Qo'shrabot gazetasi ''Istiqbol Sari''📰 | Rasmiy Kanal!

Savoblar niyatga koʻra beriladi

Aliyyul Havvos rahmatullohi alayh doʻstlarini koʻpincha tungi namozga turishni niyat qilishga tashviq etar va bunday der edi:

“Alloh savobni amalga koʻra emas, niyatlarga koʻra beradi. Kim bir yaxshilikni niyat qilsa va u yaxshilikni bajarish nasib etmasa hamki, Alloh taolo u kishiga niyati savobini beradi.

Chunki hadisi sharifda Rasululloh sollallohu alayhi vasallam: “Har kim uchun niyat qilgani boʻladi” dedilar, har kim uchun amal qilgani boʻladi, demadilar“.

”Ibodat va zikr ahliga tavsiyalar" kitobidan.

***

❗️Eslatib oʻtamiz: bugun Qo‘shrabotda iftorlik vaqti soat 18:38 da.

Kanalga ulanish:
👉@Istiqbol_sari

“Tashabbusli budjet”da targ‘ibot bosqichi boshlandi

8, 10-mart kunlari “Tashabbusli budjet” loyihasi doirasida saralashdan o‘tgan loyihalar uchun targ‘ibot bosqichi o‘tkaziladi.

Bunda, tashabbuskorlar saralashdan o‘tgan loyihalarni targ‘ib qilish orqali ovoz berish bosqichiga tayyorgarlik ko‘radi.

Ma’lumot uchun: ovoz berish bosqichi 2024-yilgi 2-mavsumdan boshlab, 20 kundan 10 kunga qisqartirilgan. Shu sababli ovoz berish jarayonlariga tayyorgarlik ko‘rish uchun targ‘ibot bosqichi amaliyotga joriy etilgan.

Kanalga ulanish:
👉@Istiqbol_sari

Ob-havo

Bugun, 8-mart kuni Samarqand viloyatida havo o'zgarib turadi, yog'ingarchilik bo'lmaydi. Sharqdan sеkundiga 7-12 mеtr tеzlikda shamol esadi. Ayrim joylarda shamolning tеzligi sеkundiga 17-22 mеtrgacha kuchayishi mumkin, ba'zi tumanlarda 25-30 mеtrgacha tеzlashishi mumkin. Kеchasi 1-6, kunduzi 10-15 daraja iliq bo'ladi.

Kanalga ulanish:
👉@Istiqbol_sari

Qo‘shrabot tumanida “Farovon oila” seminar-treninglari davom etmoqda.

“Kambag‘allikdan farovonlik sari” dasturi ijrosini taʼminlash maqsadida mahallalardagi ijtimoiy himoyaga muhtoj fuqarolar uchun “Inson” ijtimoiy xizmatlar markazlari psixolog va supervayzerlari tomonidan “Farovon oila” mavzusida seminar-treninglar o‘tkazilmoqda.

Bundan ko‘zlangan maqsad fuqarolarning kambag‘allik tushunchasi, uning oqibatlari va oila aʼzolariga ko‘rsatadigan salbiy taʼsiri, oilalarni qo‘llab-quvvatlash mezonlari va ko‘rsatiladigan xizmatlar borasidagi bilim-ko‘nikmalarini oshirish hamda ularning ijtimoiylashuvini ta’minlashdan iborat.

Bugun bo‘lib o‘tgan seminar yakunida 8-mart – Xalqaro xotin-qizlar kuni munosabati bilan eng ezgu tilaklar izhor etilib, ularga sog‘lik-salomatlik, oilaviy xotirjamlik va hamisha el-yurt ardog‘ida bo‘lishlarini tilab ehtirom ko‘rsatildi.

Kanalga ulanish:
👉@Istiqbol_sari

Shukr, duo, istig‘for, tavba, sadaqa

Alloh bir kishiga besh narsani bersa, uning uchun boshqa besh narsani tayyorlab qo‘yadi:

Shukr ne’matini bersa, uning uchun ziyodalikni tayyorlab qo‘yadi.

Duo qilish ne’matini bersa, uning uchun ijobatni tayyorlab qo‘yadi.

Istig‘for aytish ne’matini bersa, uning uchun mag‘firatni tayyorlab qo‘yadi.

Tavba qilish ne’matini bersa, uning uchun qabulni tayyorlab qo‘yadi.

Sadaqa qilish ne’matini bersa, uning uchun qabul etishni tayyorlab qo‘yadi.

***

❗️Eslatib oʻtamiz: bugun Qo‘shrabotda iftorlik vaqti soat 18:37 da.

Kanalga ulanish:
👉@Istiqbol_sari