Menimcha 2025/2026 o'quv yilidan sirtqi ta'lim shakllarini butkul tugatish maqsadga muvofiq bo'lar edi. Oliy ta'lim, fan va innovatsiyalar vazirligi rasmiy vakili Abduvali Xoliqov ham ikki yil avvalgi intervyularidan birida sirtqi ta'limni bosqichma-bosqich tugatish rejalashtirilayotgani haqida gapirib o'tgan edi.

Shunga ko'ra, 14 ta ta'lim yo'nalishida sirtqi ta'lim shakllari 2022/2023 o'quv yilidan to'xtatilgan edi. Katta ehtimol bilan yangi o'quv yili uchun ushbu ro'yxat kengaytirilish ehtimolligi

mavjud.

Aslida faqat diplom olish uchun xizmat qilayotgan, amalda biror bir bilim berolmayotgan

,

son-sanoqsiz sifatsiz kadr yetishib chiqishiga xizmat qilayotgan sirtqi ta'limni

faqatgina kamida 3 yillik stajga ega shaxslar uchungina tashkil etish kerak edi. Afsuski bugun maktabni bitirib, sirtqi ta'limga o'qishga kirib olib, o'zi Rossiyada yurgan qanchadan-qancha yoshlar mavjud ekanligi haqida statistikada achinarli raqamlar

mavjud.