Латыпова Нигора Музафаровна🌹🌹🌹🌹

УСТОЗГА НИСБАТАН "ҲУРМАТСИЗЛИК" ҚИЛГАН ШОГИРД...
(Ҳаётий воқеа)

Баҳром университетни битириб, иш қидира бошлади. Тасодифни қарангки, газетада нашр муҳаррири бўлиб ишлайдиган таниши Нодир акани кўриб қолди. Гаплашиб қолишди ва у шартнома асосида газетага мухбир бўлиб ишга таклиф қилинди...

Газетада ойлик ишбай бўлиб, белги (символ)лар бўйича маълум бир нормани бажаргач, келишилган миқдордаги сумма тўланаркан. Нормадан ортиқ ёзилган ҳар бир белги учун эса қимматроқ нархда қалам ҳақи ҳисобланаркан. Баҳром жону дили билан ишга ёпишди...

3-4 ойда ичида газетанинг паст-баландини анча ўрганиб олди ва мухбир учун белгиланган ишлардан ташқари бошқа юмушларни ҳам бажара бошлади. Таҳририятга рекламалар олиб келди, обуна бўйича хизмат сафарларига чиқиб, тарғибот ишларини олиб бориши натижасида обуначилар сонининг ошишига ўз ҳиссасини қўшди...

Тахминан олти ойлардан сўнг биринчи маротаба мухбир бўла туриб нашр муҳарриридан кўп ойлик олди. Ваҳоланки, нашр муҳаррирининг ойлиги мухбирнинг ойлигидан 3 баравар кўпроқ эди. Шогирд устозидан яна кетма-кет 2 маротаба кўпроқ ойлик олгандан сўнг, Нодир ака Баҳромни ўз хонасига чақиртирди...

- Ука, сизни ким бу ерга ишга таклиф қилгани ёдингиздами?
- Албатта, мен сизнинг бу яхшилигингизни бир умр унутмайман.
- Сиз менга шогирд бўлганмисиз?
- Албатта устоз!
- Нега унда шогирд бўла туриб, устозга нисбатан ҳурматсизлик қилаяпсиз?

Нодир аканинг бу гапларидан Баҳром хайрон бўлиб қолди. Қачон ҳурматсизлик қилганини эслашга ҳарчанд уринмасин, эслай олмади. Кейин секингина Нодир акага юзланди:
- Узр устоз, қачон сизга ҳурматсизлик қилдим, эслай олмадим?
- Қилғиликни қилиб қўйиб, яна ўзингизни билмаганга оласиз-а? Бу ерда менинг лавозимим сизникидан юқори, тўғрими?
- Тўғри.
- Шунинг учун ҳам менинг ойлигим сизникидан катта, тўғрими?
- Тўғри.
- Мен эрталабдан кечгача бировларнинг, жумладан сизнинг ҳам мақолаларингизни таҳрир қилиб ўтираман, барча мақолаларга масъулман, сиз эса фақатгина ўзингизнинг мақолаларингиз тўғрисида қайғурасиз, тўғрими?
- Тўғри.
- Унда айтингчи, нега энди мен шунча меҳнат қилиб, кўз нуримни тўкиб сиздан кам ойлик олишим керак? Бу ишингиз устозга нисбатан ҳурматсизлик ҳисобланади...

Баҳром энди гап нимадалигини тушунди. Демак, унинг елиб-югуриб, рекламалар топиб, ҳомийларни жалб қилиб, обуначилар сонини кўпайтиргани орқали раҳбариятдан қўшимча рағбатлантирилганлиги ва бунинг натижасида устозидан кўпроқ маош олаётгани Нодир акасига ёқмаган экан-де...

Лекин Баҳромнинг миясида бир гап айланарди: наҳотки мен ҳаракатчанлик ва меҳнатсеварлик эвазига устозга нисбатан "ҳурматсизлик" қилган бўлсам?...

БЕҲЗОД ҲОЖИМАТОВ.

#Мулоҳаза

Мусофирлик аёл учун азобми?

Албатта, азоб. Бу шундай хасратки, унга эркаклар зўрға дош беради. Четда юрган аёлни қора юмуш эмас, уй ва фарзанд соғинчи эзади.

🥀 Ёшлигининг энг гуллаган қисмини бировларнинг уйини тозалаб, ўзгаларнинг боласини боқиб ёки қарияларга қараб ўтказаётганини кўриб, эшитиб дилингиз оғрийди. Қалбингизда сиз яшаётган, сиз солиқ тўлаётган ҳукуматга нисбатан нафрат ва исёнлар уйғонади. Уйғонадию, шу заҳоти ўчади...

Аёлларга зарилми мусофирлик?

🥀 Йўқ! Улар зерикканидан ёки қизиққанидан бормайди уёқларга. Бунда ўз тан маҳрами деб қабул қилган эркакларнинг айби кўп. Эркакларга тузук иш йўқлиги ҳам яна муаммони ҳукумат шароит яратиб бермаётганига бориб тақалаверади.

Ундан ҳам ёмони бор!

🥀 Ишлашга кетиб, йиллаб қорасини кўрсатмайдиган эркакларнинг аёллари бор. Уларнинг ички кечинмаларини бир ўзлари, бир Яратган билади. "Эҳ аёл, пешонанг бунча шўр бўлмаса", дейсиз бундай аёлларнинг кўзига боқиб. Уларнинг изтироблари мусофир аёлникидан-да кўпроқ аслида.

Иссиқина кулбангизда, қаттиқ нон бўлса-да, суюқ шўрва бўлса-да эрингиз ва фарзандларингиз билан бирга, бир дастурхон атрофида ўтирганингизга шукр қилинг! Мусофирликни тақдир қилмаганига шукр қилинг!

Мусофир аёлларга эса Аллоҳнинг ўзи тўзим берсин...

Миллионерлар маслаҳатига қулоқ солинг.

Пул топиш учун ишлаш керак, бойиб кетиш учун эса ғоя.

НИМАНИ УЙЛАСАК ,ШУ БИЗНИ ХАЁТИМИЗГА КИРИБ КЕЛАДИ!
ДОИМО ПОЗИТИВ ФИКРЛАЙЛИК,ШУНДА ХАЁТИМИЗ ЯХШИЛАНАДИ.

Фақат фикрларимиз бизни ўзгартиришга қодир!

Ҳар куни ҳаёлингизга мингдан ортиқ фикрлар келади, уларни ичида яхшиси ҳам, ёмони ҳам бор.

Фикрингизни яхши томонга қаратиш ўз қўлингизда! Сиз ўз фикрларингиз орқали ҳаётингизни ҳозирги ҳолатга олиб келдингиз!

Сизга ҳаётингиз ёқмаётган бўлса фикрларингизга назар солинг, уларни яхши томонга йўналтиринг!

Бошингизга қандай ташвиш тушишидан қатъи назар, дарров мағлубиятни тан олиб, қўлингизни кўтарманг. Ҳаёт курашлардан иборат, доим олға интилинг.

Ҳеч бир ишни кейинга қолдирманг. Ўйланманг, шубҳаланманг, имкон бор экан, ҳаракат қилинг. Сизнинг энг катта вазифангиз ҳаракат қилишдир. 

«Куч» китобидан

#Статистика

"Қиз болани ўқитсанг, бутун халқни ўқитган бўласан!"

Таълим олиш ҳар бир инсоннинг ҳуқуқи. Аммо дунё статистикаси аёлларнинг таълим борасида эркаклардан анча орқада қолаётганини кўрсатади.

✅ Интернет маълумотларига кўра, дунё бўйича ёши катта авлоднинг 700 млндан ортиғи саводсиз деб тан олинган бўлса, шундан 2/3 аёллар экан.

Ўқишни ва ёзишни билмайдиган 120 млндан ортиқ ёшларнинг 70 млндан ортиғи аёл-қизларни ташкил этади.

✅ Энг қизиғи, сўнгги 20 йил ичида илм олиш методлари, усуллари такомиллашиб, интернет ҳаётимизга кириб келгани ҳамда инсонларнинг яшаш турмуш-тарзи ривожланганига қарамасдан аёлларнинг илм олиши бўйича статистикада ижобий ўзгариш бўлмаган.

Афсуски, бугунги кунда 30 млндан ортиқ (балки ундан ҳам кўп) қиз фарзандлар мактабга боришдан, ҳарф танишдан, ёзишни ўрганишдан маҳрум.

✅ Бунга асосий сабаб аксарият давлатларда қиз ва ўғил бола таълимига бирдек қаралмаётганидир.

Ўзбекистон умумий ўрта таълимга ўғил ва қизларни тенг жалб қилаётган, мажбурий мактаб таълимини бераётган кам сонли давлатлардан бири ҳисобланади.

✅ Аммо олий таълимга қамров борасида статистикамиз қувонарли эмас. Ўтган йилги статистик маълумотларга кўра, олий таълимдаги қизларнинг сони ошган. Уларнинг улуши 40 фоизни ташкил этди. 2011 йил деярли 9 йилдаги кўрсаткич таққослаганда атиги 4 фоизга ортган.

Маълумотларга кўра, айни вақтда ўрта таълим олган хотин-қизларнинг 35 фоизи ишлайди, олий маълумотли хотин-қизларнинг эса 68 фоизигина иш билан таъминланган.

✅ Аёл олий маълумотли ёки бирор касб-корли бўлмас экан, жамиятда ўз сўзини айта олмайди. Шу билан бирга қўлида касби борларни иш билан таъминлаш ҳам бугунги куннинг оғриқли дардларидан биридир.

Қизларингизга таълим беринг, синглингизни ўқитинг, опангизнинг ўқишини қўллаб-қувватланг! Зеро, "ўғил болани ўқитсанг, бир инсонга таълим берган бўласан, қиз болани ўқитсанг, бутун халқни ўқитган бўласан!".

Соҳиба Муллаева