Ozoda Parpiboyeva |Rasmiy

🇺🇿🇺🇿🇺🇿 Bugun ayol-rahbarlar uchun tashkil etilgan o‘quv seminari ishtirokchilari bilan muloqot o‘tkazdik.

Suhbatimizda asosiy e’tibor O‘zbekistonning xalqaro maydondagi imijini yuksaltirishdagi tashabbuslar hamda bu borada ayollarning siyosiy jarayonlar va qonunchilik tashabbuslarini ishlab chiqishda faol ishtirok etishiga qaratildi.

Ishtirokchilar bilan dolzarb masalalarni aniqlash, tahlil qilish va ularning qonuniy yechimlarini topish hamda xalqaro tashkilotlar bilan manfaatli hamkorlik orqali ijtimoiy-iqtisodiy, huquqiy islohotlarni ilgari surishga doir tajribalarimiz bilan bo‘lishdik.

Mazkur muloqotimiz O‘zbekistonning xalqaro maydondagi o‘rnini yaxshilash va mustahkamlash hamda mamlakatning barqaror rivojlanishiga muhim hissa qo‘shishga qodir bo‘lgan ayol rahbarlarni shakllantirishda muhim qadam bo‘ladi deb o‘ylayman.

@tanzilanarbaeva

🇺🇿🇺🇿🇺🇿 O'zbekiston Respublikasi Oliy Majlisi Senatining 3-yalpi majlisida ko'rib chiqilgan bir qator muhim masalalar:

🔹 Investitsiyalar va investitsiya faoliyatining huquqiy asoslari yanada takomillashtirilmoqda

🔹 “Oziq-ovqat xavfsizligi to‘g‘risida”gi qonun senatorlar tomonidan muhokama qilindi

🔹 Yo‘l harakati xavfsizligini taʼminlashning huquqiy kafolatlari kuchaytirilmoqda

🔹 Qonun bilan banklardagi omonatlarni himoya qilish kafolatlari mustahkamlanmoqda

🔹Ekologik ekspertiza jarayonlari takomillashtirilmoqda

🔹 Mikromoliyaviy xizmatlarga oid qonunchilik takomillashtirilmoqda

🔹 Endilikda 18 yoshga to‘lmagan va 60 yoshdan oshgan shaxslar pasport tizimi qoidalarini buzganlik uchun javobgarlikka tortilmaydi

🔹 Qonun bilan iqtisodiy jinoyatlarga qarshi kurashish tizimi yanada takomillashtirilmoqda

🔹 Davlat bojini to‘lashga oid qonunchilikka o‘zgartirishlar kiritilmoqda

🔹 Madaniyat vazirligining yangi vakolatlari jonli ijro sanʼatini rivojlantirishga xizmat qiladi

🔹 Voyaga yetmaganlar o‘rtasida huquqbuzarliklar profilaktikasi tizimi takomillashtirilmoqda

🔹 Fuqarolar huquq va erkinliklari himoyasini kuchaytirishga qaratilgan Qonun muhokama qilindi

🔹 Mehnat kodeksida fuqarolarning mehnat huquqlari kafolatlari kuchaytirilmoqda

🔹 Alkogol va tamaki bozorini tartibga solishga xizmat qiladigan qonun ko‘rib chiqildi

🔹 “O‘zbekiston Respublikasida xizmat ko‘rsatgan ekolog” faxriy unvoni taʼsis etilmoqda

🔹O‘zbekiston va Tojikiston o‘rtasida ittifoqchilik munosabatlari to‘g‘risidagi Shartnomani ratifikatsiya qilish qonuni muhokama qilindi

🔹Issiqxona gazlarini tartibga solishga oid qonun nima uchun rad etildi?

🔹Mahalla institutining jamiyatdagi roli oshmoqda

🔹Oliy sud tarkibiga o‘zgartirishlar kiritildi

#yalpimajlis3
#senat
#dayjest

@tanzilanarbaeva

🇺🇿🇺🇿🇺🇿 Isroilning O‘zbekistondagi Favqulodda va Muxtor Elchisi Gideon Lustig bilan uchrashuv o‘tkazdik.

Unda davlatlarimiz o‘rtasidagi savdo-iqtisodiy, madaniy-gumanitar aloqalarni yanada kengaytirish va strategik sherikchilik darajasiga ko‘tarish masalalariga e’tibor qaratildi.

Shu bilan birga, Isroil davlati bilan innovatsiya, tibbiyot, farmasevtika, turizm, suv va qishloq xo‘jaligi sohalarida o‘zaro tajriba almashishni keng yo‘lga quyishni muhokama qildik.

Mamlakatlarimiz o‘rtasidagi munosabatlarning mustahkamlanishida parlament diplomatiyasining o‘rni alohida qayd etilib, parlamentlararo hamkorlik va do‘stlik guruhlari ishini faollashtirish yuzasidan fikr almashdik.

Ayniqsa, parlamentning yosh vakillari, yoshlar parlamenti a’zolari o‘rtasida amaliy loyihalar hamda hududlararo aloqalarni yo‘lga qo’yishga doir dasturlarni joriy etishga kelishib oldik.

@tanzilanarbaeva