Muxsiddin Nizomitdinov

ZILZILAGA TAYYORGARLIK KO‘RILADI

Favqulodda vaziyatlar o‘z nomi bilan kutilmaganda yuz beradi. Ayniqsa, zilzilalar oldida zamonaviy fan-texnika hamon ojizlik qilmoqda. Ammo tabiiy ofatga tayyorgarlik ko‘rish, xavfli vaziyatlarda nima qilishni oldindan bilish inson hayotini saqlab qolishi, talafotlar ko‘lamini kamaytirishi mumkin. Shu maqsadda 5-11-may kunlari "Aholini zilzilaga tayyorlash haftaligi" o‘tkaziladi. Unda mahallalar, ta’lim muassasalari, korxona va tashkilotlarda zilzilaga tayyorgarlik ko‘rish bo‘yicha o‘quv mashg‘ulotlari olib boriladi. Favqulodda vaziyatlar vazirligi bloger va ijtimoiy tarmoq administratorlaridan aholi orasida sarosima ko‘tarmaslik maqsadida mazkur jarayonlarga oid ma’lumotlarni to‘g‘ri talqin qilishlarini so'ragan.

Telegram | YouTube | Instagram | Facebook

O‘zbekistonda yerosti suvlariga quduqni ruxsatsiz burg‘ilash ma’muriy javobgarlikka sabab bo‘ladi — bunday holatda jarima belgilanadi. Ammo jismoniy shaxslar o‘z shaxsiy ehtiyojlari uchun suvdan umumiy foydalanishi bundan mustasno.

Telegram | YouTube | Instagram | Facebook

Xalq deputatlari Toshkent viloyati Kengashining o'n birinchi sessiyasida bir qator masalalar ko‘rib chiqildi.

Sessiyada viloyatdan saylangan Oliy Majlis Senati a'zolari, Xalq deputatlari viloyat Kengashi deputatlari hamda kun tartibidagi masalalarga aloqador boshqarma va tashkilotlar rahbarlari, shahar va tuman mas'ullari ishtirok etdi. Kun tartibidagi masalalar bo'yicha mas'ullarning hisobotlari tinglandi. Ma'ruzalar bo'yicha muhim qarorlar deputatlarning fikr-mulohazalari, takliflari eshitildi. Sessiya yakunida tegishli qarorlar qabul qilish.

Telegram | YouTube | Instagram | Facebook

“Salomatlik maktabi” loyihasi

O‘zbekiston Xalq demokratik partiyasi tashabbusi bilan sog‘lom turmush tarzini shakllantirish va aholining tibbiy madaniyatini oshirish maqsadida keng qamrovli “Salomatlik maktabi” loyihasi doirasida navbatdagi tadbirlarga rasman start berildi. Asosiy maqsadi – aholining tibbiy savodxonligini oshirish, profilaktik tadbirlar orqali kasalliklarning oldini olish, hamda sog‘lom turmush tarzini ommalashtirishdan iboratdir. Tadbirlar davomida fuqarolarga turli kasalliklarning oldini olish bo‘yicha maslahatlar beriladi, sog‘lom ovqatlanish, jismoniy faollik, zararli odatlardan voz kechish kabi mavzularda tushuntirish ishlari olib boriladi. Loyiha yil davomida muntazam davom ettiriladi va aholining sog‘lig‘i bo‘yicha ijobiy o‘zgarishlarga erishish uchun tizimli yondashuv asosida olib boriladi.

Telegram | YouTube | Instagram | Facebook

Tinchlik va jasorat egalari

O‘zbekistonda 9-may – Xotira va qadrlash kuni munosabati bilan urush faxriylari va ishtirokchilarini e’zozlash, ularning xizmatlarini qadrlash borasida ko‘plab tadbirlar o‘tkazilmoqda. Shu munosabat bilan O‘zbekiston Xalq demokratik partiyasi faollari Ikkinchi jahon urushi qatnashchisi, 100 yoshni qarshilagan Anarboy ota Jalilov xonadoniga tashrif buyurdi. Samimiy suhbat davomida Anarboy ota urush yillaridagi og‘ir kunlar, jang maydonidagi hayot va sabr-toqat talab qilgan mashaqqatli mehnat haqida so‘zlab berdi. Bu xotiralar – tarixiy haqiqat va ibrat maktabidir. Partiya faollari otaning holidan xabar olib, esdalik sovg‘alari topshirdilar. Uchrashuv mehr va hurmat ruhi bilan o‘tdi, yoshlar uchun esa ibratli uchrashuv bo'ldi. Bugungi tinch va farovon hayotimiz ana shunday jasorat egalari – urush faxriylari qo‘ygan mustahkam poydevor ustida barpo etilgan. Ularni qadrlash – barchamizning insoniy burchimizdir.

Telegram | YouTube | Instagram | Facebook