🟢Shu munosabat bilan senator Qobuljon Tursunov Qiziltepa tumanida bo‘lib, deputatlar bilan uchrashuv o‘tkazdi. Uchrashuvda Qarorning mazmun-mohiyati tushuntirilib, namunali Kengash tashkil etish mezonlari bo‘yicha tavsiyalar berildi. Shuningdek, deputatlarning joylardagi faolligini oshirish, aholi bilan muloqotlarni kuchaytirish va kambag‘allikdan chiqarishga ko‘maklashish masalalari muhokama qilindi.

🟢 Bundan tashqari, senator Q.Tursunov viloyatning Xatirchi tumanida bo‘lib, xalq deputatlari tuman Kengashi doimiy komissiyalari raislari, deputatlar va siyosiy partiyalar vakillari bilan uchrashdi.

🟢 Unda Senatining uchinchi yalpi majlisida muhokama qilingan masalalar yuzasidan batafsil tushuntirish berildi. Yig‘ilishda qonun ustuvorligi, inson huquqlarini taʼminlash, iqtisodiy barqarorlikni mustahkamlash, yosh avlod tarbiyasi va ijtimoiy himoyani kuchaytirish masalalari muhokama qilindi.

🟢 Uchrashuv davomida Prezident qaror va farmonlari, Oliy Majlis va hukumat qarorlari hamda oliy darajadagi tashriflar davomida erishilgan kelishuvlar asosida Xatirchi tumanini ijtimoiy-iqtisodiy rivojlantirish bo‘yicha maxsus “yo‘l xaritasi” ishlab chiqilgani taʼkidlandi. Ushbu rejani o‘z vaqtida va samarali ijro etish muhimligi alohida qayd etildi.