган ишини гапириб берди.

- Топилдими донор? – сўради Равшан ака ҳам.
- Ҳа, қарангки, Иброҳим буванинг буйраги соғлом бўлиб, қон тўқималари ҳам мос келди.
- Қачон операция қиласиз? – оғриқдан аранг сўзлади йигит. Гули бир муддат жим турди. Сўнг дадасига қараб:
- Бу катта маблағ талаб қиладиган операция. Докторларни Ҳиндистондан чақирганмиз. Пулини тўлашимиз билан етиб келишади. Ҳамма гап маблағда қолди... – деди. Равшан ака Алибекка қаради.
- Пулини ким тўлайди? - сўради. Алибек оғриқдан юзлари буришиб, қаддини росталашга уринди.
- Мен! – деди.
- Борми шунча пулинг?
- Сиздан оламанда... – деди жилмайишга уриниб. Опаси ва дадаси ҳам кулиб юборишди.
- Яхши. Мана шу савоб ишинг учун ҳам Худо бизга сени қайтариб берган бўлса, не ажаб. – деди Равшан Давлатович, сўнг қизига ўгирилди: - Чақиравер шифокорларни. Бугуноқ пуллар айтилган ҳисоб рақамингда бўлади.
- Раҳмат, дада! – деди Алибек ич- ичидан ҳузурланиб.
- Али... сени ўз клиникамга кўчирмоқчиман. Нисбатан яхшисан? Қолган муолажаларни ўша ерда олаверасан, - деди опа жиддий оҳангда. Дадаси бош ирғаб маъқуллади.

Мана ўн кундирки, йигит бу ерда. Анча ўзига келиб, оғриқлари ортга чекинди. Секин-аста қадам ташлагач, ҳассага таяниб, юришни машқ қила бошлади. Бу орада Бобурда ҳам жарроҳлик амалиёти ўтказилди. Фотима ҳамон эрининг ёнида - клиникада.

Алибек палатадан чиқиб, ҳассага суянганча секин юра бошлади. Йўлакда оппоқ либос ва рўмолдаги Зумрад кўриниш берди. Ёнида Фотиманинг иккита ўғли. Қўшни палатадан Фотима ҳам чиқиб келди.
- Ие, Алибек, омонмисиз? Кўз тегмасин. Кечагидан дадилсиз бугун, - деди. Сўнг ўзлари томон келаётган болаларни қучоғига олди. – Тойчоқларим, асалларим. Бирам соғиндим. Дадангиз ҳам соғинганлар. Тўпалон қилмасдан секин кирамиз, хўпми? – Фотима фарзандларининг қўлларидан тутиб, палата томон одимлади. Ортига ўгирилиб:
- Зумрадхон, сиз кутиб турасизми? – деб сўради. – Ё кирасизми?
- Кутиб тураман! Сизлар бемалол... – деди қиз майин оҳангда. Алибек Зумрадга меҳр ва муҳаббат назари билан боқиб турарди. Зумрад нигоҳини ерга қадади.
- Ортда қолгани рост бўлсин! Аллоҳ комил шифо берсин! – деди паст овозда.
- Раҳмат! – кулимсиради Алибек. – Ўша куни сизни ранжитиб қўйганим учун жазоландим...
- Йўғе, жазоланишдан Худо сақласин, - деганча беихтиёр йигитга боқди қиз. Нигоҳлар туташувидан учқун чиққандек бўлди. Қалб денгизида тўфон кўтарилди, гўё. Ҳар икковининг кўзларида севги акс этарди. Иккисида ҳам учқун бор эди. Иккисида ҳам ёғду жилва қиларди. Қалбдаги муҳаббат кўзларда нур янглиғ порларди.

-Мен сизни кўрдим! – деди Алибек унинг нигоҳидан кўзини узмай. Зумрад яна ерга қаради. Бироқ ичидаги туғёндан безовталанди. Нима бўлди? Нега сўзлашиш бунчалар ёқимли? Нега унинг нигоҳларида бунчалар меҳр кўриняпти? Алибек гапида давом этди: - Мени кўргани келганингизни билдим.
Қиз жим.
- Ишонасизми, Зумрад, сизни кўриб, бу оламга қайтдим! Ўшанда комада эканимда, онам билан учрашдим. Мен волидамнинг ёнида қолмоқчи эдим. Лекин касалхонада дуо қилиб турганингизни кўриб бу оламга қайтдим. Сиз менга умид бердингиз. Яшашимга белги бердингиз!

👇👇👇

https://t.me/Saida_Aziz_Ijodi
SAIDA_AZIZ IJODI
Ижод ва илҳом Аллоҳдан! Кўчиришда Муаллиф розилигини олишни унутманг! Журналист, сценарист, психолог Саида ҚОРАБОЕВА https://t.me/Saida_Aziz_Ijodi_bot Реклама хизмати 👇: https://t.me/+_YBJjOJnAvg Инстаграмда: saidakarabaeva
2.7k 0 3 139
20 last posts shown.