#preview
"Manchester Siti" — "Liverpul". Prevyu
Jamoalarga oid yangiliklar* "Manchester Siti"da Jon Stouns, Manuel Akanji, Oskar Bobb va Rodri lazaretdagi futbolchilar hisoblanishadi.
* "Liverpul"da jarohati sabab mazkur o'yinni Konor Bredli, Jo Gomes, Tayler Morton va Kodi Gakpo o'tkazib yuboradi.
O'yinga oid fakt va statistikalar* Jamoalar Premyer-liga doirasida 55 bor to'qnash kelishgan. 12 o'yinda "Manchester Siti", 22 o'yinda "Liverpul" g'alaba qozongan. 21 bahs durang bilan yakunlangan. To'plar nisbati: 74-83, "Liverpul" foydasiga.
* "Manchester Siti" APL doirasida o'z maydonida "Liverpul"ga so'nggi marta 2015-yilning 21-noyabr sanasida 1:4 hisobida mag'lubiyatga uchragan. Mag'lubiyatsiz seriya 14 o'yin (8 g'alaba, 6 durang) ga yetgan.
* "Liverpul" 2015/2016-yilgi mavsumdan buyon ilk marta APL doirasida "Manchester Siti"ni mavsumning har ikkala o'yinida mag'lub etishi mumkin.
* Muhammad Salah "Liverpul" tarkibida "Siti"ga qarshi eng ko'p o'yin o'tkazgan futbolchi hisoblanadi (21 o'yin). Umumiy hisobda u "Manchester Siti" darvozasiga 12 bor yo'l topgan va u borada faqatgina Ian Rash (15 gol) dan ortda bormoqda.
* Salah APL doirasida "Manchester Siti"ga qarshi o'yinlarda 8 gol va 5 assistni amalga oshirgan. U "gol+pas" bo'yicha klub afsonasi Stiven Jerrard (4 gol, 10 assist) dan bir samarali harakat ortda qolmoqda.
* Misrlik hujumchi "qizillar" a'zosiga aylanganidan so'ng "Siti"ga qarshi o'yinlarda 12 gol va 7 assistni amalga oshirgan. Uning "gol+pas" tizimidagi eng sevimli jamoasi "Manchester Yunayted" (16 gol, 6 assist) hisoblanadi.
* Pep Gvardiola faoliyatida "Liverpul"ga 9 bor yutqazgan. U "Tottenhem" va "Manchester Yunayted" jamoalariga ham 9 martadan yutqazgan.
"Manchester Siti"* Ushbu mavsum "Manchester Siti" barcha musobaqalar doirasida 13 bor mag'lubiyatga uchradi. Bu Pep Gvardiola faoliyatidagi eng yomon mavsum hisoblanadi.
* Ushbu mavsum APLda "Manchester Siti" hisobda ortda borib 17 ochko to'pladi. Bu ikkinchi o'rindagi "Liverpul"dan bir ochko ko'p.
* "Shaharliklar" ushbu mavsum ilk marta APLning ketma-ket ikki o'yinida o'z darvozasi daxlsizligini saqlab qolishi mumkin.
* "Manchester Siti" 2025-yildagi 6 APL o'yinida raqiblari darvozasiga 81 ta zarba yo'lladi va 20 ta gol kiritdi. Shu orqali "Siti", foiz ko'rsatkichi (24.7 %) ga olib qaraganda, bu Premyer-liganing bir kalendar yilidagi realizatsiya bo'yicha eng sermahsul jamoasi bo'lib turibdi.
* Ederson joriy mavsum APLda 3 ta assistni amalga oshirdi. U Premyer-liga tarixida ketma-ket 3 o'yinda assist amalga oshirgan ilk darvozabonga aylanishi mumkin.
"Liverpul"* "Liverpul" APLda 22 o'yin (15 g'alaba, 7 durang) dan beri yutqazmayapti.
* "Qizillar" APLning safar o'yinida so'nggi marta 2024-yilning 24-aprel sanasida "Everton"ga yutqazgan. Jamoaning liga doirasida safardagi o'yinlardagi mag'lubiyatsiz seriyasi 18 o'yin (11 g'alaba, 7 durang) ga yetgan.
* Liverpul" ushbu mavsum APLning safardagi o'yinlarida hali mag'lubiyatga uchramagan yagona jamoa hisoblanadi (9 g'alaba, 5 durang). Angliyaning eng yuqori divizioni tarixida dastlabki mehmon o'yinlarida eng uzun mag'lubiyatsiz seriya qayd etgan jamoalar quyidagilar: "Lids" (1973/1974-yilgi mavsum, dastlabki 15 mehmon o'yini), "Liverpul" (1987/1988-yilgi mavsum, dastlabki 15 mehmon o'yini), "Arsenal" (2001/2002 va 2003/2004-yilgi mavsumlar, dastlabki 19 mehmon o'yini) va "Manchester Yunayted" (2020/2021-yilgi navsum, dastlabki 19 mehmon o'yini).
* "Liverpul" 2024-yilning 14-aprel sanasida "Kristal Pelas"ga mag'lub bo'lganidan beri, APLning yakshanba kungi o'yinlarida yutqazmayapti (11 g'alaba, 2 durang).
* Muhammad Salahning hisobida 240 ta gol bor. U klub to'purarlari orasida 3-o'ringa ko'tarilishi va Gordon Hojson bilan tenglashishi uchun yana bir gol kiritishi kerak.
* Muhammad Salahning hisobida ushbu mavsum APLning safar o'yinlarida 10 assist ham mavjud. APLning bir mavsumida mehmon o'yinlarida eng ko'p assist amalga oshirgan futbolchisi Sesk Fabregas (2014/2015-yilgi mavsum, 11 assist) hisoblanadi.
❤️
@LiverpulMediaUZ ✅
