Qaraqalpaqstan Respublikası sudları | Rásmiy kanal

Aholi bilan muloqot qilib, ularning sud-huquq sohasidagi murojaatlariga samarali echim topish, fuqaro va tadbirkorlarning qonuniy huquq va manfaatlarini ishonchli himoya qilish choralarini kuchaytirish, odamlarning joylarda sudma-sud sarson bo‘lib yurishlariga barham berish hamda “Inson qadri uchun” g'oyasi asosida chinakam adolatli sud tizimini shakllantirish hamda uning faoliyatini xalq manfaati va inson qadr-qimmatini samarali himoya qilishga yo‘naltirish bo‘yicha belgilangan vazifalar ijrosini ta'minlash maqsadida Nukus shahrida o‘tkazilgan sayyor qabulda Taxiyatosh, Nukus tumani va Nukus shahridan kelgan fuqarolarning sud-huquq tizimiga oid murojaatlari tinglandi.

Oliy sudning Apparat rahbari A. Xolmaxmatov va Qoraqalpog’iston Respublikasi sudlari raislari tomonidan 103 nafar fuqaroning tizimga oid murojaatlari qabul qilindi. Shundan 48 tasi jinoyat, 11 tasi ma'muriy, 42 tasi fuqarolik hamda 2 tasi iqtisodiy sudlovga taaluqli masalalardir.

Og'zaki va yozma murojaatlar qabul qilingan sayyor qabulda 52 nafar murojaat egasiga asoslantirilgan huquqiy tushuntirishlar berildi.

Shu kuni jazo o‘tayotgan 9 nafar shaxs taqdimnoma va iltimosnomalar asosida jinoyat ishlari bo‘yicha sudlar tomonidan jazoni o‘tashdan muddatidan ilgari shartli ravishda ozod qilindi. 2 nafar fuqaroning ma'muriy organ qarori ustidan shikoyat berish muddati tiklandi, 5 nafar fuqaroga nisbatan to‘plangan jinoyat ishi taraflarning yarashuviga asosan tugatilib, ularning murojaatlari ijobiy xal qilindi.

Fuqarolik ishlari bo‘yicha sudlar tomonidan aliment undirish yuzasidan 11 ta sud bo‘yrug'i chiqarilib, ijroga qaratildi. Shuningdek, yuridik ahamiyatga ega bo‘lgan faktlarni belgilash bo‘yicha 4 ta ariza qanoatlantirildi. Ajrashish yoqasiga kelib qolgan bir nafar voyaga etmagan farzandi bo‘lgan bir oila yarashtirildi.

Iqtisodiy ishlar bo‘yicha sudlar tomonidan 2 ta tadbirkorlik sub’ektiga sud qarorlari ustidan da'vo qilish tartibi tushuntirildi.

Sayyor qabulda murojaatlari echim topgan 16 nafar fuqaro Qoraqalpog'iston Respublikasi sudlari faoliyati yuzasidan Oliy sud raisi nomiga yozma tashakkurnoma bildirdi.

Sayt |Telegram | Facebook