Milliy sertifikat | DTM

❗️Milliy sertifikat test natijalari xalqaro metodika – Rash modeli asosida hisoblanadi. Unga ko‘ra:

🔹 70 balldan yuqori ball olgan talabgorga — A+ daraja;
🔹 65 - 69,9 ball olgan talabgorga — A daraja;
🔹 60 - 64,9 ball olgan talabgorga — B+ daraja;
🔹 55 - 59,9 ball olgan talabgorga — B daraja;
🔹 50 - 54,9 ball olgan talabgorga — C+ daraja;
🔹 46 - 49,9 ball olgan talabgorga — C daraja.

✅ A+, A darajali sertifikat olgan abituriyentga OTMlarning bakalavriatiga kirish test sinovlarida ushbu fandan maksimal ball beriladi.

▶️  B+, B, C+, C darajali sertifikat olgan abituriyentga mos ravishda maksimal ballga nisbatan proporsional ball beriladi.

👉 https://t.me/MilliySertifikat

⚡Pensiya biror-bir turdagi hujjat talab etmagan holda tayinlanadi

2025-yil 1-martdan boshlab 60 yoshga yetgan erkaklarga va 55 yoshga yetgan ayollarga pensiyalar, shu kunning o‘zida "avtomatik" tarzda, ya’ni biror-bir turdagi hujjat talab etmagan holda tayinlanadi.

Bunda, shaxsga oid ma’lumotlar (fuqaroning yoshi, jinsi), ish staji, ish haqi (to‘langan ijtimoiy soliq summasi) va oila tarkibi (turmush o‘rtog‘i va farzandlari) Adliya vazirligi, Bandlik vazirligi hamda Soliq qo‘mitasining elektron bazalaridan olinadi.

Natijada  fuqarolarga pensiya tayinlash uchun qo‘shimcha hujjatlar yig‘ish hamda o‘zi istiqomat qiluvchi Pensiya jamg‘armasining hududiy bo‘linmasiga murojaat qilish talab etilmaydi hamda pensiya yoshiga yetgan fuqaroga, shu kunning o‘zida pensiya "avtomatik" tarzda tayinlangandan so‘ng, fuqaroning mobil aloqa vositasiga ma’lumot yuboriladi.
©Manba

👉 https://t.me/MilliySertifikat

⚡️ QAT’IY ESLATMA: Hurmatli xorijiy tillardan dars beruvchi ustozlar!

✍️Vazirlar Mahkamasining 2021-yil 19-maydagi "Xorijiy tillarni oʻrganishni ommalashtirishni samarali tashkil etish chora-tadbirlari toʻgʻrisida"gi qaroriga muvofiq:

➖ 2025/2026-oʻquv yiliga qadar umumiy oʻrta, oʻrta maxsus va professional taʻlim muassasalarida faoliyat yuritayotgan barcha xorijiy tillar oʻqituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega boʻlishi lozim.

Shu munosabat bilan, Maktabgacha va maktab taʻlimi vazirligi mazkur talabdan kelib chiqqan holda, barcha xorijiy til ustozlarining 2025/2026-oʻquv yiliga qadar kamida B2 darajadagi milliy yoki xalqaro sertifikatlarga ega boʻlishi lozimligini qatʼiy eslatib oʻtadi.

©Maktabgacha va maktab ta'limi vazirligi

👉 https://t.me/MilliySertifikat

❓ Ingliz tili fani o‘qituvchilariga qaysi sertifikat necha foiz ustama beradi?

Xabaringiz bor, O'zbekiston Respublikasi Prezidentining 134-sonli Farmoni ga ko'ra chet tili o'qituvchilariga o'z fanidan milliy yoki xalqaro sertifikatlarga ega bo'lganda oylik maoshiga ma'lum miqdorda ustama to'lash belgilangan.
Qaysi sertifikatga necha foiz ustama to'lanishini ushbu maqolada ko'rib chiqamiz.

Chet tilini bilish darajasini aniqlash imtihoni (Multi-level) - 20 foiz

IELTS - 50 foiz
TOEFL iBT*/ITP - 50 foiz
TKT + B2 sertifikat - 50 foiz
TESOL/TESL/TEFL** + B2 sertifikat - 50 foiz
CEQS - 50 foiz

Amaldagi qaror ro'yxatidan chiqarib yuborilgan sertifikatlar (2023-yil 1-avgustgacha olingan bo'lsa)

Linguaskill - 50 foiz
Aptis - 50 foiz
iTEP - 50 foiz
CELTA/DELTA - 50 foiz

* Home edition bo'lmagan, rasmiy test markazida topshirilgan bo'lishi kerak
** Vazirlik talablariga javob berishi kerak

Ushbu ro'yxatdan ko'rib turganingizdek, faqat Bilimni baholash agentligi tomonidan tashkil qilinadigan chet tilini bilish darajasini aniqlash test sinovi (Multi-level) uchun 20 foiz ustama to'lash belgilangan. Ro'yxatda berilgan boshqa barcha xalqaro sertifikatlar uchun 50 foiz ustama to'lanadi.

Ham milliy ham xalqaro sertifikat egalari uchun, faqat bitta sertifikatiga ustama, yuqoriroq foizda ustama beruvchi sertifikatiga ustama to'lanadi.
Milliy sertifikatni qaysi sanada olinganidan qat'iy nazar 20 foiz ustama to'lanadi. @uzteachers

👉 https://t.me/MilliySertifikat

⚡️ Chet tili imtihoni natijalari e’lon qilindi

✅ 2024-yil 26-dekabrdan 2025-yil 17-yanvarga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar "Mening arizalarim" bo‘limidan o‘z natijalari bilan tanishishlari mumkin.

📱 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❗️O‘z natijasidan norozi bo‘lgan talabgorlar 27–29-yanvar kunlari my.gov.uz sayti orqali apellatsiya shikoyati berishlari mumkin.

👉 https://t.me/MilliySertifikat

❗Sertifikatga ega boʻlmagan oʻqituvchilar ham maktablarda chet tilidan dars bera oladi

Oʻzbekiston Respublikasi Bosh vazirining 2023-yil 28-noyabrdagi 27/9-183-son topshirigʻiga asosan 2025/2026 oʻquv yiliga qadar istisno tariqasida Vazirlar Mahkamasining 471-son qarori 1-ilovasi bilan tasdiqlangan hududlardagi davlat umumiy oʻrta taʼlim maktablariga xorijiy til oʻqituvchisi sifatida B2 va undan yuqori darajadagi chet tilini bilish sertifikatiga ega boʻlmagan mutaxassislar ham ishga qabul qilinishlari mumkin.

Biroq 2025/2026 oʻquv yili uchun ishga qabul qilingan oʻqituvchilar shu davr mobaynida milliy yoki xalqaro baholash tizimlari boʻyicha kamida B2 darajadagi sertifikatlarga ega boʻlishlari lozim.

❗️Agar ular ushbu bir yillik vaqt mobaynida belgilangan sertifikatlarga ega boʻlmasalar ular bilan tuzilgan mehnat shartnomasi mehnat qonunchiligiga asosan bekor qilnadi.

Manba: https://t.me/Yurist_Xizmati/9886

👉 https://t.me/MilliySertifikat