✅
Xorijiy so‘zlarning o‘zbek tilidagi munosib muqobilini topganlar taqdirlanadi

Fanlar Akademiyasining O‘zbek tili, adabiyoti va folklori instituti olimlaridan iborat ishchi guruh xorijiy so‘zlarning o‘zbek tilidagi muqobilini taklif qilmoqda. Dastlabki jadvalda 30 ta yangi atama o‘rin olgan bo‘lib, ular orasida selfini – o‘zchekim, svetoforni – yo‘lchiroq, keshbekni – hadya-qaytim, karvingni – meva bezakchiligi, balansirovkani – muvozanatlashtirish deya ishlatish takliflari ayniqsa, jamoatchilik orasida jiddiy muhokamalarga sabab bo‘lmoqda.

Yangi so‘zni qabul qilayotganda bu so‘z tilimizning fe’liga, xarakteriga mos kelishi kerak.

Ana shunday pishiq-puxta o‘ylangan, xorij kalomlariga munosib sof o‘zbek tilidagi so‘zlarni Telegram orqali bizga yuboring. Komissiya tekshirib, ijobiy fikr bergan, eng yaxshi deb topilgan so‘zlarni yuborgan ishtirokchilar moddiy mukofotlanadi.

Tilimizga befarq bo‘lmagan har bir yurtdoshimiz bu e’londan xabardor bo‘lishi kerak. Buning uchun videoni ularga yuborib qo‘ying.

Tilda, fikrda, ishda birlik!

Jadid.uz | Telegram | Facebook | Instagram | YouTube