Hikoya . . .

Bir kuni, 3 yoshli Akmal va uning onasi bozordan uyga qaytishdi. Akmal onasining qo‘lidan ushlab, yangi o‘yinchoqlarni katta qutidan chiqarib ko‘rishga sabri chidamay ketardi. U uyga kelgach, tezda barcha o‘yinchoqlarni to‘plab, ularni birma-bir ochib, "qo'ldan o'tkazib" ko‘rishga kirishdi. Ammo, bir muddat o‘tgach, Akmal o'ziga nimadir yetishmayotgandek his qildi. Har bir o‘yinchoqni tezda tashlab, yangi birini olishni xohlardi.

Onasi uni ko‘rib, uni o‘ynash uchun faqat 4 ta o‘yinchoq tanlashni so‘radi. Akmal boshlanishida biroz hayron bo‘ldi, hafa ham. Lekin keyin, ular bilan o‘ynashni boshladi. Har bir o‘yinchoqni yaxshilab ko‘rib, turli o‘yinlar va hikoyalar yaratib o‘ynashni boshladi.
Ertasidan tongda, Akmal o‘yinchoqlari bilan yanada ko‘proq vaqt o‘tkazdi. Ular bilan birgalikda tasavvur qilgan "dunyolarni" qurdi, o‘zining kichik qahramonlarini yaratdi va o‘yinlarida yangi nuqtalar topdi. Natijada, onasi ham o‘g'lining ijodiy fikrlashini sezdi va bu juda qiziqarli bo‘ldi.

Bu kichik hikoya Toledo Universiteti tomonidan o‘tkazilgan tadqiqotga to‘g‘ri keladi. Tadqiqotchilar shuni aniqlashdi: kamroq o‘yinchog‘iga ega bolalar ko‘proq va ijodiyroq o‘ynashadi. 4 ta o‘yinchoq bilan o‘ynagan bolalar 16 ta o‘yinchoq bilan o‘ynaganlarga nisbatan ancha chuqurroq va murakkabroq o‘ynashgan. Kamroq o‘yinchoq bolaning diqqatini chalg‘itmaydi, aksincha, har bir narsadan yaxshiroq foydalanishga imkon beradi.

Shunday qilib, "kamroq o‘yinchoq, ko‘proq ijodiy o‘yin" degan gapning ma’nosi to‘liq o‘z isbotini topdi. Akmalning o‘yinlaridagi ijodiy yondashuv uning rivojlanishiga katta yordam berdi.

Bu o'rinda onalarimiz 'https://t.me/IlmliOnalarDaftari/422?comment=2986' rel='nofollow'>yozgan almashtirish uslubi juda foydali deb hisoblayman.
Yani ko'p o'yinchoqlarni hammasini bolaga berib qo'ygan bilan bola ko'p o'ynolmaydi, tez zerikadi. Shu o'yinchoqlarni kunning ma'lum qismida 4-5 dan berib bolajonni ko'proq individual o'ynashiga erishish mumkin.

Sizningcha, bolalar uchun o‘yinchoqlar soni muhimmi yoki sifatga e'tibor qaratish kerakmi? Fikrlaringizni izohlarda qoldiring!

Keling #challenge qilamiz, oxirgi marta sotib olgan o'yinchog'ingizni rasmi va olingan sanasini yozamiz😇 men commentda qoldiraman😌🙃

Tadqiqot haqidagi maqolani ingliz tilida bu yerdan topasiz.

Ilmli Onalar Daftari