"Kitobxonlik maktabi" loyihasining uch yilligiga

Bugun ikki "Nur" bor, "Nurli ilm" bor!
"Qaqnus" "Parvoz" aylar, "Baraka" istab!
Hazratdan "Meros"dir, nashriyot "Hilol"
"Toyyibalar" kelar, qadamin poklab!

Bugun Erkin bobo, hammadan xursand!
Axir yashalmoqda "Hadis va Hayot"!
Bunyod bo'layotir, Yorqin kelajak,
Ko'nglimiz Rizodir, tillarda bayot!

Bugun Baxtiyordir, har bir o'quvchi
Bugun Fayz ufurar, Anvor yuzlardan.

Ibrohim, Ismoil, Muhammad Yusuf
Bilol, Mahmud turar Islomda saf-saf.

Kitobxon o'quvchim, aziz o'quvchim
Bugun uch yil to'ldi maktabimizga!
Uch yil davomida ne-ne ustozlar,
Ma'rifat xirmonin ulashdi bizga!

Uch yildir qadrdon bo'ldikku, do'stlar
Yoshu keksa, erkak-ayol, Azizlar!

Uch yil ne, o'ttiz yil, uch yuz yil bo'lsin!
Qalbimiz ilmga, odobga to'lsin!

Maktabga keldingiz, zavqu shavq bilan
Ilm olmoqdasiz, pok niyat bilan!

Ustozlar bor bo'lsin, boshimiz toji
Ilmga xizmatdir - umrimiz boji.

Kelsangiz xursandmiz, bag'rimiz kengdir
Bu dargoh, muhaqqaq, begumon, kengdir!

Tilaklarim ko'pdir, yaxshilik bari
Yurishdan to'xtamang, ma'rifat sari!

Yo'limiz yo'l bo'lsin, umrimiz umr!
Kelajak avlodga poydevor-zamir!

Iloho, umringiz ziyoga to'lsin!
Qalbingiz ilmga, odobga to'lsin!

Yana takror aytay, quvonib dildan:

Bugun bayram qilar, ahli ilm, din,
Sizni yaxshi ko'rar, faqir Qamariddin!

QamariddinBekmuhammad
25.03.2025
_____
"Hilol" intellektual o'yinining qishki mavsum finalida ishtirok etuvchi jamoalar nomi va loyiha xodimlarining ismlariga ishora qilingan.

@sarasahifalar