Mubaşşir Ahmad

ХАЛҚИМГА ВА ДАВЛАТИМГА БИР ТАКЛИФ

Юз эллик йилдан бери ўрислардан шаънимизга лойиқ бўлмаган ҳақоратлар эшитиб келамиз.

Айниқса, "мустақил"ликка эришганимиздан кейин ва давлат халқини иш билан таъминлай олмай тирикчилик учун Ўрисияга бора бошлаганимиздан бери бошимизга "баран", "чурка", "черномазый", "черножопый" каби ҳақоратлар ёғилади.

Ғинг демаймиз, дея олмаяпмиз, топиб турган бир бурда нонимиздан ҳам қуруқ қолмайлик деб, нафақат миллий, балки инсоний шаънимизни ҳам бир бурда нонга сотиб келяпмиз.

Бунга сари улар ҳаддан ошаверди, ҳамиятимизга тегаверди ва охири келиб одам ўрнида кўрмайдиган бўлди. Мана, "ит" деган тавқилаънатни ҳам олдик. Дунёда ҳам, яқин қардошлар кўзи ўнгида ҳам шарманда бўлдик.

Миллат ўз шаънини ҳимоя қила олмайдиган ҳолга тушиши энг оғир хўрлик ва хорликдир.

Бу ҳолга тушишимизга бош айбдор Ислом Каримов ва у қурган жиноятчи "давлат"(тўда)дир. Миллатнинг белини синдириб, руҳини ўлдириб кетди! Асл ит у эди, ўзбек халқи эмас! Афсус, давлатимиз ҳалигача у "очиб берган" йўлдан боряпти.

ТАКЛИФИМ:

1. Бундан кейин иш излаб Ўрисияга битта ҳам одам бормасин.

2. Ҳозирда у ерда ишлаб турганлар оммавий равишда уйга қайтсинлар.
Ризқни Ўрисия эмас, Оллоҳ беришини унутмайлик. У ердан бўлмаса, бошқа ердан беради, лекин албатта БЕРАДИ!
Ўрисияни байкўт қилиш билан учта катта натижага эришамиз:

1. Ўз шаъни ва қадри учун кураша оладиган миллат эканимизни кўрсатамиз ва обрўйимизни кўтарамиз.

2. Ўрисиянинг айрим соҳаларини танг ҳолга туширамиз, то тавбасига таянсин.

3. Ўзимизнинг давлат ҳам "ортиқча ишчи кучи" муаммоси устида бош қотиришга мажбур бўлади.

Агар бундай кескин чорага журъат қилмасак ёки кўнмасак, демак, тепада саналган ҳақоратларга лойиқ миллат бўлиб қолаверамиз.
Танлайлик.

© Нуруллоҳ Муҳаммад Роуфхон

@MubashshirAhmad

"Мени танидингизми?", деб ёши улуғларни қийнаманг ва хотираларини синаманг!
Салом беринг, исмингизни айтинг ва ўзингизни танитинг, бўлди. Улардаги тана оғриғини унутиш алами билан кучайтирманг!
Агар уларнинг хотираси хиёнат қилган бўлса, сизнинг одобингиз хиёнат қилмасин!

@MubashshirAhmad

Ҳар бир Телеграмчига:
Амма баъд. Сизга қарата Вуҳайб ибн Вирд айтади:
"Ким сўзини амалидан* санаса, гапи камаяди".
Вассалом.
---
* Қиёмат куни ҳисоб берадиган амал

@MubashshirAhmad

Алишер Қодир шаблонини энди АЭС қуришга ишқибоз яшиллар такрорлашга ўтишди

“газ қиммат ресурс, 1 куб газдан 10 га яқин юқори қийматли, экспортбоп маҳсулот ишлаб чиқариш, хорижга сотиш ва унинг пулига миллионлаб қоракўзларимизга иш ўрни яратиш мумкин” дея бир жойдан туширилган шаблонни такрорлаётган яшиллар 4 млрд.долларлик GTL завод газдан узилиб, газ олигархлар томонидан экпорт қилинаётганини билишадими? Кўр ё кар бўлишмаса керак?

Қанақа қоракўзлар манфаати ҳақида гапираяпсиз? Газдан узилган заводларнинг ишчилари бўлган ўша қоракўзлар уйда тишини кирини сўриб ўтирибди. Ўзбекнинг нонини туя қилаётган кўзининг ранги қанақалиги номаълумлар бизнес жетини янгилаб, ўзбек газининг пулини Кипрдан Гонконггача хуфя ҳисобларга қараб оқизаётган бир вақтда.

Аҳолидан тортиб олинган газ ҳам бизнесга ёки “экспортбоп маҳсулот ишлаб чиқаришга” ишлатилмайди. Яна шу кўккўзлар чўнтагига кетадими?

Одам бир марта алданишини, икки марта алданишини қабул қилиш мумкиндир. Лекин уч ва ундан кўп алданиш бу тентаклик.

Газ Ўзбекистон халқининг миллий бойлиги. Уни худо берган. Газ ўзбек халқидан, аҳолининг энг бирламчи эҳтиёжларидан ошса, ўзбек халқи рози бўлсагина, кейин қолганига ишлатилиши керак.

© Отабек Бакиров

@MubashshirAhmad

"Ҳар бир инфоқ қилган нарсангизнинг ўрнини У тўлдирур".
("Саба" сураси, 39-оят).

Бу оятда фақат мол-дунё назарда тутилмаган. Нарса - ҳамма нарса бўлиши мумкин. Ҳис-туйғунгиз, вақтингиз, табассумингиз... буларнинг ўрнини ҳам У қалб очилиши, хотиржамлик ва сурур билан тўлдиради.

@MubashshirAhmad

Болам, биз солиҳларни намози ва рўзаси кўплигидан танимаганмиз*. Балки уларни халққа аралашмаслик, улардан тилларини тийиш, одамларга кўнгиллари саломатлиги** ва бошқалардан кўра ўзларини айбли кўришларидан таниганмиз.

Аҳмад Дувайдор
---
* Намоз ва рўзалари кўплиги ўзларига аён бўлган холос. Чунки бу ўзлари билан Раббилари ўрталаридаги муомаладир.

Солиҳликлари эса кейинги зикри келган сифатларидан билиниб қолган. Чунки бу халқ билан муомалада барибир кўринади.

Шундан уларнинг солиҳликларини таниганмиз.
** Яъни, уларда одамларга нисбатан адоват, кўролмаслик, ҳасад каби сифатлар йўқлиги.

@MubashshirAhmad

Ўзбек жамияти ва давлатчилигинг муаммолари кўп. Коррупция, монополия, ўғирлик ва ҳоказолар. Буларни биладиганлар ҳам, ечимлар ҳам кўп. Аммо натижа йўқ. Аҳвол ўнгланмаяпти. Чунки биз ишни бошидан бошламаяпмиз. Муаммонинг сиртини сийпалаб, бошқа рангга бўяб-бежаб, уни ҳал қилгандек бўляпмиз.

Муаммо ё хасталикни муолажа қилиш учун аввало унга ташхис қўйиш керак. Касаллик аниқ бўлиши, хаста уни эътироф қилиши ва ҳолат оғирлигини билиб ундан қутилиш ва даволанишга унинг иштиёқи бўлиш керак. Бўлмаса натижа бўлмайди.

Пайғамбаримиз соллаллоҳу алайҳи ва саллам “Тавба пушаймонликдир” деганлар. Тавба ўзини ислоҳ қилишнинг биринчи бекати саналади. Усиз инсон ҳаёти ислоҳ бўлмайди, ўнгланмайди. Тавбанинг асоси бўлмиш пушаймонлик эса кишида гуноҳдан дарҳол қочиш ва унга қайтиб яқинлашмаслик азму қарорини юзага келтиради.

Агар буни тушунган бўлсангиз бир нарса айтаман. Кишида пушаймонлик ўз-ўзидан пайдо бўлмайди. Чунки ҳамма ўзининг ишини тўғри санайди. Бу эса пушаймонлик, пировард тавба ва унинг натижаси бўлган ислоҳотга монелик қилади.

Ҳақиқий ўнгланмоқчи бўлган одам, ислоҳ бўлмоқни истаган жамият ва давлат аввало ўзидаги иллатларни аниқлаши, уларни тан олиши ва натижада пушаймон бўлиши керак. Ислоҳотлар шундан бошланади. Аммо ташхис қўймай хасталикни даволаш соя билан урушишдек бефойда, ислоҳ қилиш эса чала ва бесамар ислоҳ бўлади. Буни ҳозирги ҳолатимизда кўриб турибмиз.

Бизнинг шароитимизда ҳаммамиз қайсидир маънода коррупционер, монопол, ўғри ва ҳоказомиз. Қариндош ва таниш-билишга суянамиз, фойдали иш фақат бизга тегишли бўлишини хоҳлаймиз, одамларнинг, жамиятнинг ва ё давлатнинг чўнтагидан ўғирлаймиз. Бойлик, мансаб, обрў учун ҳамма нарсамизни тикканмиз. Энг тақводоримиз ҳам жаннатни ўзиники деб ўйлаймиз, бошқалардан қизғонамиз. Шу билан бирга ҳаммамиз ислоҳот хоҳлаймиз.

Тўхтанг! Тўхтаб ҳаммамиз ўзимиздаги иллатларни излайлик. Улар ойдек равшан ва аниқ. Уларни кўрайлик ва тан олайлик. Давлат ҳам, жамият ҳам шундай қилсин. Излансин. Чунки ўнгланишнинг боши дардни аниқлаш ва унга тўғри муолажа белгилаш. Қолгани Аллоҳнинг муваффақият беришига боғлиқ.

Биз эса хасталигимизни билмаймиз, бинобарин тан олмаймиз. Шундан бошқанинг ўнгланиши ва ислоҳ бўлишини хоҳлаб юраверамиз. Натижа эса доимгидег 0 га тенг қолаверади.

Бу фикрларим фақат оддий одамлар учун эмас, жамият ва давлат учун ҳамдир. Ташхисни тўғри қўя олсак, кейинги муолажа йўлларини консилиум билан ҳал қилсак бўлади.

@MubashshirAhmad