Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGAlertsBot

Monitoring of keywords in channels and chats
img
ad

Telegram Analytics

Subscribe to stay informed about TGStat news.
img
ad

Иқбол МИРЗО шеърлари

@Iqbol_Mirzo_ijodi
Channel's geo and language: Uzbekistan, Uzbek
Category: not specified

Ҳурматли канал кузатувчилари! Бу ерда Ўзбекистон халқ шоири Иқбол МИРЗОнинг шеърлари, шоир ижодидаги янгиликлар, фото ва видео тасвирлар билан танишиш имкони мавжуд.

Related channels  |  Similar channels
Channel's geo and language
Uzbekistan, Uzbek
Category
not specified
Statistics
Is this your channel? Confirm Канал в реестре блогеров РКН? Confirm Channel history
Posts filter

Иқбол МИРЗО шеърлари

8 Mar, 07:52

Open in Telegram Share Report
Video is unavailable for watching
Show in Telegram
САККИЗИНЧИ МАРТГА ЯРИМ ҲАЗИЛ

Аёлга тош отиш мумкинми, деса,
Эркаклар баравар чайқайдилар бош.
Аёлга тош отинг қурбингиз етса,
Фақат... қимматбаҳо бўлсин ўша тош!

✍️ Иқбол МИРЗО
1 2 0 1
Иқбол МИРЗО шеърлари

3 Mar, 18:26

Open in Telegram Share Report
Video is unavailable for watching
Show in Telegram
❄️ ҚОР

Янги йил кунига ярашиғинг бор,
Ўшанда тўзғоқлаб ёғмайсанми, қор?

Тўғри, аямажуз, балки ҳақинг бор,
Оқкўнгил боғларга боқмайсанми, қор?

Тақвимга қарамас, бу бевош баҳор,
Ёким бир-бирингга ёқмайсанми, қор?

Ёғсанг, ана, Орол ётар интизор,
Ўшангга сел бўлиб оқмайсанми, қор?

Нобуд бўлмасмикин ўрик, олчазор?
Кўрпа бўлиб ўзинг сақлайсанми, қор?

Ҳосилга кўз тиккан қанча умидвор-
ларни оқ аридек чақмайсанми, қор?

Мендек бесабрсан, мендек беқарор...
Сен яна ўзингни оқлайсанми, қор?

✍️ Иқбол МИРЗО
1.2k 1 27 35
Иқбол МИРЗО шеърлари

1 Mar, 07:05

Open in Telegram Share Report
БАҲОРНИНГ ИЛК КУНИ

Баҳорнинг илк куни – биринчи мартда
Сени учратгандим биринчи марта...

(Тақвим) – календар не табиат учун,
Мендек қаландар не табиат учун?

Аммо бирдан битди қаҳратон қаҳри,
Тумандай тарқади изғирин заҳри.

Баҳорнинг элчиси бўлиб турардинг,
Нафис тароватга тўлиб турардинг.

Аммо атрофингда анов бировлар,
Ивирсиб юрарди кўнгли қировлар.

Ҳа-да, турқи совуқ, қиш бандалари,
Бор-ку ишқдан озод иш бандалари.

Гуллаётганимдан ҳайрон эдилар,
Ободлигим кўриб вайрон эдилар.

Аммо найлайинки, аслинг билмасдим,
Найлайинки, кўнгил фаслинг билмасдим.

Билмасдим, борлигим сездингми, баҳор,
Интизор, зорлигим сездингми, баҳор?

Аммо авайлайман шу ширин дардни,
Илк марта гул тутган биринчи мартни...

✍️ Иқбол МИРЗО
3.2k 0 32 46
Иқбол МИРЗО шеърлари

1 Mar, 04:22

Open in Telegram Share Report
Video is unavailable for watching
Show in Telegram
YURTIM…

🎙 Dilnoza Kubayeva
✍️ Iqbol Mirzo
1.7k 0 25 17
Иқбол МИРЗО шеърлари

27 Feb, 14:49

Open in Telegram Share Report
Video is unavailable for watching
Show in Telegram
СИНАМА

Қиймалаб юракни, дўстни синама,
Қийнама эркакни, дўстни синама,
Мақсадинг нима, эй дўсти ғарибим?
Сенга дўст керакми? Дўстни синама.

✍️ Иқбол МИРЗО

2022
2.1k 0 31 54
Иқбол МИРЗО шеърлари

26 Feb, 11:40

Open in Telegram Share Report
❄️ ҚОР

Янги йил кунига ярашиғинг бор,
Ўшанда тўзғоқлаб ёғмайсанми, қор?

Тўғри, аямажуз, балки ҳақинг бор,
Оқкўнгил боғларга боқмайсанми, қор?

Тақвимга қарамас, бу бевош баҳор,
Ёким бир-бирингга ёқмайсанми, қор?

Ёғсанг, ана, Орол ётар интизор,
Ўшангга сел бўлиб оқмайсанми, қор?

Нобуд бўлмасмикин ўрик, олчазор?
Кўрпа бўлиб ўзинг сақлайсанми, қор?

Ҳосилга кўз тиккан қанча умидвор-
ларни оқ аридек чақмайсанми, қор?

Мендек бесабрсан, мендек беқарор...
Сен яна ўзингни оқлайсанми, қор?

✍️ Иқбол МИРЗО
5.4k 0 79 62
Иқбол МИРЗО шеърлари

22 Feb, 06:39

Open in Telegram Share Report
СЕНИ ЎЙЛАСАМ

Гул, келдинг умримнинг куз палласида,
Шамоллар гувлайди сени ўйласам.
Гулбўрон – илк қорлар арафасида
Юрагим гуллайди сени ўйласам.

Қайси феълим ёқиб меҳрибон худо
Сендай гулни менга айлади ато?
Энди хато қилсам бўлади хато,
Худойим қўллайди сени ўйласам.

Қайтмас бўлиб мендан кетган гулюзлар,
Ёнимга қайтишга ёниб йўл излар.
Олисдан кўз қисиб бир-бир юлдузлар,
Бўсалар йўллайди сени ўйласам.

Тилим – юрагимнинг давомидир, гул,
Юрагим икки юрт довонидир, гул,
Довонда бир гулнинг товонидир гул,
Ўлиб ҳам бўлмайди сени ўйласам.

✍️ Иқбол МИРЗО

🎙️ Нодира
2.8k 0 35 43
Иқбол МИРЗО шеърлари

20 Feb, 08:56

Open in Telegram Share Report
20 февраль – Ўзбекистон Қаҳрамони, адабиётшунос олим Суйима Ғаниева таваллуд топган кун

* * *

Само элагидан тўкилар баёт:
«Шоядки, яхшилик бирла чиқса от».
Яхшилик касбини ўйласам, менга
Суйима онани эслатар ҳаёт.

Хой, нечук бу ҳашам, бу асъасалар?
Олим бўлиб иззат талашмасалар.
Навоий учун ҳам бирлашмасалар...
Суйима онани эслатар ҳаёт.

Етти сайёрадан юксак хаёли,
Сўзи зиёли ҳам ўзи зиёли.
Мана, қандай бўлар ўзбек аёли!
Суйима онани эслатар ҳаёт.

Олмосдай фурсатни янчиб, майдалаб,
Бизнинг бисотимиз бўлди майда гап.
Умрим хирмонини кўрсам чамалаб,
Суйима онани эслатар ҳаёт.

Қўлёзмалар гарди сурма кўзларга,
Наъсталиқ из солган манглай, юзларга.
Ҳамон сабоқ берар устоз бизларга,
Суйима онани эслатар ҳаёт.

Само элагидан тўкилар баёт:
«Шоядки, яхшилик бирла чиқса от...»
Улусга яхшилик ҳақда ўйласам,
Суйима онани эслатар ҳаёт.

✍️ Иқбол МИРЗО
3.5k 0 14 40
Иқбол МИРЗО шеърлари

15 Feb, 19:21

Open in Telegram Share Report
Video is unavailable for watching
Show in Telegram
СЕН КЕЛГУНЧА

Сен келгунча юрагимни ютиб тураман,
Кўзим юмиб кўзёшимни тутиб тураман.
Алдаб-сулдаб чалғитаман ўзимни ўзим,
Сен келгунча яшамайман, кутиб тураман.

✍️ Иқбол МИРЗО

2015
4.1k 0 65 83
Иқбол МИРЗО шеърлари

14 Feb, 09:15

Open in Telegram Share Report
14 февраль — шоҳ ва шоир Заҳириддин Муҳаммад Бобур таваллуд топган кун.

“БОБУРНОМА” ИЛҲОМИ

Замон фарроши бўлсайдим, шу замонни супургайдим,
Димоғимга тутиб енгим, тўрт томонни супургайдим.

Супургайдим ҳаром луқма, ҳаром айшу тарабларни,
Супургайдим ҳам товоқни, ҳам қозонни супургайдим.

Ювардим кул билан ойни доғидан холи бўлгунча,
Исларини узиб, юлқиб-ки осмонни супургайдим.

Кўзёшимдан сепиб сувлар гузарларга, кўнгилларга,
Хиёнатни, ҳасад, ўчни ва гумонни супургайдим.

Супургайдим хурофотни, жаҳл, худбин раёсатни,
Ўрлатиб чангини кўкка оломонни супургайдим.

Кичик Мирзо бўлиб Иқбол улусга яхшилиқ айлаб,
“Ёмонлиқ бўлмағай бўлғай” ҳар ёмонни супургайдим.

✍️ Иқбол МИРЗО
4.3k 0 31 41
Иқбол МИРЗО шеърлари

13 Feb, 06:30

Open in Telegram Share Report
Forward from: Иқбол МИРЗО шеърлари
ҚОРА РЎЙХАТ

Шўро замонини эсларсиз балким,
Бир рўйхат бўларди – аждаҳо коми.
Қизил қолипларга тушмас эса ким
Қора рўйхатларга тушарди номи.

Тақиқ муҳри тушар бўлса агарда,
Ҳатто марҳумлар ҳам топмасди омон.
Ўша рўйхатда ҳам Темур саркарда,
Ўша сафларда ҳам Бобуршоҳ сарбон.

Ким у рўйхатбоши? Ким у муҳрдор,
Маликлар устидан ҳукм чиқазган?
Ким у азизларни хўрлаган мурдор,
Ким у нурпош номни қорада ёзган?

Пешона экан-да, кўрдик кейинроқ,
Мезонларни бузиб кимки этса баҳс,
Кимки буюк бўлса, сурилди ногоҳ,
Рўйхатларга тушди кимки бўлса Шахс.

... эшиклар ёпилар юзларга таққа,
Тўнини тескари кияр матбуот.
Сен гўё оқ бўлдинг шу тахлит халққа,
Номинг қора бўлди гўё, одамзод...

Сургун қилинарми узлатга инсон,
Қулфлаб қўйиларми ғорга зоҳид ҳам?
Дўрмонда Абдулла Ориф дили қон,
Маҳзун жилмаяди Эркин Воҳид ҳам...

Рост бўлсин битгани мустабид замон!
Қора рўйхатларнинг қораси ўчсин!
Ошкора айтилсин ким бўлса ёмон,
Яхши бўлса номи юракка кўчсин!

Фақат... истиҳола бор пича бизда,
Шукр, йўқмиз қора рўйхатларида.
Фақат... не гина бор дўстларимизда,
Нега номимиз йўқ тўйхатларида?

Ҳамон чўнтакларда рўйхатлар борми,
Қонда қолганмикин шўравий иллат?
Биз қачон оқ деймиз сабуҳий қорни,
Қачон оқ от минар оқкўнгил миллат?

Тафаккур ҳурлиги – қутли иноят,
Бир учқун ялтирар юрак қатида.
Тўғри яшайвергин, бўлгайсан шояд
Азал Котибининг оқ рўйхатида.

Иқбол МИРЗО
2.8k 0 7 56
Иқбол МИРЗО шеърлари

9 Feb, 10:38

Open in Telegram Share Report
НАВОИЙ

Навоий бу — кўламга кўра
Адоқсиз ва бениҳоядир.
Навоий бу — миллий мафкура,
Навоий бу — миллий ғоядир.

Аҳли аёл тутмабдир Ҳазрат,
Эл лол: «Қандай ҳаёт бўлади?»
Навоийни англаган миллат
Навоийга авлод бўлади.

✍️ Иқбол МИРЗО
4.9k 0 56 66
Иқбол МИРЗО шеърлари

5 Feb, 14:32

Open in Telegram Share Report
БЕШЛИК

Зиғирнинг гулидек ёлғонга қарши,
Ёлғондан гуллаган инсонга қарши,
Инсонга айланган шайтонга қарши
Бош кўтармас бўлсанг бирор марта ҳам,
Қандай бош кўтариб юрасан, одам?!

✍️ Иқбол МИРЗО

2022
3.8k 0 22 57
Иқбол МИРЗО шеърлари

30 Jan, 17:53

Open in Telegram Share Report
ЎТАР

Укам Валижонга

Руҳингни эзади чилла куйлари,
Мусиқа юракдан зор бўлиб ўтар.
Тошкентнинг ёмғири довондан нари –
Фарғона томонга қор бўлиб ўтар..

Фарғона томонлар туманли, лойли,
Тумани чиройли, лойи чиройли,
Во ажаб, бугун ҳам Кумуш ва Лайли
Сочлари белида дор бўлиб ўтар.

Мен нима ахтардим, нени изладим?
Кимга эрмак бўлди гўзал ҳисларим?
Синфдош қизларим, дилдош қизларим –
Кимларга кўнгилсиз ёр бўлиб ўтар.

Марҳум дўстни ўйлаб, ортади ғуссам,
Шум хаёллар ёвдек қайтади, қувсам.
Жўралар тизилиб келар кўз юмсам,
Бори йўқ, йўқлари бор бўлиб ўтар.

Ҳар ким ҳам ўзини чандон аяйди,
Савалаганда ҳам аяб савайди.
Ҳар кимса ўзини одам санайди,
Ўзининг юкига нор бўлиб ўтар.

Ҳар кимнинг ёмондир умр йўлдоши,
Эсиз йигит ёши, тузсиз нон-оши.
Фарзандига қараб эгилар боши,
Кенг дунё кўзига тор бўлиб ўтар.

Тошкентнинг ёмғири довондан нари –
Фарғона томонга қор бўлиб ўтар.
Кимга тоғ кўринса бировнинг қири –
Хор бўлиб, хор бўлиб, хор бўлиб ўтар.

✍️ Иқбол МИРЗО
4.5k 0 28 64
Иқбол МИРЗО шеърлари

30 Jan, 10:00

Open in Telegram Share Report
БЕЧОРА

Укпардай қор ташлаётганди,
Лопилларди элакдек фалак.
Нигоҳимга ногоҳ илинди
Оқ капалак, оппоқ капалак.

Сибирда-я? Қора қишда-я?
Сенга ёлғон, менга эса чин.
У қор ора учарди қия
Пириллатиб нафис қанотин.

У бечора гул қидирарди,
У бечора... теварак яйдоқ...
Уни асраб қолсак бўларди,
Сен кўчага чиқмадинг бироқ.

✍️ Иқбол МИРЗО

1987
Томск
3.3k 0 9 44
Иқбол МИРЗО шеърлари

27 Jan, 07:39

Open in Telegram Share Report
Video is unavailable for watching
Show in Telegram
У ДУНЁ

У дунё ҳам чакки бўлмаса керак,
Ҳеч ким таърифини айтиб келмади:
Қанча инжиқ хотин, қанча қўрс эркак
Тўғри келмади, деб қайтиб келмади.

✍️ Иқбол МИРЗО
5.4k 0 121 115
Иқбол МИРЗО шеърлари

25 Jan, 10:48

Open in Telegram Share Report
ЎЗИНГИЗНИ ЭҲТИЁТ ҚИЛИНГ
Қараганга қараманг, хоним,
Кўзингизни эҳтиёт қилинг.
Балки энди бўлмас имконим,
Ўзингизни эҳтиёт қилинг.

Оч нигоҳдан ва паст назардан,
Шарманда тор қилган шаҳардан,
Узук кўзидаги заҳардан
Ўзингизни эҳтиёт қилинг.

Бегонадир сизга ҳасратим,
Девонадир кўнгил ҳазратим.
Сизни мен ўзимдан асрадим,
Ўзингизни эҳтиёт қилинг.

Сиздан бошқа кимим бор бугун?
Дилим ҳуфтон, юрак-бағрим хун.
Бир илтимос, битта мен учун
Ўзингизни эҳтиёт қилинг.

Юрагимга эгизак қизни
Ўйлаб, адо бўлдим… ҳа, сизни…
Ўзи мени танияпсизми?
Ўзингизни эҳтиёт қилинг.

Сизни-ку бир тараф қўйганман,
Гуллар билан ўраб қўйганман.
Худодан ҳам сўраб қўйганман,
Ўзингизни эҳтиёт қилинг.

Санасангиз ҳамки етти ёт,
Эҳтиёт шарт қилдим эҳтиёт.
Жон сақладим сизни этиб ёд,
Ўзингизни эҳтиёт қилинг.

✍️ Иқбол МИРЗО
4.8k 1 65 69
Иқбол МИРЗО шеърлари

24 Jan, 10:08

Open in Telegram Share Report
СОҒУНИЙ АРМОНИ

Барча хонни енгган ғолиб — дастурхон,
Ош ейман деганни егандир қурсоқ.
Қанийди, бирлашиб, бир мақсад томон
Ошга борган каби ошиқсак, ўртоқ...

✍️ Иқбол МИРЗО

2020
7.1k 0 36 38
Иқбол МИРЗО шеърлари

22 Jan, 14:18

Open in Telegram Share Report
ТУМАНЛАРДА

Ёсуман деб қўйибдилар туманни,
Кўзлар хира, бод бўғинлар қақшайди.
Парда ташлаб, оширади гумонни,
Туманларда хўтик тойга ўхшайди.

Туманларда мудроқланар фаҳминг ҳам,
Ўз жонингга келиб кетар раҳминг ҳам.
Соя ташлаб лопиллайди ваҳминг ҳам,
Намиққан йўл қўнғир сойга ўхшайди.

Ўз тубини ёритолмас чироқлар,
Бир қадамда яқинларинг йироқлар.
Кўзёшисиз ҳўл бўлади яноқлар,
Ўз қишлоғинг ўзга жойга ўхшайди.

Дуо кетган Қўқон туманларига,
Учкўприги, Бувайдаси... барига.
Шўнғийсан-да номаълумлик қаърига,
Ҳар одимда ҳолинг войга ўхшайди.

Халққа раҳмат, тутақиш йўқ, ёниш йўқ,
Арзи-дод йўқ, минғир-синғир нолиш йўқ.
Уй солишда бир-биридан қолиш йўқ,
Тўйин кўрсанг, Тошкентбойга ўхшайди.

Изларингни ямлаб ютгай туманлар,
Туман-туман булут тутгай туманлар.
Бошимиздан қачон кетгай туманлар?
Туманларда қуёш ойга ўхшайди.

✍️ Иқбол МИРЗО

2021
3.8k 0 25 64
Иқбол МИРЗО шеърлари

20 Jan, 11:04

Open in Telegram Share Report
ОНА ҚАДРИ

Онанинг дийдори офтобга тенглигин
Олисда юрганда биласан, бола.
Онанинг кимлигин, меҳрнинг нелигин
Онангни кўрганда биласан, бола!

✍️ Иқбол МИРЗО

2022
4k 0 52 62
20 last posts shown.