Олмалиқ 24 хабарлари | Allohning panohida bo‘ling!

⚡️⚡️⚡️

Наманганлик фуқаро Ўзбекистон президентини ҳақоратлагани учун қамалди

Суд Эрондан қайтган 27 ёшли наманганлик фуқарони Facebookда президент Шавкат Мирзиёевга нисбатан туҳмат ва ҳақоратли изоҳлар ёзгани учун 5 йилга озодликдан маҳрум қилди.

28 март куни жиноят ишлари бўйича Наманган шаҳар суди ижтимоий тармоқларда президент Шавкат Мирзиёевни ҳақорат қилган ва хорижга ноқонуний чиққан 27 ёшли йигитга нисбатан ҳукм чиқарди.

Қайд этилишича, Наманган шаҳрида яшовчи фуқаро Д.Т. 2023 йилнинг 4 декабрь куни Эрондан қайтгач Жиноят кодексининг 158-моддаси 3-қисми (Президентни омма олдида ҳақоратлаш ёки унга туҳмат қилиш, шунингдек, матбуот ёки бошқа оммавий ахборот воситаларидан, телекоммуникация тармоқларидан ёки интернетдан фойдаланган ҳолда уни ҳақоратлаш ёки унга туҳмат қилиш) ва 223-моддаси 2-қисми «б» банди (Бир гуруҳ шахслар томонидан олдиндан тил бириктириб, қонунга хилоф равишда чет элга чиқиш ёки Ўзбекистонга кириш) бўйича қўлга олинган. Биринчи моддада 3 йилгача ахлоқ тузатиш ишлари ёки 2 йилдан 5 йилгача озодликни чеклаш ёхуд 5 йилгача озодликдан маҳрум қилиш, иккинчисида эса 5 йилдан 10 йилгача озодликдан маҳрум қилиш тарзидаги жазо назарда тутилган.

Иш материалларига кўра, 2016 йилнинг сентябрь ойида у ОВИР стикерини (2019 йил 1 январдан Ўзбекистон чет элга вақтинчалик чиқиш учун рухсатнома стикерлари беришни тўхтатган ва ўрнига хорижий паспортларни жорий қилган) олмасдан Эронга жўнаб кетган.

Бундан ташқари, суд қарорида таъкидланишича, судланувчи Facebook ижтимоий тармоғида президент Шавкат Мирзиёевнинг 2023 йил 9 май куни Москвада бўлиб ўтадиган Ғалаба парадида режалаштирилган иштироки ҳақидаги мақоладан кўчириб олинган экран тасвирини жойлаштириб, туҳматли изоҳ қолдирган.

У Muhammad Sanjar номли аккаунти орқали 21 июль куни Facebook`да президент Умра зиёратини адо этаётган пайтда тушган суратни жойлаштириб, экспертлар томонидан ҳақорат мазмунидаги ахборот деб топилган изоҳ билан жойлаштирган.

Судланувчи 158-модданинг 3-қисмида назарда тутилган айбига қисман иқрор бўлган, бироқ бир гуруҳ шахслар томонидан олдиндан тил бириктириб, чет элга ноқонуний чиқиш айбловига рози бўлмаган.

Унинг сўзларига кўра, Тошкент ахборот технологиялари университетида имтиҳондан ўта олмагани учун Эрондаги олий ўқув юртига ўқишга кириш учун мустақил равишда хорижга кетган. Эронда 4 йил таҳсил олиб, Al mustafo халқаро университетининг дипломини олган.

2022 йилда Д.Т. қидирувга берилганини билиб, 2023 йил 3 декабрь куни Теҳрон шаҳридан Тошкентга учиб келган. Эркак ҳеч қандай диний ташкилотга аъзо эмаслигини таъкидлаган.

Иш материалларида блогерлар Олимжон Ҳайдаров ва Абдуқодир Мўминовларнинг ҳибсга олиниши ва суд жараёни билан боғлиқ бошқа изоҳлар ҳам бор.

Суд Жиноят кодексининг 223-моддаси 2-қисми «б» бандидан Жиноят кодексининг 223-моддаси 1-қисмига қайта малакалади. Фуқарони Жиноят кодексининг юқоридаги моддаси ва 158-моддаси 3-қисми билан айбдор деб топиб, унга 5 йил муддатга озодликдан маҳрум қилиш жазосини тайинлади. Унинг Redmi Note 11 телефони давлат фойдасига мусодара қилинди.

@Olmaliqnews

#электр

⚡️⚡️⚡️

Эртага, 1 май куни 217-сонли трансформатор пунктида мукаммал таъмир ишлари бажарилиши сабабли, шаҳримизнинг Горгаз ҳудуди Ипак йўли кўчаси 39, 41, 45, 47-сонли уйлар ва А.Навоий 22-уйларда соат 8:00дан 18:00гача электр энергияси тўхтатилади.

@olmaliqnews

#электр

⚡️⚡️⚡️

Эртага, 1 май куни “Калмакир” нимстанцияси Ф-11 тармоғида ОКМК томонидан таъмир ишлари бажарилиши сабабли, шаҳримизнинг "Калмоққир", "Юлдуз" "Коинот" МФЙлари, "Телеграф" ҳудуди, "Космос" тўйхонаси, "Асал" кафеси А.Темур, "Сунбула", "Ўзбекистон", "Қурама", "Катортол", "Камалак", "Ғунча", Тоғолди, Олмалиқсой, Помир кўчаларида соат 14:00дан 16:00гача электр энергияси тўхтатилади.

@Olmaliqnews

#сув

💧💧💧

Бугун, 30 апрель куни соат 11:00 дан ичимлик сув қувуридаги носозликни бартараф этиш мақсадида А.Қаҳҳор МФЙда вақтинча ичимлик сув таъминоти тўхтатилади.

Диспетчерлик хизмати: соат 24/7
706152285, 706152170

@Olmaliqnews

#газ

⚡️⚡️⚡️

Олмалиқ шаҳар "Чамбил" МФЙ "Чамбил" кўчасида ер усти газ қувурларини таъмирлаш оловли ишлари олиб борилиши муносабати билан бугун, 30 апрель куни соат 10-00 дан соат 17-00 гача "Чамбил" МФЙ "Чамбил" кўчасида газ таъминоти вақтинчалик ўчирилади.

@Olmaliqnews

#сув

💧💧💧

Бугун, 30 апрель куни соат 10:00 дан  ичимлик сув қувуридаги носозликни бартараф этиш мақсадида "Боғаро" МФЙда вақтинча ичимлик сув тўхтатилишини маълум қиламиз.

Диспетчерлик хизмати: соат 24/7
706152285, 706152170

@olmaliqnews