Mandarin haqida

• Mandarin vatani Xitoy hisoblanadi. Asta-sekin u Osiyoning boshqa mamlakatlarida yetishtirila boshlagan. Mandarin doim yashil ko‘rinishdagi daraxt. Mevalari 6 oydan 8 oygacha pishadi. Bitta daraxtdan o‘rtacha 600 donaga yaqin meva terib olinadi. Biroq uzoq umr ko‘radigan rekordchilar ham bor. Ularda 5000 donagacha meva yetiladi.

• Mayo ilmiy markazi olimlari mandarinlar kayfiyatni ko‘tarishini aniqlashgan. Ularning hidi xavotir va zo‘riqishlardan xalos etib, odamga optimistik ruh beradi. Mandarinlar tarkibida nitratlar yo‘q. Bu ularning mevasida limon kislotasi ko‘pligi bilan bog‘liq. U esa o‘z navbatida o‘z xususiyatlari bilan zararli ta’sirlarni neytrallashtiradi.

• Mandarinlarning butun dunyoda mashhurligiga qaramay mandarin sharbatini sotuvda ko‘rishning iloji yo‘q. Buni termik qayta ishlovda uning barcha foydali xususiyatlari yo‘qolishi bilan izohlash mumkin. Bundan tashqari, mandarindan ko‘p sharbat chiqmaydi. Uni meva holida sotish ancha foydali. Mandarin sharbatining ta’mi ham o‘ziga xos bo‘lib, barchaga birdek yoqavermaydi.


https://t.me/PARADISE_zakovat