Parkent tumani Maktabgacha va maktab taʼlimi boʻlimi rasmiy kanali

#Эътироф

⚡️⚡️⚡️ Тумандошимиз “Мўътабар аёл” кўкрак нишонига лойиқ кўрилди

Анъанага кўра ҳар йили 8 март – Халқаро хотин-қизлар куни муносабати билан давлат ва жамият ҳаётида фаоллиги билан бошқаларга намуна бўлаётган бир гуруҳ хотин-қизлар “Мўътабар аёл” кўкрак нишони билан тақдирланади.

Президентимиз Шавкат Мирзиёев фармонига кўра таъсис этилган “Мўътабар аёл” кўкрак нишони билан туман Мактабгача ва мактаб таълими бўлими услубчиси Арофат Умарова ҳам тақдирланди.

Арофат Умаровага мазкур кўкрак нишони ва унинг гувоҳномасини Тошкент вилояти ҳокими Зойир Мирзаев топширди.

Таъкидлаш жоизки, ушбу мукофот оналик ва болалик муҳофазасига муносиб ҳисса қўшиб келаётган, соғлом ва баркамол авлодни вояга етказиш, уларни ватанпарварлик ва истиқлол ғояларига садоқат руҳида тарбиялаш, жойларда маънавий-ахлоқий муҳитни соғломлаштириш ва миллий қадриятларимизни кенг тарғиб этишда ибратли фаолият олиб бораётган хотин-қизларга берилди.

⭕️ Фурсатдан фойдаланиб Арофат Умаровага келгуси ишларида  муваффақият тилаймиз!

👉 @PARKENT_TONGI

#Табрик

⚡️⚡️⚡️ Паркент туман ҳокими Сардор Исоқуловнинг 8 март – Халқаро хотин-қизлар куни муносабати билан байрам табриги

Азиз аёллар! Муҳтарама онахонлар, қадрли опа-сингиллар!

Сўзим аввалида барчангизни баҳорнинг энг нафис айёми 8 март – Халқаро хотин-қизлар куни байрами билан самимий муборакбод этаман.

Сиз мунис аёллар бизни доимо одамийлик, олийжаноблик сари чорлашингизни, садоқат, меҳр-муҳаббатингиз ва заҳматингизни ҳеч нарса билан қиёслаб бўлмайди. Шу ҳақида гап кетганда, халқимизда “Жаннат оналар оёғи остида” – деган нақл хаёлимизда ўтади. Гўзаллик ва нафосат айёмида истардимки, ҳар бир инсон ҳаёти давомида аёлга – онаси, синглиси, опа ва қизи каби қарасин ва эъзозласин.

Кейинги йилларда юртимизда муҳтарам Президентимиз томонидан хотин-қизларнинг жамият ҳаётидаги фаоллигини янада ошириш, уларнинг маънавиятини, кийиниш маданиятини юксалтириш, оилаларнинг мустаҳкам бўлишида тизимли ишлар олиб борилаётганлигини ҳаммамиз кўриб, билиб турибмиз. Албатта, барча саъй-ҳаракатлар замирида халқимиздаги аёлни ҳамиша қадрлашдек бетакрор ва буюк қадрият ўз аксини топиб келмоқда.

Аслида оила юмушлари, фарзандлар таълим-тарбияси ва ҳаёт ташвишларидан ортиб, халқимизни оғирини енгил қилиш учун турли ташкилотларда ҳалол меҳнат қилиб, садоқатини намоён этиб келаётган аёлларимизни ҳар қанча эъзозласак, ҳар қанча эътироф этсак, шунча оз!

👉 БАТАФСИЛ ЎҚИШ 👈

👉 @PARKENT_TONGI

“Ma’rifat” gazetasining 2025-yil 5-mart kungi talabalar ijodiga bag‘ishlangan sonida:

👉 Tabiat, texnologiya va inson: uyg‘unlik sari intilish
👉 Qo‘rg‘onida yig‘lar kim? Yoxud bugunga bir nazar
👉 Davlat organlari xalqqa xizmat qilishi kerak!
👉 Baholar shunchaki raqammi?
👉 Ular inkubator jo‘jalari emas!
👉 Faqat men zerikarli yashayapmanmi?
👉 Qishloq xotiralari
👉 Aliment to‘laysiz, ammo ishsizmisiz?
👉 Jamoat transporti jamoatchilikka munosib xizmat qilmoqdami?


Gazetadagi maqolalarni marifat.uz sayti, mobil ilova  hamda ijtimoiy tarmoqdagi @marifatziyo  sahifalarida ham o‘qishingiz mumkin.

📱 Telegram     📱 Instagram
📱 Facebook    📱 Mobil ilova

#соҳага_доир_ҳужжатлар

✅ Vazirlar Mahkamasining “Oʻzbekiston Respublikasi Hukumatining ayrim qarorlariga pedagoglarni attestatsiyadan oʻtkazish, kasbiy sertifikatlash va ragʻbatlantirish tizimini takomillashtirishga qaratilgan oʻzgartirish va qoʻshimchalar kiritish toʻgʻrisida”gi qarori qabul qilindi. Unga koʻra:

2025-yil 1-sentabrga qadar:

navbatdagi majburiy attestatsiyaga jalb etilmagan, shuningdek, attestatsiyadan oʻtganlik muddati tugagan va amaldagi malaka toifasi saqlanib qolgan quyidagi pedagoglar majburiy attestatsiyaga jalb etilmaydi hamda ularga amaldagi malaka toifasi boʻyicha haq toʻlanadi:

➖ oliy malaka toifasiga ega boʻlganidan soʻng ushbu toifani 15 yil davomida saqlab kelgan va uzluksiz ish stajiga ega boʻlgan;

➖ pedagogik faoliyat boʻyicha 25 yil va undan koʻp ish stajiga ega boʻlgan;

➖ yoshga doir pensiyaga chiqishi uchun 5 yildan koʻp boʻlmagan vaqt qolgan;

➖ pedagogik faoliyat bilan shugʻullanayotgan pensiya yoshiga toʻlgan pedagoglar;

Shuningdek, quyidagi talablardan biriga javob beradigan pedagoglarga toʻgʻridan-toʻgʻri malaka toifasi beriladi:

➖ pedagogik faoliyat boʻyicha 25 yil va undan koʻp ish stajiga ega boʻlgan pedagoglarga - ularning amaldagi malaka toifasi;

➖ yoshga doir pensiyaga chiqishi uchun 5 yildan koʻp boʻlmagan vaqt qolgan pedagoglarga - ularning amaldagi malaka toifasi;

➖ oliy malaka toifasiga ega boʻlganidan soʻng ushbu toifani 15 yil davomida saqlab kelgan va uzluksiz ish stajiga ega boʻlgan pedagoglarga - oliy malaka toifasi.

2025-2026-oʻquv yilidan boshlab:

➖ taʼlim tashkilotlarida faoliyat yuritayotgan musiqa madaniyati va jismoniy tarbiya fani pedagoglari, pensiya yoshidagi pedagoglar hamda oliy maʼlumotga ega boʻlmagan pedagoglar belgilangan tartibda attestatsiyadan oʻtkaziladi.

👉 Vazirlar Mahkamasining 2021-yil 17-sentabrdagi 572-son qaroriga kiritilayotgan oʻzgarishlar koʻra:

➖ joriy yildan boshlab davlat maktabgacha va umumtaʼlim tashkilotlarining psixolog kadrlari ham attestatsiyadan oʻtkaziladi hamda tegishli malaka toifalari beriladi;

➖ kamida B+ darajadagi umumtaʼlim fanini bilish darajasi toʻgʻrisida sertifikatga ega fan oʻqituvchilariga (boshlangʻich taʼlim oʻqituvchilari bundan mustasno) navbatdagi majburiy attestatsiyada mutaxassislik fani va kasb standarti boʻyicha bilim darajasini aniqlash boʻyicha malaka sinovidan maksimal ball beriladi hamda ular ushbu oʻquv fani boʻyicha malaka sinovidan ozod etiladi;

➖ attestatsiyadan oʻtkazish va malaka toifalari berish tizimi vakolatli xorijiy tashkilotlar akkreditatsiyasidan oʻtkazilgandan soʻng, attestatsiyada 86 va undan yuqori ball olgan pedagoglarga bazaviy tarif stavkasining 70 foiz miqdorida ustama belgilanadi;

➖ oliy maʼlumotga ega boʻlmagan pedagog kadrlarga malaka toifalari berilmaydi. Ular 55 ball va undan yuqori koʻrsatkichga ega boʻlsa, attestatsiyadan oʻtgan hamda lavozimi saqlangan, 55 balldan kam koʻrsatkichga ega boʻlsa, attestatsiyadan oʻtmagan, oʻqituvchi lavozimiga muvofiq emas, deb hisoblanadi;

➖ umumiy oʻrta taʼlim maktablarining musiqa madaniyati va jismoniy tarbiya fani oʻqituvchilari uchun birinchi bosqich (test) sinovlari Maktabgacha va maktab taʼlimi vazirligi tomonidan, ikkinchi bosqich (amaliy) sinovlari tegishli ravishda Madaniyat va Sport vazirliklari tomonidan tashkil etiladi;

👉 Vazirlar Mahkamasining 2022-yil 2-avgustdagi 425-son qaroriga kiritilayotgan oʻzgarishlarga koʻra:

➖ kelgusi yildan boshlab maktabgacha taʼlim tashkilotlari tarbiyachilari ham Maktabgacha va maktab taʼlimi vaziri jamgʻarmasidan ustama olishlari mumkin;

➖ Vazir jamgʻarmasiga nomzodlar avvalgi yilning yanvar-iyun va sentabr-dekabr oylarida oʻtkazilgan malaka sinovlarining birinchi bosqich natijalariga koʻra, umumiy ballning kamida 80 foizini qoʻlga kiritgan fan oʻqituvchilari hamda maktabgacha taʼlim tashkilotlari tarbiyachilari orasidan tanlab olinadi. Bunda hududlar kesimida fan yoʻnalishlari boʻyicha taqsimlangan har bitta kvota uchun uchta nomzod tanlanadi.

👉 Qarorning to‘liq matni

#tanlov

✅Maktabda ijodiy va intellektual qobiliyatini rivojlantirish, iqtidorli o‘quvchilarni aniqlash, ularning iste’dodlarini namoyon etishlariga keng imkoniyat yaratish, o‘quvchilar teatr studiyalari a’zolarining erishgan yutuqlari va tajribalarini ommalashtirish maqsadida, ta’lim muassasalarida "Turon" maktab teatri tanlovini o‘tkazish belgilangan.

Bugun ushbu tanlovning Parkent tuman bosqichi bellashuvlari bo‘lib o‘tdi. Unda to‘rtta sektor hududidan g‘olib deb topilgan maktab jamoalari ishtirok etishdi.

Yakunda jamoalar quyidagi o‘rinlarga ega chiqishdi:

🥇1-o‘rin – 40-sonli maktab jamoasi;
🥈2-o‘rin – 10-sonli maktab jamoasi
🥉3-o‘rin – 30-29-sonli maktab jamoasi.

🏆Tanlov g‘olibi, tumanimizning 40-umumta’lim maktabi jamoasi tanlovning viloyati bosqichi uchun yo‘llanmani qo‘lga kiritdi.

Vakillarimizga navbatdagi bosqichda omad tilaymiz!

👉https://t.me/Parkenttumanixtb

#Паркент
#Таьлим.

#БИЗ ЯНА 45-МАКТАБДА

🏫Паркент тумани Мактабгача ва мактаб таьлими булими тассаруфидаги 45-сонли умумий урта таьлим мактабида ободонлаштириш ва таьмирлаш ишлари олиб борилмокда.

🌳Жумладан мевали,манзарали ва терак кучатлари экилмокда.
Мактаб биносини фасад кисмига ранг берилди,спорт залида иситиш тизими янгиланди,спорт залининг фасад кисмидаги спорт сохасига доир шиорлар янгиланмоқда,ташкилотнинг барча юриш йулаклари таьмирланди.

https://t.me/Parkenttumanxtb

#Паркент
#Таълим

✅Бугун Паркент тумани мактабгача ва мактаб таълими бўлими тассаруфидаги барча умумий ўрта таълим мактаблари ва мактабгача таьлим ташкилотларида "ЯШИЛ МАКОН" доирасида хашар ташкил этилди. 🏫Хашарда барча таълим ташкилотларда педагог ва ходимлар катнашди.Хашарда тозалаш ишлари олиб борилди.

✅ Ҳашар давомида мактаб ҳудудини тўлиқ ободонлаштириш ва хозирда бўш бўлган майдонларда "Яшил макон" куни лойиҳаси асосида дарахт кўчатлари экилди.
Баҳор мавсумида кўкаламзорлаштириш мақсадида иссиқхоналар ташкил этилиб райҳон ва гул уруғлари сепилди.



https://t.me/Parkenttumanxtb

#Танлов

⚡️⚡️⚡️ Паркентлик Раъно Абдуҳамидова "Ёш китобхон" танловининг республика босқичига чиқди

Жорий йилнинг 19 февраль куни "Беш ташаббус олимпиадаси" доирасида "Ёш китобхон" танлови бўйича Тошкент вилояти Тошкент вилоят босқичи Нурафшон шаҳрида бўлиб ўтди.

Унда вилоятимизнинг 22 та туман ва шаҳарларидан келган ёшлар учта (10-14, 15-19, 22-30) ёш тоифасида баҳслашди.

Беллашувларда туманимизнинг Ойбек маҳалласидан 15-19 ёш тоифасида Раъно Абдуҳамидова 1-ўринни қўлга киритди.

Самаробод маҳалласидан 20-30 ёш тоифасида Бахтиёр Қўзиев 2-ўринга лойиқ кўрилди.

Бешкаппа маҳалласидан 10-14 ёш тоифасида Севинч Икромова танловнинг вилоят босқичида фаол иштироки учун тақдирланди.

Паркентлик Раъно Абдуҳамидова энди республика босқичида вилоятимиз ва туманимиз шаънини ҳимоя қиладиган бўлди.

Маълумот учун айтганда, "Ёш китобхон" танловининг республика босқичида ёш тоифасида 1-ўринни эгаллаган ёшларга электромобиль автомобили совға қилинади.

👉 @PARKENT_TONGI

🏫 MMTB BOSHLIGʻI TASHKILOTLARDA

#Parkent tumani Maktabgacha va maktab taʼlim boʻlim boshligʻi
Javlon Yusupov Xasonovich tomonidan tuman tasarrufidagi
umumtaʼlim maktablari va
maktabgacha taʼlim tashkilotlaridagi taʼlim-tarbiyani olib borilishi,obodonlashtirish xolati hamda
MTTlarda oziq-maxsulotlarini saqlanish xolati boʻyicha oʻrganish jarayonlari.

🖊TOSHKENT VILOYATI PARKENT TUMANI MAKTABGACHA VA MAKTAB TAʼLIMI BOʻLIMI.

“Technovation Girls Uzbekistan 2025” start olmoqda! 🚀

📅 Joriy yil 18-fevral, soat 14:00 –Raqamli texnologiyalar vazirligida yangi mavsum ochilish marosimi bo'lib o'tadi! Tadbir bir vaqtning o‘zida Andijon, Namangan, Nukus, Toshkent, Urganch va Farg‘ona shaharlarida o‘tkaziladi. Toshkent shahridagi ishtirokchilarni Raqamli texnologiyalar vazirligida kutamiz.

Dasturda:
✅ Tanlov va imkoniyatlar taqdimoti
✅ Avvalgi ishtirokchilarning muvaffaqiyat hikoyalari
✅ Netvorking va jamoalar shakllantirish

Kimlar uchun?
🔹 8-18 yoshli qizlar – IT-startap yaratishni xohlovchilar
🔹 Mentorlar – 19+ yoshli talabalar, ota-onalar, IT va biznes sohasi mutaxassislari

Qatnashish imkoniyatlari:
🚀 Dasturlash va biznes-rejalashtirish ko‘nikmalari
🌍 Hamfikrlar va foydali jamiyat
🎓 Xalqaro sertifikat
🇺🇸 Finalda Kremniy vodiysiga yo‘l!

Dastur “Tech4Impact” NNT tomonidan Raqamli texnologiyalar vazirligi, Raqamli ta’limni rivojlantirish markazi va “Yandex Uzbekistan” hamkorligida tashkil etilmoqda.

🔗 Tadbirda ishtirok etish uchun ro‘yxatdan o‘tish shart: https://bit.ly/4gJyKQP

❗️ “Technovation Girls Uzbekistan 2025” tanloviga arizalarni quyidagi havola orqa yuboring: https://my.technovationchallenge.org/

👩‍💻 Kelajakni yaratishda ishtirok eting!

📩Telegram 📱Facebook 📱 Instagram 📺Youtube 🌐 LinkedIn 🐦 X

🌈📚 Adabiyot kunlari
#Toshkent viloyati
#Bolalar kutubxonasi
#Parkent tumani MMTB tasarrufidagi 46-umumiy o‘rta taʼlim maktabida joriy yilning 14-fevral kuni kitobhonlikni targʻib etish maqsadida ma'naviy -marifiy tadbir,ijodiy uchrashuv tashkil etildi.Uchrashuvga viloyat bolalar kutubxonasi direktori Umarov Bekjon Anarboyevich ,direktor oʻrinbosari Kattaboyeva Laylo tashrif buyurdi .Ijodiy uchrashuvda oʻquvchilar buyuk shox va shoir Zahiriddin Muhammad Bobur ijodiga bagʻishlangan tadbir tashkil etishdi.O‘quvchilar bobomiz hayoti va ijodi haqida batafsil ma'lumotlar berishdi. Savol javob orqali bilimdonlar baholanib borildi. Tadbirda g‘azal, ruboiy va chiroyli raqslar ijro etildi. Tadbirga tashrif buyurgan vakillar ,,Ertaklar yahshilikka yetaklar,, onlayin tanlovida viloyat bosqichida gʻolib boʻlgan faol kitobxon o'quvchilarni taqdirladilar.Gʻolib oʻquvchilar esdalik sovgʻalar bilan taqdirlandi.
Maktabgacha va maktab taʼlim boʻlimi.