✍️ Bu saltanat-u podsholardan ne qolur? Hammasi nom-nishonsiz ketgay! Bizdan yodgorlik bo‘lib qolsa Ulug‘bek madrasasidek, Navoiy Unsiyasidek san’at asarlari qolur!
✍️ Tarix kitoblaridan o‘qidimki, Chingizxon o‘ziga ham bironta yodgorlik qurdirmagan ekan. “O‘lsam, tekis yerga dafn qilinglar, qabrim ustidan mingta ot yurib o‘tsin, toki ko‘milgan joyimni hech kim topolmasin”, degan ekan. Vafot etganidan keyin xuddi uning aytganini qilishibdi. Mingta ot uning qabrini toptab o‘tibdi. Haligacha uning qabrini hech kim topolmas emish.
✍️ Nasl-nasab bilan maqtanish zaiflik belgisidir! O‘zining ilkidan yaxshi ish kelmaydiganlar mudom nasl-nasablari bilan kerilurlar. Ammo odamning kimligini qilgan ishi-yu avlodlarga qoldirgan merosi ko‘rsatgay.

Tilda, fikrda, ishda birlik!