🌸 Rosululloh izlaridan 🌸

РУҲИЙ ХОТИРЖАМЛИККА
ЭРИШИШ СИРЛАРИ...

1. Нуқсонсиз бўламан, деб уринманг. Мукаммаллик ягона Аллоҳга хос эканини эсингиздан чиқарманг.

2. Муҳаббат билан яшанг. Меҳр кўриш учун, олдин ўзингиз бошқаларга меҳр кўрсатишингиз керак.

3. Яхшилигингизга жавоб кутманг, сувга отинг. Эзгу амалингизга рағбат олишни хоҳлашингиз табиий. Аммо, у яширин қолганида сиз учун янаям хайрли бўлишига ишонинг.

4. Эътибор завқини ҳис эттириш билан атрофингиздагиларга қувонч улашинг.

5. Шу лаҳзада яшашни ўрганинг. Ўтмишдаги хатолар ёки келажакка оид қўрқувларингиз бугунингизга таъсир қилишига йўл қўйманг.

6. Сабрли бўлинг. Чунки шундай қилмасангиз, ҳар бир кичик ғамдан фожиа ясаш оддий ҳолга айланади.

7. Дўстона қўл чўзинг! Хафагарчиликдан кейин биринчи қадамни қарши тарафдан кутманг. Ёдингизда тутинг, ҳақ бўлиш - бахтли бўлишдан устун эмас.

8. Ҳақиқатга бўйин эгинг. Шикоят қилиб, нолиб, ўзингизнинг, бошқаларнинг кайфиятини бузиш ўрнига, борини борича қабул қилишга ўрганинг.

9. Ўзингизга “жимлик вақти” белгиланг. Ҳамма нарсадан холи, ёлғиз қолишни хоҳлайдиган пайтларингиз бўлади. Бундай дамлар ўзингизни ўзингиз эшитишингизни таъминлайди, ҳузур беради.

10. Олдин қаршингиздаги одамни тушунишга урининг. Агар атрофингиздагилар билан тўғри муносабатни шакллантиришни истасангиз, шундай қилишингиз керак.

11. Камтар, сипо бўлинг. Бошқаларга ўзингизни исботлашга қанча кам уринсангиз, ичингиздаги ҳузур шунча ортади.

12. Танқидни қабул этинг. Оддий эътироз учун жанжаллашиш ўрнига танқидга тўғри қарашни синаб кўрсангиз, ўзингизни янаям яхши ҳис қиласиз.

13. Парчаларга бўлинманг. Бир пайтнинг ўзида бир неча юмушни уддалайман деб бекор уриниш ўрнига битта ишни чиройли бажаринг.

14. Нима бўлганда ҳам бахтли эканингизга ишонинг, шунда сабабларини кўра бошлайсиз. Ёдингизда тутинг, инсонннинг ўзи саодатли эканига ишонмаса, уни хеч ким бахтли қилолмайди.


Kanalimizga obuna boʻling:

https://t.me/Rosululohizlaridan

​​#қисқа_савол_жавоблар

❓САВОЛ: Шаввол ойи рўзасини тутяпман. Ҳижома қилдирсам рўзам очиладими?

💬 ЖАВОБ: Бисмиллаҳир Роҳманир Роҳим. Қон олдириш рўзани бузмайди, лекин одамни ҳолсизлантириб қўйса, макруҳ бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

МУСО АЛАЙҲИССАЛОМ САҲИФАЛАРИДАН

"Ўлимга ишониб, унинг келиши муқаррарлигини била туриб хурсанд юрган кишиларга ажабландим; оташга ишониб, кулиб юрганларга ажабландим, тақдирга ишониб, гердайиб юрганларга ажабландим, бойликни кўриб, аҳли оиласига юзланган ва уни омонат билмай, хотиржам юрганларга ажабландим, ҳисоб-китоб қилинишига ишонган, лекин ҳеч нарсага амал қилмай юрганларнинг ҳолига ажабландим”.


Kanalimizga obuna boʻling:

https://t.me/Rosululohizlaridan

​ФОЙДАЛИ ҲИКМАТЛАР

✅ Ким бир яхшиликни ният қилса, Аллоҳ унга ўша ниятига эришиш сабабларини ҳозирлаб, яхшилик эшикларини очиб қўяди.
"Агар улар ислоҳ қилишни истасалар, Аллоҳ эр-хотин орасига иттифоқликни солур",  (Нисо: 35).
Шайх Абдулазиз Тарифий


✅ Ваҳб ибн Мунаббиҳ роҳимаҳуллоҳ деди:
"Агар биров сени ўзингда йўқ сифат билан мақтаётганини эшитсанг, у сени ўзингда йўқ иллат билан айблашидан хотиржам бўлма!"
("Сияру аъламин нубала",  2/844)


✅ Саодат ва ҳидоят бир-бирига чамбарчас боғлиқ. Ҳидоят ортгани сайин саодат ҳам зиёдалашиб боради. Ҳидоятдан мосуво бўлган ҳар қандай саодат вақтинча бўлиб, узоқ давом этмайди.
"Ким Менинг ҳидоятимга эргашса, йўлдан озмас ва бахтсиз бўлмас", (Тоҳа: 123).
Шайх Абдулазиз Тарифий


✅ Гуноҳлар ақлни Қуръон маъноларини тадаббур қилиш ва тушунишдан тўсади ҳамда қалбни тафаккур қувватидан мосуво қилади.
"Агар хоҳласак, гуноҳлари сабабли мусибат етказиб қўйишимиз маълум эмасми? Биз уларнинг дилларини (ана шундай) муҳрлаб қўюрмиз. Сўнг улар (ҳеч қандай панд-насиҳатга) қулоқ солмай қўядилар", (Аъроф: 100).
Шайх Абдулазиз Тарифий


Kanalimizga obuna boʻling:

https://t.me/Rosululohizlaridan

ЛУҚМОНИ ҲАКИМ  АЙТАДИКИ:

- Эй, ўғил! Ўлик қалбни тирилтирмоқ учун ўн ҳикматга амал этмоғинг лозим:

1. Фақир ва мискинлар билан бирга ўтирмоқ.

2. Дунёпарастларнинг мажлисларидан сақланмоқ, улардан узоқ бўлмоқ.

3. Бечораларга ёрдам қўлини узатмоқ, уларга ҳамдард бўлмоқ.

4. Қулларни озод қилиб, уларга эркинлик бермоқ.

5. Ғарибларни меҳмон қилмоқ.

6. Мол билан саҳоват қилиб, камбағалларни бойга айлантирмоқ.

7. Илмга амал этувчи олимларни ҳурмат қилмоқ.

8. Қарияларга ҳурмат кўрсатиб, уларнинг дуосини олмоқ.

9. Яхшиликка даъват этмоқ, ёмонликдан қайтармоқ, амалини ихлос ила бажармоқ.

10. Ибодатни жаннат умиди ёки жаҳаннамдан қўрқиш туфайли эмас, Аллоҳга муҳаббат қўйиб ихлос билан адо этмоқ.


Kanalimizga obuna boʻling:

https://t.me/Rosululohizlaridan

ОНА СУТИНИ СОТИШ
#ҳалол_ҳаром

❓1613-CАВОЛ: Айрим ҳолларда чақалоқларни тўйдириш учун оналарнинг сутини аралаштириб сотилар экан. Бу савдо жоизми?

💬 ЖАВОБ: Бисмиллаҳир Роҳманир Роҳим. Она сутини сотиш жоиз эмас. Бундай сутлар билан болаларни тўйдириб бўлмайди. Чунки она сутини тановул қилиш билан бола ва ўша она ўртасида разоат (эмикдошлик) собит бўлади. Сути олинган аёл эса, кимлиги маълум бўлмайди. Мусулмонлар ижмоси (иттифоқи) билан насаб билан маҳрам бўладиганлар, эмизиш билан ҳам маҳрам бўлади. Шариатнинг мақсадларидан бири насабни сақлашдир. Бу амалиёт эса, насаблар аралашиб кетишига олиб боради. Ислом фиқҳи Кенгаши ўзининг Жидда шаҳридаги 2-сонли йиғилишида бу амалиётни шариатга номувофиқ деб қарор қилган (Фиқҳул буюъ). Валлоҳу аълам.

Ўзбекистон мусулмонлари идораси
Фатво маркази.


Kanalimizga obuna boʻling:

https://t.me/Rosululohizlaridan

МУСЛИМА КЕЛИНГА МАЗМУНЛИ МАКТУБ
🧕🏻 #Аёлларга_50_насиҳат

1️⃣ Эрингизга унга ёқадиган исм ва сифатлар билан мурожаат қилинг

Инсонларнинг биз ҳақимиздаги фикрлари уларнинг сўзларидан маълум бўлади. Шу сабабдан кўпинча бошқаларнинг биз ҳақимизда нималарни ўйлашига қизиқамиз. Биз ҳақимизда яхши фикрда бўлган ёки ёмон фикрда бўлмаган кишиларнинг мурожаат шакли, оҳанги бизга ёқимли эшитилади. Ёқадиган оҳангда мурожаат қилган кишига нисбатан бизда ҳам яхши туйғулар уйғонади. Устига-устак ўзгалар олдида исмимиз тилга олинса ёки бизга хитоб қилинса ва бу жуда яқин кишимиз ёхуд турмуш ўртоғимиз томонидан амалга оширилса, биз учун катта аҳамият касб этади. Шу боис эр-хотин бир-бирига мурожаат қилар экан, ғурурлантирадиган ва хуш ёқадиган сифатлар ҳамда исмлардан фойдаланишга эътибор қаратиши лозим. Уйда бўлмаса ҳам бирор бошқа жойда, одамлар орасида, бирор йиғинда аёлнинг ўз турмуш ўртоғини ёқимли сифатлар билан тилга олиши уни бахтли қилади ва ғурурлантиради. Аксинча, унга ёқмайдиган исм ва сифатлар билан мурожаат қилиши уни ранжитади, кейинчалик унинг бу ҳаракатидан қаттиқ уятга қолиши мумкин. Албатта, фақат аёл киши эрига чиройли муомалада бўлишга мажбур эмас. Эркак ҳам ўз аёлига худди шу тарзда мулойимлик билан, унга ёқадиган сифатлар орқали мурожаат қилиши лозим. Ҳеч бўлмаса бошқалар олдида унинг исмидан сўнг хонимафанди, хоним (муҳитга ва ёшга кўра бу ўзгартирилиши мумкин) каби сифатлардан фойдаланиш зарур. Ёлғиз қолганларида бундан ҳам самимий ва яқин мурожаат қилишлари мумкин.

"Ҳазрати Пайғамбар соллаллоҳу алайҳи васалламдан аёлларга 50 насиҳат" китобидан.


Kanalimizga obuna boʻling:

https://t.me/Rosululohizlaridan