ISLOMSHUNOSLIK FAKULTETI

0️⃣0️⃣0️⃣
5️⃣5️⃣5️⃣

“Ma’rifat” faxrli o‘rinni qo‘lga kiritdi

📍Nizomiy nomidagi Toshkent davlat pedagogika universitetida oliy ta’lim muassasalari talaba-yoshlari o‘rtasida o‘tkazilayotgan “Yurtim qadriyatlari” respublika ko‘rik-tanlovining 2-hududiy bosqichi boʻlib o‘tdi.

⌛Unda O‘zbekiston xalqaro islom akademiyasining “Ma’rifat”, “Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universiteti, Toshkent davlat sharqshunoslik universiteti, Jahon iqtisodiyoti va diplomatiya universiteti hamda Geologiya fanlar universitetining talabalaridan tuzilgan jamoalar o‘zaro bellashdi.

✔️Tanlovdan ko‘zlangan maqsad talaba-yoshlaming o‘qishdan bo‘sh vaqtlarini mazmunli o‘tkazish, shuningdek, ularni milliy va umum insoniy, ijtimoiy axloqiy, madaniy va ma’naviy qadriyatlarimiz, an’ana, urf-odat, san’atimiz bilan yaqindan tanishtirish, yurtimizning tarixi va bugungi kuni hozirgi kunda amalga oshirilayotgan keng ko‘lamli islohotlardan xabardor qilish, jadidlarimiz hayotini chuqur o‘rganish, ertamiz egalarining tarixiy tafakkurini oshirish orqali oliy ta’lim muassasalarida olib borilayotgan madaniy-ma’rifiy ishlar samaradorligini yanada yuksaltirishga xizmat qilishdan iborat.

✅Tanlov “Milliy an’ana, qadriyat va urf-odatlar”, “Kompozitsion musiqiy chiqishlar” hamda “Jadidlar jasorati – millatimiz faxri” kabi shartlar asosida bo‘lib o‘tdi.

✅Yakunda O‘zbekiston xalqaro islom akademiyasining “Ma’rifat” jamoasi faxrli 2-o‘rinni qo‘lga kiritdi.

⭐️Fursatdan foydalanib, O‘zbekiston xalqaro islom akademiyasi rahbariyati va jamoasi nomidan talabalarimizning mazkur yutuqlari bilan chin dildan muborakbod etib, ularning kelgusidagi ishlariga muvaffaqiyat tilaymiz.

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|✅Facebook|🌐Instagram|✅Telegram|📹YouTube