Men, O‘zbekistonda tug‘ilgan bo‘lsam-da, bolaligimda bu tilni bilmasdim. Bugun esa o‘zbek tilini katta qiziqish bilan o‘rganish bilan birga, milliy kinolarni ko‘rish, o‘zbekcha kitoblarni mutolaa qilish va mumtoz qo‘shiqlarni ijro etish orqali talaffuzim ustida ham ishlayapman. Shu asnoda o‘zbek tilining nechog‘li go‘zal va jozibali til ekanligini, uning so‘z boyligini yanada chuqurroq his qilyapman.