Mo'jiza sinfida loyiha boshqaruviga oid saboq

Loyiha uchun biz avvalo muammoni o'rganishimiz, so'ngra yechim topishimiz kerak. Asosan loyihalar auditoriya maqsadini to'g'ri tushunmaslikdan keraksizga aylanadi.

Jamoa a'zolari ham muammoning turli yechimlarini taklif qilishganda bir-birlariga o'z xohish va maqsadlarini to'g'ri anglata olishmaydi, qisman empatiya yaxshi ishlamaydi. Natijada nizolar kelib chiqadi. Fikrni tushunish va tushuntirish qiyin protses. Buni his qilish uchun men bir metodika o'tkazishga qaror qildim.

🔹Unga ko'ra o'quvchilarni juftliklarga bo'ldim. Ichidan biri rasm chizish, ikkinchisi rasmni izohlash vazifasini bajardi. Ularga rasmlar tarqatdim. Izohlovchi o'quvchi rasmni ko'rsatishi mumkin emas. Qay yo'sinda bo'lmasin, chizuvchi o'quvchiga fikrini tushuntira olishi, sur'atni qayta chizdirishi kerak. Vaqt ham borligi ularni mas'uliyatini yanada orttirdi.

Bolalarning dunyoqarashlari har xil. Lekin ular bir-birining fikrlashlariga moslashishga harakat qilishdi.