NON

“Буларни онгингда фараз қилиб, ўзингни буларга бутунлай бағишлагин, токи сенинг муваффақиятинг ҳаммага ошкор бўлсин.” (Тимотийга 1-мактуб 4:15).

Забур(Санолар) 1:2,3:

“аммо истаги Раббийнинг Қонунида бўлиб, Унинг Қонуни ҳақида туну кун мулоҳаза қиладиган одам бахтлидир. У сув бўйида экилган, ўз вақтида ҳосил келтирадиган дарахтдек бўлади ва унинг барглари сўлмайди. У нимаики қилса, муваффақият қозонади.”

Ҳикматлар 4:20-22:

“Ўғлим, сўзларимга диққат қил, гапларимга қулоқ тут. Улар сенинг кўзларингдан йироқлашмасин, уларни юрагингнинг ичида сақла, чунки уларни топганлар учун улар ҳаётдир ва бутун таналарига соғлиқдир.”

Ёқубнинг мактуби 1:25:

“Лекин ким озодликнинг мукаммал Қонунига синчиклаб қараб, унда турадиган бўлса, у киши унутувчан тингловчи эмас, балки Сўзни бажарувчиси бўлиб, ўз ҳаракатларида бахтли бўлади.”

“Ҳар доим барча ибодат ва илтижолар билан Руҳда ибодат қилиб, бутун сабот билан ҳамма муқаддаслар учун бўлган илтижоларда ҳушёр бўлинглар.” (Эфесликларга мактуб 6:18).

Яҳудонинг мактуби 1:20:

“Сизлар эса, эй, севганларим, Муқаддас Руҳда ибодат қилиб, энг муқаддас имонингизда ўзингизни барпо қилинглар”.

Римликларга мактуб 8:26:

“Шунингдек, Руҳ ҳам заифликларимизда бизга ёрдам бермоқда; чунки биз қандай ибодат қилиш кераклигини билмаймиз, аммо Руҳнинг Ўзи ифодалаб бўлмайдиган оҳ-нолалар билан биз учун шафоат қиляпти.”

Фессалоникаликларга 1-мактуб 5:17:

Тинимсиз ибодат қилинглар.”

“Чунки “Раббийнинг номини чақирадиган ҳар бир киши нажот топади”.” (Римликларга мактуб 10:13).

Филиппиликларга мактуб 2:9-11:

“Шунинг учун Худо Уни жуда юксалтирди ва Унга ҳар қандай номдан юқори бўлган номни ато этди, токи Исонинг номи олдида самодаги, ердаги ва ер остидаги ҳар қандай зот тиз чўксин ва ҳар қандай тил Худо Отанинг шуҳратига Исо Масиҳни Раббий деб очиқ иқрор этсин.”

Юҳанно хушхабари 13:13:

“Сизлар Мени Устоз ва Ҳазрат деб атайсизлар ва тўғри қиласизлар, чунки Мен худди Ўшаман.”

Колосаликларга мактуб 3:17:

“Сизлар сўз билан ёки иш билан нимаики қилсангизлар, ҳаммасини Раббий Исо Масиҳ номидан қилиб, У орқали Отамиз Худога миннатдорчилик билдиринглар.”

“Мана, Подшоҳ ҳақликда ҳукмронлик қилади, ҳокимлар адолатда бошқарадилар.” (Ишаъё 32:1).

Эфесликларга мактуб:

“ҳамда У билан бирга тирилтириб, бизни Исо Масиҳда самоларда ўтирғизди”

Ваҳий 1:6:

“бизларни Ўз Отаси ва Худойимизга подшоҳлару руҳонийлар қилиб қўйган Исо Масиҳга абадулабад шараф ва ҳукмронлик бўлсин! Омин.”

Коринфликларга 2 мактуб 5:20:

“Шундай қилиб, биз Масиҳ ҳақи элчилармиз ва гўё Худонинг Ўзи биз орқали инсонлардан ўтиниб сўраяпти. Биз Масиҳ ҳақи ёлворяпмиз: Худо билан ярашинглар!”

Филиппиликларга мактуб 3:20:

“Бизнинг фуқаролигимиз эса – осмондадир. Биз у ердан Нажоткор Раббимиз Исо Масиҳнинг келишини кутмоқдамиз.”

“Сизлар эса, эй, севганларим, Муқаддас Руҳда ибодат қилиб, энг муқаддас имонингизда ўзингизни барпо қилинглар”. (Яҳудо 1:20).

Эфесликларга мактуб 6:18:

“Ҳар доим барча ибодат ва илтижолар билан Руҳда ибодат қилиб, бутун сабот билан ҳамма муқаддаслар учун бўлган илтижоларда ҳушёр бўлинглар.”

Коринфликларга 1-мактуб 14:2:

“Ким номаълум тилда гапирса, у одамларга эмас, Худога гапиради, чунки уни ҳеч ким тушунмайди. У Руҳ билан сирларни гапиради.”

Ваҳий 2:7:

“Руҳ Жамоатларга нима деяётганини қулоғи бор эшитсин: Ғолиб келадиганга Худонинг жаннати ўртасидаги ҳаёт дарахти мевасидан ейишни ато қиламан.”

"Йешуа халққа буюриб деди: “Мен сизларга: “Ҳайқиринглар!” – демагунимча ҳайқирманглар, сизларнинг овозларингиз эшитилмасин ва оғзингиздан ҳеч қандай сўз чиқмасин; "ҳайқиринглар", – деганимда сизлар ҳайқирасизлар". (Йешуа 6:9).

Матто хушхабари 17:20–21:

“Исо уларга: –Имонсизлигингиз учун, – деди, – сизларга ростини айтаман, агар сизларда хантал уруғидек имон бўлса ва бу тоққа бу ердан у ерга кўч, десангиз, у кўчади. Сизга ҳеч бир нарса имконсиз бўлмайди. Бу турдаги руҳ фақатгина ибодат ва рўза орқали қувилади”.

Ишаъё 30:15:

“Зеро Раббий Худо, Исроилнинг Муқаддаси шундай демоқда: “Жойингизда қолиб, тинч ўтирганингизда, қутқарилар эдингиз. Сизнинг кучингиз тинчликда ва умидворликдадир. Лекин сизлар буни хоҳламасдан”.

Марк хушхабари 9:29:

“У эса уларга: – Бу турдаги руҳ фақатгина ибодатдан ва рўзадан бошқа йўл билан чиқмайди, – деди”.

Чунки сизларга ростини айтаман, агар кимки бу тоққа: “Кўтарилиб, денгизга отил”, деса ва ўз юрагида шубҳаланмасдан, унинг айтгани амалга ошишига ишонса, унда унинг айтганларининг ҳаммаси амалга ошади".

Римликларга мактуб 10:17: "Шундай экан, имон – эшитишдан, эшитиш эса – Масиҳнинг сўзи орқалидир".

"Исо эса унга: – Агар Сен ишона олсанг, ишонган одамга ҳамма нарсанинг имкони бор, – деди". (Марк хушхабари 9:23).

Матто хушхабари 9:28-30:

"Исо уйга келганида, кўр одамлар Унинг ёнига келишди. Исо уларга: –Мен буни қила олишимга ишонасизларми? – деди. Улар Унга: –Ҳа, Ҳазрат, – дедилар. Шунда Исо уларнинг кўзларига тегиб: –Сизларга имонингизга яраша бўлсин, – деди. Уларнинг кўзлари очилди. Исо уларга: –Қаранглар, буни ҳеч ким билмасин, – деб қатъий буюрди".

Марк хушхабари 11:22,23:

"Исо жавоб бериб, уларга деди: “Худонинг имонига эга бўлинглар.

“Агарда мен Хушхабарни воизлик қилсам ҳам, бу билан мақтанишимга асос йўқ, чунки бу менинг зиммамга юкланган мажбуриятдир. Аммо Хушхабарни воизлик қилмасам, менинг ҳолимга вой!” (Коринфликларга 1-мактуб 9:16)

Матто хушхабари 9:37,38:

“Шунда У Ўз шогирдларига деди: “Ҳосил кўп, аммо ишчилар оз. Шунинг учун: “Ўз ўрим-йиғимингга ишчиларни юбор”, – деб ҳосил Эгасига ибодат қилинглар””.

Ҳаворийлар фаолиятлари 20:24:

“Аммо мен буларнинг ҳеч бирига эътибор бермайман ва ўз жонимни қадрламайман, фақатгина масофамни ва Раббий Исодан олган хизматни, яъни Худо иноятининг Хушхабарини воизлик қилишни қувонч билан якунлайин”.

Римликларга мактуб 1:14-16:

“Мен юнонлару варварлардан ҳам, донолару жоҳиллардан ҳам қарздорман. Шундай қилиб, менга келсак, мен Римда яшаётган сизларга ҳам Хушхабарни воизлик қилишга тайёрман. Чунки мен Масиҳнинг Хушхабаридан уялмайман, чунки бу Хушхабар ҳар бир имон келтирганнинг, яъни аввало яҳудий, кейин юноннинг нажот топиши учун Худонинг куч-қудратидир”.

“Раббий Худойингнинг исмини беҳудага тилга олмагин. Зеро Раббий Унинг исмини беҳудага тилга оладиганни жазосиз қолдирмайди”. (Чиқиш 20:7).

Филиппиликларга мактуб 2:11:

“ва ҳар қандай тил Худо Отанинг шуҳратига Исо Масиҳни Раббий деб очиқ иқрор этсин”.

Ҳаворийлар фаолиятлари 2:36:

“Шунинг учун эй, бутун Исроил хонадони, қатъий билинглар: Сизлар хочга михлаган шу Исони Худо Масиҳ ва Раббий қилиб қўйди”.

Колосаликларга мактуб 1:18:

“Масиҳ – Жамоат танасининг Бошидир. У – бошланишдир, ўликлардан тўнғичдир, токи ҳамма нарсада биринчиликка эга бўлсин”.

Санолар 111:9:

“У тарқатиб юборди, камбағалларга бўлишиб берди; унинг ҳақлиги абадий туради. Унинг шохи шуҳратда кўтарилади”.

“Унда ҳаёт бор эди ва ҳаёт одамларнинг нури эди. Нур зулматда порлайди ва зулмат уни қамрай олмади”. (Юҳанно 1:4-5)

Юҳанно хушхабари 8:12:

“Исо яна халққа сўзлаб деди: –Мен дунёнинг нуриман. Ким Менинг ортимдан эргашса, у зулматда юрмайди, аммо ҳаёт нурига эга бўлади”.

Коринфликларга 2-мактуб 4:6:

“Зеро қоронғиликдан нур порлашига буюрган Худо бизнинг юракларимизда порлади, токи Исо Масиҳ сиймосидаги Унинг шуҳратини билиш учун бизни ёритсин”.

Петруснинг 1-мактуби 2:9:

“Аммо сизлар – танланган бир авлод, шоҳона руҳонийлар, муқаддас халқ, Худонинг шахсий одамларисизлар. Сизлар Худонинг баркамоллиги ҳақидаги хабарни етказишингиз учун қоронғиликдан Унинг ажойиб нурига даъват қилингансизлар”.

“Ўғри фақат ўғирлаш, бўғизлаш ва ҳалок қилиш учун келади. Мен эса ҳаёт, тўла-тўкис ҳаётга эга бўлишлари учун келганман.” (Юҳанно 10:10)

Юҳанно хушхабари 5:24:

“Ростини, сизларга ростини айтаман, Менинг сўзларимга қулоқ соладиган ва Мени Юборганга ишонадиган одам абадий ҳаётга эга бўлади ва судга келмайди, бироқ ўлимдан ҳаётга ўтади”.

Юҳаннонинг 1-мактуби 5:11,12:

“Бу гувоҳлик шундан иборатки, Худо бизга абадий ҳаёт ато этди, бу ҳаёт эса Унинг Ўғлидадир. Ким Худонинг Ўғлига эга бўлса, у ҳаётга эгадир. Ким Худонинг Ўғлига эга бўлмаса, ҳаётга эга эмасдир”.

Ҳикматлар 4:20-22:

“Ўғлим, сўзларимга диққат қил, гапларимга қулоқ тут. Улар сенинг кўзларингдан йироқлашмасин, уларни юрагингнинг ичида сақла, чунки уларни топганлар учун улар ҳаётдир ва бутун таналарига соғлиқдир”.

Римликларга мактуб 8:11:

“Агарда Исони ўликлардан тирилтирган Худонинг Руҳи сизларда жо бўлса, унда Масиҳни ўликлардан Тирилтирган сизларда жо бўлган Ўз Руҳи билан сизларнинг ўлимли баданларингизни ҳам тирилтиради”.

"Масиҳга шу тарзда хизмат қилган одам Худони ҳам мамнун қилади, инсонларнинг ҳам мақтовига сазовор бўлади." (Римликларга 14:18).

Римликларга 1:9:

"Худонинг Ўғли ҳақидаги Хушхабарни ёяр эканман, чин қалбимдан Худога хизмат қиламан. Худо шоҳид, мен доим сизлар учун ибодат қиламан."

Матто 6:33:

"Сизлар аввало Худонинг Шоҳлиги ва Унинг иродаси пайида бўлинглар, шунда буларнинг ҳаммаси сизга берилади."

Юҳанно 4:23-24:

"Аммо шундай вақтлар келадики, ҳақиқий сажда қилувчилар Отага Руҳда ва ҳақиқатда сажда қиладилар. Бундай вақт келди ҳам! Ота шу йўсинда Ўзига сажда қилувчиларни излайди. Худо Руҳдир, Унга сажда қилувчилар ҳам Муқаддас Руҳ бошчилигида, ҳақиқатни билган ҳолда сажда қилишлари лозим."

"Масиҳ баъзиларни ҳаворий, баъзиларни эса пайғамбар, баъзиларни Хушхабар воизи, яна бошқаларни жамоатларнинг чўпонларию устозлари қилиб тайинлади, токи улар Худонинг азиз халқини хизмат қилишга тайёрласинлар. Шунда Масиҳнинг танаси, яъни жамоат имонда маҳкам туради." (Эфесликларга 4:11-12).

1 Коринфликларга 12:12-14:

"Тана бир бўлса–да, унинг аъзолари эса кўп. Худди шунингдек, тана аъзолари кўп бўлса–да, уларнинг ҳаммаси бир танани ташкил қилади. Масиҳнинг танаси, яъни жамоат ҳам шундайдир. Ахир, биз ҳаммамиз — яҳудийлару юнонлар, қуллару озод бўлганлар, бир тана бўлишимиз учун бир Муқаддас Руҳга чўмдирилдик. Ҳаммамиз ўша бир Руҳга тўлиб–тошганмиз. Зотан бадан бир аъзодан эмас, балки кўп аъзолардан иборат."

Римликларга 12:4-5:

"Ахир, танамиз бир бўлса–да, тана аъзолари кўп, аммо тана аъзоларининг вазифаси ҳам бир хил эмас. Шунга ўхшаб, биз — Масиҳга тегишли бўлганлар, бир танани ташкил қиламиз. Ҳар биримиз ҳар хил аъзолар бўлиб, бир–биримизга боғлиқмиз."

Колоссаликларга 1:28-29:

"Ҳар бирингиз Масиҳ танасининг етук аъзоси сифатида Худонинг олдида туришингиз учун биз ҳаммани огоҳлантириб, донолик билан таълим бериб, Масиҳ ҳақида ўргатяпмиз. Мен ҳам ана шу мақсадда жон-жаҳдим билан хизмат қилар эканман, менга кучли таъсир қилаётган Масиҳнинг қудратига суянаман."

"Ким номаълум тилда гапирса, инсонларга эмас, Худога гапиради, чунки уни ҳеч ким тушунмайди. У Руҳдан илҳомланиб, сирларни гапиради". (1 Коринфликларга 14:2)

1 Коринфликларга 14:14-15:

"Агар мен номаълум тилда ибодат қилсам, руҳим ибодат қилади, онгим эса бунда иштирок этмайди. Хўп, бундан қандай хулоса чиқараман? Руҳим билан ибодат қиламан, онгим билан ҳам ибодат қиламан. Руҳим билан ҳамду сано айтаман, онгим билан ҳам ҳамду сано айтаман."

1 Коринфликларга 2:9-10:

"Биз Муқаддас Битикларда ёзилган сирли режа ҳақида гапиряпмиз: “Худони яхши кўрганлар учун Худонинг Ўзи қандай ажойиботларни тайёрлаб қўйганини ҳеч бир кўз кўрмаган, ҳеч бир қулоқ эшитмаган, улар ҳеч кимнинг хаёлига келмаган.” Бизларга эса Худо буларни Ўзининг Руҳи орқали ошкор қилди. Чунки Муқаддас Руҳ ҳамма нарсадан, ҳатто Худонинг чуқур ўй–фикрларидан ҳам огоҳдир."

Римликларга 8:26-27:

"Бунинг устига, ожизлигимизда Руҳ бизга мадад беради. Чунки биз қандай қилиб ибодат қилишни билмаймиз, аммо Руҳнинг ўзи ифода қилиб бўлмас оҳ-нолалар билан биз учун Худо олдида шафоат қилади. Инсонларнинг юрагини синовчи Худо Руҳнинг фикри нимада эканлигини билади, чунки Руҳ Худонинг иродасига кўра Унинг азизлари учун шафоат қилади."

"Тўғри, биттагина одамнинг гуноҳи туфайли, ўша одамнинг дастидан ўлим ҳокимлик қила бошлади. Аммо Худонинг чексиз инояти билан оқланганларнинг ҳаммаси энди бир Одам, яъни Исо Масиҳ орқали абадий ҳаётда ҳокимлик қиладилар." (Римликларга 5:17)

2 Коринфликларга 9:8:

"Худо сизларнинг ҳаётингизни ҳар жиҳатдан иноятга тўлдириб–тошдиришга қодирдир. Шунда ҳар доим, ҳар жиҳатдан, ҳамма эҳтиёжингиз қондирилади ва сизлар янада кўпроқ ҳар хил хайрли ишлар қиласизлар."

Эфесликларга 2:8-9:

"Ахир, сизлар Худодан иноят топиб, имон орқали нажот топгансиз. Бу Худонинг инъомидир, сизнинг ютуғингиз эмас. Яна ҳеч ким: “Мен савоб ишларим туфайли қутулганман”, деб мақтанмасин."

Титусга 2:11-12:

"Зеро, Худо бутун инсониятга нажот йўлини очиб бериб, Ўз иноятини кўрсатди. Бу иноят орқали Худо бизга шуни ўргатадики, биз худосиз ҳаётдан ва дунёвий орзу–эҳтирослардан воз кечишимиз керак. Ахир, бизнинг ажойиб умидимиз бор: биз Нажоткоримиз Исо Масиҳнинг келишига ва буюк Худонинг улуғворлигини кўришга умид боғлаганмиз. Масиҳнинг келишини кутар эканмиз, бу ўткинчи ҳаётимизда нафсни тийишимиз, тўғри ва тақводор ҳаёт кечиришимиз лозим."

"Қутқарувчингиз, Исроил халқининг муқаддас Худоси — Эгамиз шундай айтмоқда: “Мен Эгангиз Худоман! Яхши бўлинг, деб сизларга йўл–йўриқ кўрсатаман, Юрадиган йўлларингиздан етаклайман."” (Ишаё 48:17).

Ҳикматлар 3:5-6:

"Ўз ақл–идрокингга суянма, бутун қалбинг билан Эгамизга ишон. Ҳар ишингда Эгамизни эътироф эт, шунда У йўлларингни тўғрилайди."

Забур 23:1-3:

"Довуд саноси. Эгамизникидир замин, ундаги бутун борлиқ, Оламу унда яшовчи жамики жонзот. У оламни ўрнатган денгизлар узра, Мустаҳкам қилган уни уммонлар узра. Ким туриши мумкин Эгамизнинг муқаддас маконида? Ким чиқиши мумкин Унинг тепалигига?"

Римликларга 5:5:

"Умидимиз бизни уятга қолдирмайди. Чунки бизга берилган Муқаддас Руҳ орқали юракларимиз Худонинг меҳр–муҳаббати билан тўлиб-тошади."

"Агар мен номаълум тилда ибодат қилсам, руҳим ибодат қилади, онгим эса бунда иштирок этмайди." (1 Коринфликларга 14:14).

Римликларга 8:26-27:

"Бунинг устига, ожизлигимизда Руҳ бизга мадад беради. Чунки биз қандай қилиб ибодат қилишни билмаймиз, аммо Руҳнинг ўзи ифода қилиб бўлмас оҳ-нолалар билан биз учун Худо олдида шафоат қилади. Инсонларнинг юрагини синовчи Худо Руҳнинг фикри нимада эканлигини билади, чунки Руҳ Худонинг иродасига кўра Унинг азизлари учун шафоат қилади."

Яҳудо 1:20:

"Сизлар эса, эй азизларим, қутлуғ имонингизга таяниб ҳаёт кечиринглар. Муқаддас Руҳ илҳоми билан ибодат қилинглар."

Эфесликларга 6:18:

"Ҳар қандай шароитда Муқаддас Руҳга таяниб дуо–ибодат қилинглар. Ибодатда ҳушёр ва саботли бўлиб, Худонинг барча азизлари учун илтижо қилинглар."

"Ҳар қандай шароитда ҳам Худога шукр қилинглар, чунки сизлар, яъни Исо Масиҳга имон келтирганлар учун Худонинг иродаси шудир." (1 Салоникаликларга 5:18).

Филипиликларга 4:6:

"Ҳеч нарсадан ташвиш қилманглар. Аксинча, ҳар қандай шароитда ибодат ва илтижода бўлиб, ҳар бир муҳтожлигингизни Худонинг олдида миннатдорчилик билан изҳор қилинглар."

Забур 34:1:

"Довуд саноси. Эй Эгам, менга қарши чиққанларга Ўзинг қарши бўл. Менга ҳужум қилганлар билан Ўзинг жанг қил."

Колосаликларга 3:17:

"Нимаики қилсангиз ҳам, гапирсангиз ҳам, ҳаммасини Раббимиз Исо номидан қилиб, У орқали Отамиз Худога шукрона айтинглар."

"Агар Менга итоат этсангиз чин кўнгилдан, Ейсиз, албатта заминнинг сара ҳосилидан." (Ишаё 1:19).

Қонунлар 28:1-2:

"Агар Эгангиз Худога итоат этиб, мен бугун айтаётган Унинг барча амрларини битта қолдирмай бажарсангиз, У сизларни ер юзидаги ҳамма халқлардан устун қилади. Эгангиз Худога итоат этсангиз, У сизларга барака беради, барака сиздан аримайди."

Аюб 36:11:

"Агар улар итоат этиб, Худога хизмат қилсалар, Қолган умрларини фаровонликда ўтказадилар, Ҳаётлари роҳатда ўтади."

Ҳикматлар 3:9-10:

"Ўз бойлигинг, биринчи ҳосилинг билан Эгамизни улуғла. Шунда омборинг тўлиб–тошади, янги шаробинг етиб ортади."