Namangan davlat pedagogika instituti Aniq va tabiiy fanlar fakulteti

🟦🟦🟦🟦
"YOSHLAR – XALQIMIZNING, VATANIMIZNING OLTIN FONDI"

2025-yil 14-fevral kuni yurtboshimiz Shavkat Mirziyoyev yoshlar bilan ochiq muloqot o'tkazdi. Davlatimiz rahbari tomonidan ilgari surilgan "Men buyuk el farzandiman" umummilliy harakati yoshlarning ma’naviy kamoloti va vatanparvarlik ruhini yuksaltirishda muhim qadam bo‘lishi ta’kidlandi. Ilgari oliy ta’limda 1 ta o‘rin uchun kamida 10-12 nafar yigit-qiz kurash olib borar edi, oliygohlar soni 3 barobar oshirildi, qamrov 42 foizga yetdi. “Men bir hayotiy fikrni takrorlashdan charchamayman: bitta qizni o‘qitsak, butun oilani o‘qitgan bo‘lamiz. Oila bilimli, ma’rifatli bo‘lsa, butun jamiyat bilimli, ma’rifatli bo‘ladi. Bu boradagi ishlarni yanada jadal davom ettiramiz”,
— dedi yurtboshimiz Sh.Mirziyoyev. Shuningdek, uchrashuvda "Yoshlar daftari" orqali amalga oshirilayotgan ishlar, bandlik masalalari va kelajak rejalar haqida ham so‘z yuritildi. Bu esa davlatimiz tomonidan yoshlarimizni qo‘llab-quvvatlashga qaratilgan sa’y-harakatlar izchil davom etayotganining yorqin isbotidir. Prezidentimizning biz yoshlarga qarata "Sizlarni O'zbekistonning eng katta boyligi, bebaho xazinasi sifatida qadrlayman" degan so'zlari meni yanada ruhlantirdi. Men ham yosh avlod vakili sifatida O‘zbekistonning ravnaqi, uning dunyoda eng rivojlangan va ilg‘or davlatlardan biriga aylanishi uchun bor kuchim bilan harakat qilaman. Bugungi kunda yoshlar uchun yaratilayotgan imkoniyatlardan samarali foydalanib, kelajakda o‘z kasbimning yetuk mutaxassis bo‘lish va yurtimga foydam tegishi – mening eng katta maqsadlarimdan biridir.

Shu bois, barcha yoshlarni faollik, izlanuvchanlik va Vatan uchun xizmat qilishga chorlayman!

Sarvinoz AXMADJONOVA,
Aniq va tabiiy fanlar fakulteti Texnologik ta'lim yo'nalishi 2-bosqich talabasi, guruh koordinatori

♻️ Kanalga ulanish👇
🌐 https://t.me/namspii

🟦🟦🟦🟦
"BITTA QIZNI O'QITSAK, BUTUN OILANI O'QITGAN BO'LAMIZ..."

"Davlatimiz rahbari Shavkat Mirziyoyev yoshlar bilan o‘tkazgan samimiy muloqotida ularni yangi marralarni zabt etishga ilhomlantirdi. Davlat rahbari yoshlarning tashabbuslarini qo‘llab-quvvatlash, ularning bilim va ko‘nikmalarini oshirish, innovatsion g‘oyalarini ro‘yobga chiqarish uchun barcha shart-sharoitlar yaratilayotganini ta’kidlab o‘tdi.
Bu uchrashuv yoshlar uchun katta ruhiy va ma’naviy ko‘mak bo‘lib, ularning faolligi, jamiyat taraqqiyotidagi ishtiroki hamda ulkan maqsadlar sari intilishi uchun yangi turtki bo‘ldi. Prezidentning ishonch va e’tibori yoshlarni yanada mas’uliyatli, tashabbuskor va g‘ayratli bo‘lishga undaydi.

"Bitta qizni o‘qitsak, butun oilani o‘qitgan bo‘lamiz. Oila bilimli, ma’rifatli bo‘lsa, butun jamiyat bilimli, ma’rifatli bo‘ladi".
Prezident Shavkat Mirziyoyevning mazkur so‘zlari ayollarning jamiyatdagi o‘rni va ta’limning ahamiyatini yuksak baholashini anglatadi. Chunki ayol – oilaning tayanchi, kelajak avlod tarbiyachisi va jamiyat ravnaqining asosiy omillaridan biri.

Haqiqatdan ham, bir qiz bolaga ta’lim berish – bu nafaqat uning kelajagini, balki butun oila va jamiyatning ravnaqini ta’minlash demakdir. Bilimli ayol farzandlarini ham ilmga, ma’rifatga yo‘naltiradi, oilada sog‘lom muhit yaratib, jamiyatning ravnaqiga hissa qo‘shadi.
Shu sababli, mamlakatimizda qizlarning ta’lim olishiga katta e’tibor qaratilayotgani, ular uchun teng imkoniyatlar yaratilayotgani yuksak qadriyatlarimiz va taraqqiyotga bo‘lgan intilishimizning yorqin ifodasidir.

Suhrob DADABOYEV,
Pedagogika fakulteti Yoshlar masalalari va ma'naviy-ma'rifiy ishlar bo‘yicha dekan o‘rinbosari


♻️ Kanalga ulanish👇
🌐 https://t.me/namspii

🟦🟦🟦🟦
NELSON MANDELA, Janubiy Afrika yetakchi rahbarlaridan biri

Taʼlim bu dunyoni oʻzgartirish uchun ishlatishingiz mumkin boʻlgan eng kuchli quroldir.

♻️ Kanalga ulanish👇
🌐 https://t.me/namspii

#OAV_BIZ_HAQIMIZDA
Namangan tumani "Istiqlol" gazetasining 14-fevral 6-sonida Namangan davlat pedagogika instituti Maktabgacha taʼlim kafedrasi mudiri Munojat Asranbayevaning "Jahon tajribasi amalda" sarlavhasi ostida maqolasi eʼlon qilindi.

Maqolani siz ham oʻqishingizni tavsiya qilamiz!

♻️ Kanalga ulanish👇
🌐 https://t.me/namspii

#Besh_tashabbus2025

“Besh tashabbus” olimpiadasi 2025-yilgi mavsumiga start berildi

Bugun poytaxtimizdagi “Olimpiya va paralimpiya shon-shuhrati muzeyi”da “Besh tashabbus olimpiadasi”ning 2025-yilgi mavsumi tantanali ochilish marosimi bo‘lib o‘tdi.

Tadbirda Oliy ta’lim, fan va innovatsiyalar vaziri Qo‘ng‘irotboy Sharipov, Maktabgacha va maktab ta’limi vaziri Hilola Umarova, O‘zbekiston mahallalari uyushmasi raisi Qahramon Quronboyev, Yoshlar ishlar agentligi direktori Alisher Sa’dullayev, Toshkent shahar hokimi o‘rinbosari Durdona Rahimova, O‘zbekiston milliy paralimpiya qo‘mitasi raisi Muxtorxon Toshxodjayev ishtirok etdilar.

Batafsil: https://gov.uz/oz/edu/news/view/36303

Bizni kuzating

Facebook | Instagram | YouTube | Telegram

🟦🟦🟦🟦
YOSHLAR BUYUK KELAJAGIMIZNING ASOSIY BO'G'INI

Kuni kecha Prezident Shavkat Mirziyoyev Ko‘ksaroy qarorgohida mamlakatimiz yoshlari bilan ochiq muloqot o'tkazdi. Davlat rahbari so‘zining avvalida azmu shijoatli, navqiron yoshlar bilan uchrashib turganidan mamnunligini bildirib, ularning timsolida Yangi O’zbekistonning bugungi va ertangi bunyodkorlarini ko‘rayotganini ta’kidlab, ular turli sohalardagi yutuqlari bilan tengdoshlariga o‘rnak bo‘layotgani, bugun dunyodagi top oliygohlarda 1,5 mingdan ziyod o'zbekistonlik talabalar tahsil olayotganiligi,  buni O’zbekiston uchun tarixda kuzatilmagan voqelik sifatida e'tirof etdi.

“Buning bosh omili nimada, deb so‘rasangiz, men avvalo, yoshlarga munosabat davlat miqyosida butunlay o‘zgarganida, deb javob bergan bo‘lardim. O‘g‘il-qizlarimiz yoshlar masalasi davlat siyosatining ustuvor yo‘nalishiga aylanganini sezib, o‘zlariga beqiyos kuch olmoqda”, — dedi prezident Shavkat Mirziyoyev.

Darhaqiqat, so‘nggi yillarda mamlakatimizda yoshlarga yaratilayotgan keng imkoniyat, bu borada tizimli va uzoqni ko'zlab olib borilayotgan davlatning oqilona siyosati va islohotlarini dunyo hamjamiyati e'tirof etmoqda, tan olmoqda.

Prezident Shavkat Mirziyoyev tomonidan 2017-yil sentabr oyida BMTning 72-sessiyasida ayni davrda insoniyat tarixidagi eng ko‘p yoshlar qatlami bilan yashayotganimizni inobatga olgan holda minbarda Yoshlar huquqlari to‘g‘risidagi BMT konvensiyasini qabul qilish taklifi ilgari surilgani ham xalqaro hamjamiyat tomonidan iliq qarshilandi.  Mamlakatimizda yoshlarning huquq va manfaatlarini himoya qilish, ularga zarur shart-sharoitlar va imkoniyatlarni yaratib berish borasida mustahkam huquqiy baza yaratilgan. Xususan, bugungacha O'zbekistonda yoshlarga oid 40 dan ziyod qonun hujjatlari qabul qilingan bo‘lib, 30 dan ortiq xaqlaro huquqiy hujjatlar ratifikatsiya qilingan.

Shavkat Mirziyoyevning O‘zbekiston Respublikasi Prezidenti sifatida birinchi imzolagan qonun hujjati ham — 2016-yil 14-sentyabrdagi «Yoshlarga oid davlat siyosati to‘g‘risida»gi Qonun ekanida ramziy ma'no bor. Binobarin, O'zbekiston aholisining 60 foizi yoshlardan iborat bo‘lgan mamlakatda yoshlarga oid davlat siyosatini izchil amalga oshirilishi, yosh avlodni har tomonlama yetuk va barkamol, intellektual salohiyatli, o‘zining qat’iy pozitsiyasiga ega, vatanparvar  va komil inson sifatida tarbiyalash va ularga shart-sharoitlar yaratish "Uchinchi Rennesans" poydevorini mustahkam qurishda muhim omil bo'lishi,shubhasiz.

Botir MALLABAYEV,
Aniq va tabiiy fanlar fakulteti Yoshlar masalalari va ma'naviy-ma'rifiy ishlar
bo'yicha dekan o'rinbosari

♻️ Kanalga ulanish👇
🌐 https://t.me/namspii

🙂🙃😉😌😍
🔺Namangan davlat pedagogika instituti Aniq va tabiiy fanlar fakulteti tyutori L.Nuraliyeva oʻziga biriktirilgan iqtidorli talabalar bilan hamrohlikda Zahiriddin Muhammad Boburning tavallud kuni munosabati bilan buyuk siymoyimizni hayot va ijodi bilan tanishtirish maqsadida Andijon viloyati Bogʻishamol shahridagi Zahiriddin Muhammad Bobur muzeyiga tashrif buyurishdi.

Talabalar Bobur ijodi va hayotiga oid koʻplab maʼlumotlarga ega boʻlishdi. Tashrif davomida shoirning ijod namunalaridan namunalar keltirishdi.

♻️ Kanalga ulanish👇
🌐 https://t.me/namspii

🟦🟦🟦🟦🟦
Hurmatli institutimiz talaba-yoshlari!

Siz, Namangan davlat pedagogika institutida fanlar bo‘yicha oraliq yoki yakuniy imtihonlardan nazorat ishlari hamda o‘quv jarayonlarida korrupsion harakatlar ro‘y berayotgani yoxud noqonuniy ravishda ta’magirlik yo‘li bilan turli moddiy qiymatlar (pul, qimmatbaho sovg‘alar) talab qilinayotgan holatlarga duchor kelmoqdamisiz?
Yuzaga kelayotgan bunday muammolar va ularning yechimi borasida fikr hamda takliflaringiz bormi?
Unda Korrupsiyaga qarshi kurashish “Komplaens-nazorat” tizimini boshqarish bo‘limining @namspi_corruption_bot  telegram kanaliga murojaat qilishingiz mumkin. Xabar bergan talaba yoki boshqalarning shaxsi qa’tiy sir tutilishini inobatga olib, mazkur botga qilingan murojaat faqatgina Korrupsiyaga qarshi kurashish “Komplaens-nazorat” tizimini boshqarish bo‘limi xodimlariga ko‘rinadi, boshqa shaxsga ko‘rinmaydi.

Xabar bergan talabalar va boshqa xodimlarning shaxsi qat’iy sir tutiladi. Shuningdek, xabar bergan shaxslar O‘zbekiston Respublikasi Vazirlar Mahkamasining 2020-yil 31-dekabr kungi “Korrupsiyaga oid huquqbuzarlik haqida xabar bergan yoki korrupsiyaga qarshi kurashishga boshqa tarzda ko‘maklashgan shaxslarni rag‘batlantirish tartibi to‘g‘risidagi nizomni tasdiqlash haqida”gi 829-sonli Qaroriga asosan ragʻbatlantiriladi.

Barchamiz “Korrupsiyaga qarshimiz” shiori ostida birlashaylik!

♻️ Kanalga ulanish👇
🌐 https://t.me/namspii