Jamol Nosirov

Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров соҳада фаолият юритаётган ходимлар билан учрашув ўтказди.

Асосий мақсад — экология ва атроф-муҳитни муҳофаза қилиш соҳасида юзага келиши мумкин бўлган ноқонуний фаолият ва коррупция ҳолатларини олдини олиш, ходимларнинг профессионал малакасини ошириш, одоб-ахлоқ қоидалари ва экологик қонунларга риоя қилинишини таъминлашдан иборат бўлди. 

Ҳар бир ходимнинг соҳага оид масъулиятини ошириш ва касбий бурчини юксалтириш зарурлиги юзасидан тавсиялар берилди.

🌷Уйғониш ва янгиланиш, қут-барака элчиси Наврўзи олам шукуҳидан бугун диллар яйрамоқда. Наврўз ўзаро қадр-қиммат, ҳайру-саҳоват, меҳр-оқибат тимсолидир.

Азиз Ватандошлар! Сизларни баҳорнинг энг гўзал байрами Наврўзи айём билан чин-дилдан қутлайман. Сизларга аввало соғлик-омонлик, оилаларингизга тинчлик-хотиржамлик, бахт-саодат тилайман.

Наврўзнинг ҳаётбахш нур-зиёси қалбингизни поклаб нурафшон айласин.

Жамол Носиров,
Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи

Вилоят Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров, вилоят прокурорининг ўринбосари Жамшид Аҳмедов ҳамда тегишли масъуллар Ғиждувон ва Вобкент туманларида “Яшил макон” умуммиллий лойиҳаси доирасида амалга оширилаётган ишларни ўрганмоқда.

Дастлаб, раҳбарлар Вобкент тумани Анжирбоғ маҳалласида жойлашган 33-сонли умумий ўрта таълим мактабида бўлишди. Мактаб ҳудудида олиб борилаётган ва режалаштирилган кўкаламзорлаштириш ишлари ўрганилиб, ушбу мактаб тажрибасини бошқа туман ва шаҳар ҳудудларидаги мактабларда татбиқ этиш бўйича тавсиялар берилди.

Шундан сўнг, Ғиждувон туманида жойлашган чиқинди йиғиш полигонининг атрофида экилган дарахт кўчатлари ҳолати ўрганилди. Табиий шароит ва экологик талабларни инобатга олган ҳолда кўчатларнинг парваришини яхшилаш, суғориш тизимини самарали ташкил этиш ҳамда ушбу ҳудудда экологик мувозанатни таъминлаш бўйича масъулларга аниқ топшириқлар берилди.

Бугун, Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров Когон шаҳрида “Яшил макон” умуммиллий лойиҳаси доирасида амалга оширилаётган ишлар билан танишди. Когон шаҳар ҳокими ҳамроҳлигида “Менинг боғим” лойиҳаси асосида барпо этилган боғ кўздан кечирилди.

Раҳбарлар шу куни уйсиз ҳайвонлар учун янги қурилаётган питомникда ҳам бўлишди. Питомник ҳайвонларга ғамхўрлик қилиш ва уларнинг турмуш шароитини яхшилаш мақсадида барпо этилаётгани таъкидланди.

Шу билан бирга, келгусида ушбу маскан нафақат ҳайвонларни сақлаш, балки уларни боқиш асраб олишни тарғиб қилишга хизмат қилиши режалаштирилмоқда.