O'zbekiston Respublikasi Prezidentining 2022-yil 11-apreldagi “Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to'g'risida”gi PQ-201-son Qarori ijrosini ta'minlash maqsadida 5-bosqichda “Besh tashabbus olimpiadasi” sport musobaqalari yo'lga qo'yildi.

Ushbu sport musobaqalar mahalla yoshlari uchun keng imkoniyatlar yaratib berdi.

Prezidentimiz tashabbusi bilan tashkil etilgan “Besh tashabbus olimpiadasi” doirasida tashkil etilgan sport musobaqalarida g'oliblikni qo'lga kiritgan mahalla yoshlari uchun o'zlari istiqomat qilayotgan mahallalarga “Universal”, “Strit-Workout” hamda “Stritbol” maydonchalari qurib berilishi belgilab qo'yildi.

2024-yilda “Besh tashabbus olimpiadasi”da 26ta tanlov va musobaqalar o'tkazilib, ushbu tanlov va musobaqalarda 321 345 nafar yoshlar 5tashabbus.uz platformasidan ro'yxatdan o'tib, 267 121 nafari ishtirok etishdi.

Respublika bosqichida jami 32 medalni yoshlarimiz qo'lga kiritishdi.