Мана она, она Ватан ибораларининг нақадар муштарак эканлигини шу мисолдан ҳам билиб олса бўлади. Ўйлайманки, бизнинг халқимизда бу орият, аёллари ор – номусини ўз ор – номуси деб билиш туйғуси минг йиллардан буён аждодларимиздан бизга ўтиб, қон – қонимизга сингиб кетган.
- Ўз онангиз ҳақида сўзлаб беринг.
- Мен ўз онам ҳақида доимо жар солиб гапиришга, мақтанишга тайёрман.
Онам мулоҳазали, камгап, ниҳоятда ростгўй, ҳалол аёл. Илоҳим, умрлари узоқ бўлсин. Мен, дунёда суҳбатига ҳеч тўймаган биргина одам бор. Бу онамнинг суҳбатидир. Мен дунёда фақат биргина одамнинг, онамнинг гапларини ҳеч қачон қайтармаганман.
Мен қачонки бирор яхшиликни қилишга ҳаракат қилиб, бутун куч –қудратимни аямаган бўлсам, авваламбор, онамларнинг назарига тушиш учун, онамлардан бир оғиз илиқ сўз эшитиш учун елиб югурганман. Менга ҳар кун, ҳар лаҳзада таскин бериб турадиган нарса, шундай онанинг фарзанди бўлганим ва яхши устозлар қуршовида яшаётганимдир.
- Соғ бўлинг, сиз ҳам ҳамиша эҳтиромда бўлишингизга тилакдошман.
- Сиз ҳам саломат бўлинг! XXI асрнинг биринчи йили юртимизда Аёллар йили деб эълон қилинган эди. Янги асрга муҳтарама ва меҳрибон аёллар йили билан кириб борганимиз асримизнинг тинч ва тотувликда, оилавий хотиржамликда кечишига умид бағишлайди.
М. ҚУРБОННИЁЗОВА суҳбатлашди