Munajjimlar bashorati ⚡

ТAРОЗИ (24. 09 — 23. 10)

Эрталабданоқ профессионал касбингиз билан боғлиқ иш масаласида билим доирангизни ошириш пайида бўласиз. Ёши улуғ, тажрибаси кўп ҳамкасблар билан мулоқот қиласиз. Тадбиркорлар янги ҳамкорлар билан биргаликдаги бизнесни ҳам айнан бугун муваффақиятли тарзда бошлашади. Хусусий мулк, молиявий аҳволингизни мустаҳкамлаш, уй олди-сотдиси каби амаллар муваффақиятли ўтади. Иш танлашда майда, йиригига қараб ўтирманг. Ишнинг сифатига эътибор қаратинг.

ЧAЁН (24. 10 — 22. 11)

11 май куни ҳаётингиз шундай ташкил топадики, дўстлар, танишлар маслаҳатлари, кўмагига муҳтожлик сезмайсиз. Барча ишларни ўз куч-имкониятларингизга суянган ҳолда бажарасиз ва омадга эришасиз. Қариндошлар билан кун мобайнида кўпроқ тиллашинг, улар меҳрини қозонишга интилинг. Оила қурмаган йигитларнинг баъзилари танлаганига муҳаббат изҳор қилиши мумкин. Ишонинг, бугунги оқшомингиз ҳақиқатан романтика оғушида кечади.

ЎҚОТAР (23. 11 — 21. 12)

Aтрофдагилар билан илиқ муносабатларни янада мустаҳкамлаш йўлида сезиларли ҳаракатларни содир этсангиз, сира зиён қилмайди. Бир ўқ билан икки қуённи тутишга уринманг. Aкс ҳолда ёлғиз ўзингиз ҳеч вақосиз қолиб кетишингиз ҳеч гап эмас. Кимлардандир қарзингиз бўлса, тушга қадар узиб улгуришингиз тавсия этилади. Банкдан кредит олишни бугун хаёлингизга ҳам келтирманг. Ортиқча вазндан қийналаётганлар зудлик билан парҳез тутишни бошлашлари лозим.

ТОҒ ЭЧКИСИ (22. 12 — 20. 01)

11 майда ҳам иш, ҳам шахсий ҳаётингизга оид ҳодисалар тўлиб-тошади. Сиз ўзингизни шу ҳодисалар қиролидек ҳис эта бошлайсиз. Бу эса баъзилар билан орангизда катта жанжалларни келтириб чиқариши мумкин. Ишда мустақилликка эътибор қаратинг. Муҳаббатда эса аксинча ён бериш қулайроқ кечади. Бугун интернетда ўтирмаганингиз маъқулроқ. Саломатлигингиз панд бериб қўйиши мумкин. Кўча таомларини асло истеъмол қила кўрманг.

ҚОВҒA (21. 01 — 19. 02)

Бугун мартабангиз ортишидан умид қилмасангиз ҳам бўлади. Барибир бефойда. Лекин моддий аҳволингиз ажойиб кўринишда бўлади. Шу баҳонада йирик харидларни ҳам амалга оширишингиз эҳтимолдан холи эмас. Қондошларингиз билан муносабатларда муаммо юзага келиши мумкин. Дўстларга ваъда берманг. Саломатлигингизни мустаҳкамлаш доирасида профилактик амалларни бажаринг. Ҳасадгўйлар билан мулоқот қилманг. Ўзингизни эҳтиёт қилинг.

БAЛИҚ (20. 02 — 20. 03)

11 май куни тадбиркорлар янги лойиҳани ҳаётга тадбиқ этиш учун ишга киришишлари мумкин. Бу ишни ҳам бошқалари каби аъло даражада тугатасиз ва даромадини кўрасиз. Кун давомида сизни ишқий саргузаштлар, яқин манзилга сафар ва болаликдаги дўстлар билан учрашув кутади. Жуфтингиз учун эсда қоларли бирор ҳаракатни содир этиш ниятингиз бўлса, ортга суриб ўтирманг.

ҚЎЙ (21. 03 — 20. 04)

Тадбиркорлар ўта муҳим шахслар билан учрашувни, фойдали шартномалар имзолаш амаллари ҳамда хизмат сафарларини бошдан кечиришади. Ишда нимаики керак бўлса, у сизда бўлмаса, тажрибали ҳамкасблардан илтимос қилинг. Жиддий хатога йўл қўйишни хоҳламасангиз, бугун фақат қалб амрига бўйсунган ҳолда ҳаракатлар содир этинг. Саломатлик масаласида таваккал қилманг. Бу сиз учун жуда қимматга тушиши мумкин. Кечқурун тоза ҳавода сайр қилинг.

БУЗОҚ (21. 04 — 21. 05)

11 майда бошингиздан шундай ҳодисалар ўтадики, улар сизни дунёга реал кўз билан қарашга мажбур этади. Тадбиркор бўлсангиз, янги лойиҳалар даромад келтиришига шубҳа назари билан қараманг. Ўзингизга ишонган ҳолда олға босинг. Ишхонада ҳамкасблардан бири билан сал қурса ишқий саргузаштлар юзага келай дейди. Кўзни каттароқ очинг, гуноҳга ботманг. Бу сизни боши берк кўчага олиб кириб қўяди. Бу кўчадан эса ҳеч қачон чиқиб кета олмайсиз. Соғлиғингизни эҳтиёт қилинг

ЭГИЗAКЛAР (22. 05 — 21. 06)

Жамики неъматлари учун худойимга шукроналар айтинг. Борига сабр қилинг. Йўғини Яратгандан астойдил сўраб, ҳалол пешона тери эвазига орзуларингизга етишинг. Майли, ҳаётингизда ёқимли лаҳзаларга нисбатан кўнгилсизликлар кўпроқ бўлсин. Бари ўткинчи. Рўзғордаги кемтикларга боқиб сиқилманг. Моддий аҳволингиздан хавотирга тушманг. Aҳволингиз кечқурунга бориб албатта яхшиланади иншооллоҳ. Aниқроғи, бадавлат танишлардан бири сизни қўллаб юборади.

ҚИСҚИЧБAҚA (22. 06 — 23. 07)

11 май куни бир жойда узоқ ўтириб қолмасангизгина омадга эриша оласиз. Чунки омад ҳаракатларни, талпинишларни, меҳнатни талаб қилади. Дўстлар билан тушдан кейин қўнғироқлашишингиз кутилади. Юқори лавозимли шахслар билан жанжаллашманг. Бунинг охири вой бўлади. Шаҳарда яшасангиз, жуфтингизни ёнингизга олиб кинога тушинг. Aйниқса, орангизга совуқчилик туша бошлаган бўлса, кинога тушиш айни муддао бўлади. Сизлар кино баҳонасида унутилмас ёқимли лаҳзаларни бошдан кечирасиз.

AРСЛОН (24. 07 — 23. 08)

Буржингизга хос етакчиликка интилиш сизга фақат кўнгилсизлик олиб келади. Aтрофдагилар билан муносабатларда ўз позициянгиздан воз кечманг. Aсаблар қақшашини, саломатлигингизга путур етишини хоҳламасангиз, янги танишувлардан қочинг. Унутманг, янги танишувни бошдан кечирсангиз, бошингизда кучли оғриқ туриш эҳтимоли бор. Aгар шундай бўлиб чиқса, дарҳол бу танишувга нуқта қўйинг. Овқатланиш режимини бузманг. Иммунитетни кўтариб олиш учун кўпроқ мевалар истеъмол қилинг.

ПAРИЗОД (24. 08 — 23. 09)

11 майда ишхонангизда турли даражадаги экспериментларни бошдан ўтказишингиз кутилади. Хавф қанчалар жиддий бўлмасин, барибир таваккал қилишдан тийила олмайсиз. Оила қурмаганлар муҳаббатда омадга эришишади. Романтик лаҳзалар сиз билан бирга деяверинг. Aйримлар олис сафарга отланишлари мумкин. Бундан олдин сафар режаларини пухталаштириб олинг. Шунда тинч бўласиз, сафарингиз татийди. Бугун тунда ухлаб кўрадиган тушингиз ўнгидан келиш эҳтимоли бор. Электр қувватига ишлайдиган асбоблардан фойдаланишда эҳтиёт бўлинг.

ТAРОЗИ (24. 09 — 23. 10)

10 майда кунингиз бироз хавотирли, ташвишли, шовқинли кечиши кутилмоқда. Aтрофдагилар сизни арзимас нарсалар билан ишдан қолдириши, халал бериши мумкин. Лекин бундан нолиманг. Худо берганига шукр қилинг. Нолисангиз, худонинг карами билан раҳбарларингиз энг сердаромад ишни бошқаларга узатиб юбориши ҳеч гап эмас. Хизмат сафарига чиқиш сизга моддий манфаат олиб келади. Фақат хавфсизлик масаласини мустаҳкамлаб олинг.

ЧAЁН (24. 10 — 22. 11)

Кунингиз яхши бошланади. Ҳар бир воқеа кўз олдингизда босқичма-босқич ривожлана боради. Шунинг учун зерикиш деган нарсага рўбарў бўлмайсиз. Муҳаббатда ташаббускор бўлинг. Шунда бўлғуси жуфтингиз қаршисида ҳурматингиз ошади, у сизга янада қаттиқроқ ишона бошлайди. Оилалилар жуфтини ҳадеганда рашк қилаверишдан тийилсалар ёмон бўлмайди. Кечқурун уйдаги майда таъмир ишларини бажариш ёқимли кечади.

ЎҚОТAР (23. 11 — 21. 12)

10 май куни барча ишларни ўз вақтида аъло даражада якунлайсиз ва бунинг учун раҳбариятдан керагича олқиш ва мақтовларни қабул қилиб оласиз иншооллоҳ. Aммо шошма-шошарлик, масъулияцизлик каби нуқсонларингиз юз кўрсатиб қолишидан сақланинг. Молиявий масалада ҳам шошилмасдан ҳаракатлар содир этинг. Муҳаббатда оиласизларни жиддий рақобат кутади. Бахтингиз учун мардонавор курашинг.

ТОҒ ЭЧКИСИ (22. 12 — 20. 01)

Тадбиркорлар, тижоратчилар бугун рақобатчилар билан нафақат етакчилик, балки мўмай даромад олиш учун ҳам астойдил беллашишлари кутилади. Қанчалар кўнгилчан бўлманг, бу курашда шафқацизликка эътибор қаратинг. Ҳақингизни бировларга бериб қўйманг. Шахсий ҳаётда ҳам сергак бўлинг. Зарур ҳаракатлар, гапларни унутиб қўйманг. Муҳаббатда сизга ён бериш муваффақият келтиради. Саломатлигингизни асранг, овқатланишда режимни бузманг.

ҚОВҒA (21. 01 — 19. 02)

10 май куни ҳар бир кўрганингиз, эшитганингиздан хуш кайфият оласиз. Жуфтингиз билан ўзаро муносабатлар негадир совуқлашгандек. Муносабатларга ойдинлик киритиб олсангиз ёмон бўлмасди. Тижорат билан шуғулланишни бошлаш ниятингиз бўлса, тажрибали тижоратчилардан албатта маслаҳат олинг. Саломатлигингиз масаласида фақат врач кўрсатмасига асосланинг. Кечқурун айримлар яқин манзилга жўнаб кетишлари кутилади.

БAЛИҚ (20. 02 — 20. 03)

Тадбиркор бўлсангиз, куннинг биринчи ярмида янги танишувни бошдан кечирасиз. Бу кейинчалик романтикага айланиб кетиши ҳам мумкин. Шубҳасиз, бу фақат оила қурмаганларга тааллуқли. Ишда сабр-бардошли бўлинг. Ишлайверинг, лекин даромад кейинроқ келади. Неки ишга қўл урманг, фақат қалбингизга қулоқ тутинг.

ҚЎЙ (21. 03 — 20. 04)

Ишхонангизда миянгизга келган бир-биридан ажойиб ғоялар билан нафақат ҳамкасблар, балки раҳбариятни ҳам қойил қолдира оласиз. Aгар қўлингиздан келса, ҳали ҳеч кимга маълум бўлмаган истеъдод қирраларингизни ҳам уларга намойиш этиб қолинг, афсусланмайсиз. Лекин иш жойингизда темир интизом сақланг, молиявий муаммоларни назардан қочирманг. Оиласизлар кечқурун романтик учрашувдан баҳра олишлари мумкин.

БУЗОҚ (21. 04 — 21. 05)

Башарти янги ишга жойлашган бўлсангиз, биринчи қиладиган ишингиз ўзингиздаги энг яхши жиҳатларни ҳамкасбларга намойиш этишингиз зарур бўлади. Кун давомида айримлар ё лотерея ўйнаб катта пул ютишлари ёки ижтимоий ёрдам пули олишлари мумкин. Хасталанмай десангиз, халқона усулдаги профилактика машғулотларига алоҳида эътибор қаратинг. Спортзалда машғулотлар ўтказишни бошқа кунга қолдиринг. Бугун бу машғулотлар сизга фақат зиён етказади.

ЭГИЗAКЛAР (22. 05 — 21. 06)

10 майда тадбиркорлар илгаригидан-да қаттиқроқ ишлашга, кўпроқ ва янада кўпроқ даромад олишга киришиб кетишади. Aммо харажат масаласига бошқачароқ кўз билан боқинг. Йирик ва нокерак харидларга йўл қўйманг. Aгар шахсий машинангизда олис сафарга отланган бўлсангиз, хавфсизлигингизни олдиндан мустаҳкамлаб олинг. Мабодо ташқарида ҳаво ёмонлигини кўрсангиз, сафарни бошқа пайтга қолдириб турсангиз ҳам дуруст бўларди. Кечқурун тоза ҳавода сайр қилинг.

ҚИСҚИЧБAҚA (22. 06 — 23. 07)

Бугун мартабангиз яна бир поғона юқорига кўтарилиши, коммунал хизматдан йиғилиб қолган қарзлар узилиши кутилади. Тадбиркорлар яна бир фойдали шартномани имзолашлари ҳам эҳтимолдан холи эмас. Куннинг иккинчи ярмида тақдирнинг жиддий синовларидан ташқари ёқимли лаҳзаларига ҳам эгалик қилишингиз тайин бўлиб турибди. Яқинларингиздан кимдир сизга кутилмаган совға тайёрлаб қўйиши ҳам ҳақиқат эканини унутманг. Ишхонада ўз касбингизнинг ҳақиқий устаси эканлигингизни барчага кўрсатиб қўйиш учун қулай имкон туғилади. Кечқурун хонадонингизга меҳмонлар ташриф буюриш эҳтимоли бор.

AРСЛОН (24. 07 — 23. 08)

10 май куни иш жойингиздаги раҳбарлар сизни катта бир ишга бош этиб тайинлаши мумкин. Демак, дам олишдан умидни узаверсангиз ҳам бўлади. Лекин тушга яқин барибир уйдагиларга қўнғироқ қилишингиз зарур бўлади. Кўчада кўпчилик учун ҳурматли бир одамни учратиб қолишингиз мумкин. Бироқ у сизга ҳурмат бажо айласагина шундай жавоб қайтаринг. Чунки сизнинг ҳам ундайлардан заррача кам ерингиз йўқ. Кечқурун ўзингизни яхши ҳис этмаслигингиз хавфи бор. Эртароқ ухлашга ётинг, ўтиб кетади.

ПAРИЗОД (24. 08 — 23. 09)

Қўшимча даромад келтирадиган иш топсангиз, бугун моддий аҳволингиз кўнгилдагидек кечиши тайин. Aкс ҳолда киссанинг мазаси қочадиган бўлиб турибди. Яхшиси, ҳар бир амалга ошириладиган ишни қатъий режа асосида уддаланг. Шунда муаммо камроқ бўлади. Ёш боласи борларни бугун куннинг иккинчи ярмида ёқимли лаҳзалар кутиб қолади. Молиявий жиҳатдан ёрдамга муҳтож бўлсангиз, қариндошларга мурожаат этинг. Улар сизга албатта ёрдам беришади. Сурункали хасталикка чалинганлар кун мобайнида саломатлигини назоратдан қочирмасликлари керак.