Уч элак

Бир киши Суқротдан сўради:

- Дўстингиз менга сиз ҳақингизда нима деганини биласизми?
- Шошманг, - Суқрот уни тўхтатди, - аввал айтмоқчи бўлган гапингизни учта элакдан ўтказинг.
- Учта элакдан?
- Бирон бир гапни айтишдан олдин, уни уч марта элакдан ўтказиш керак. Биринчиси ҳақиқат элаги. Гапингиз рост эканлигига аминмисиз?
- Йўқ, мен буни эшитганман холос.
- Демак, сиз буни ҳақиқат ёки йўқлигини билмайсиз. Энди гапингизни иккинчи элак - яхшилик элагидан ўтказамиз. Дўстим ҳақида яхши гап айтмоқчимисиз?
- Йўқ, аксинча.
- Демак, - давом этди Суқрот, - сиз у ҳақида ёмон гап айтмоқчисиз, лекин бу ҳақиқатлигига ҳам амин эмассиз. Келинг, энди учинчи элак - фойда элагидан ўтказамиз. Сиз айтмоқчи бўлган гапни эшитишдан бирор фойда топаманми?
- Йўқ, фойда топмайсиз.
- Демак, - деб хулоса қилди Суқрот, - сиз айтмоқчи бўлган гапда на ҳақиқат, на яхшилик ва на фойда бор. Унда буни айтишдан нима наф?