💛💛💛

O‘ZBEKISTON MFY BINOSI YANGIDAN QURILADI

🟠Bugun, Zarafshon shahri hokimi Nazirbek Rahmanov, shahar prokurori Sh.Shernazarov, shahar IIB boshlig‘i S.Latipov, shahar hokimi o‘rinbosari X.Oripov, Xalq deputatlari shahar kengashi deputatlari F.Soyibov, H.Ernafasov hamda nuroniylar ishtirokida "O‘zbekiston"  mahallasi hududida yangi mahalla binosining qurilishiga tamal toshi qo‘yildi.

❤️ Tadbir avvalida shahar hokimi mahalla aholisi uchun zamonaviy va qulay yangi maskanning yaratilayotgani davlatimiz rahbari tomonidan shahrimiz aholisiga ko‘rsatilgan e‘tiborning yorqin namunasi ekanligini ta’kidlab o‘tdi. Shu bilan birga, Zarafshon shahrida joriy 2025-yilda ikkinchi yangi binoning qurilishiga start berilayotganligini hamda bu xayrli ishlar davom etajagini aytib o‘tdi. Shuningdek, ushbu loyihani qo‘lga kiritish jarayonlarida qo‘llab-quvvatlagan barchaga minnatdorchilik bildirdi.

❤️Jarayonda tadbir ishtirokchilari duoga qo‘l ochib, yangi qurilayotgan bino xalqimizga uzoq yillar xizmat qiladigan inshoot bo‘lishini tilashdi.

❤️Shuningdek,  Xalq deputatlari shahar kengashi deputati Farxat Soyibov ushbu qurilayotgan zamonaviy majmua mahalla yettiligining yanada faol va xalq bilan hamjihatlikda ishlashini ta’minlashga xizmat qilishini aytib o‘tdi.

❤️Ma’lumot o‘rnida, ushbu maskanni barpo etish shahar prokurori, 2-sektor rahbari Sh.Shernazarov hamda mahalla raisi tashabbusi bilan, Tashabbusli budjet loyihasi asosida jami 1 mlrd. 360 mln. so‘m  mablag‘ evaziga barpo etiladi. 

📝 Shahar hokimi mas’ullarga qurilish ishlarini sifatli, o‘z vaqtida bajarilishi uchun barcha shart-sharoitlar yaratish yuzasidan vazifalar belgilab berdi.

✔️Zarafshon shahar hokimligi
Axborot xizmati

🌐Telegram | 🌐Facebook | 🌐Veb Sayt