Ilmli Onalar Daftari

Assalomu alaykum, aziz Onajonlar! Bugun sizlar bilan muhim mavzu - farzand tarbiyasi haqida suhbatlashmoqchiman. Islomiy va o'zbekona qadriyatlarimizni mujassam etgan 5 ta bebaho kitobni tavsiya qilmoqchiman.

1. "Baxtiyor oila" - Shayx Muhammad Sodiq Muhammad Yusuf
Ushbu kitob oilaviy munosabatlarning poydevori bo'lib, farzand tarbiyasida ota-onaning o'rni, vazifalari va mas'uliyatini chuqur yoritib beradi. Muallif ko'p yillik tajribasi asosida zamonaviy muammolarga islomiy yechimlarni taqdim etadi. Ayniqsa, kitobning "Farzandlar tarbiyasi" bo'limi har bir ota-ona uchun qo'llanma vazifasini o'taydi.

2. "Odobnoma" - Abdulla Avloniy
XX asr boshlarida yozilgan bo'lsa-da, bu kitob hamon o'z dolzarbligini yo'qotmagan. Avloniy milliy va islomiy qadriyatlarimizni uyg'unlashtirib, bolalarni axloq-odob, vatanparvarlik, ilm-ma'rifatga muhabbat ruhida tarbiyalash yo'llarini ko'rsatib beradi. Kitobning sodda va ravon tili uni har bir oila a'zosi uchun tushunarli qiladi.

3. "Farzand tarbiyasi" - Imom G'azzoliy
Bu asarda farzand tarbiyasining ma'naviy jihatlari mukammal yoritilgan. G'azzoliy hazratlari bolaning qalbiga e'tibor qaratish, uning ruhiy olamini shakllantirish, yaxshi xulq-atvorni singdirish bo'yicha bebaho maslahatlar beradi. Kitob ayniqsa bolaning ilk 7 yillik tarbiyasiga alohida e'tibor qaratadi.

4. "Oila saodati" - Nuriddin Xoliqnazarov
Zamonaviy o'zbek muallifi tomonidan yozilgan bu kitob bugungi kun oilalari duch kelayotgan muammolarga amaliy yechimlar taklif qiladi. Kitobda farzand tarbiyasida milliy qadriyatlarimiz va zamonaviy pedagogik yondashuvlar uyg'unlashtirilgan. Ayniqsa, ota-onalar uchun kundalik vaziyatlarda qo'l keladigan amaliy maslahatlar juda foydali.

5. "Hadis va Hayot" (Tarbiya kitobi) - Shayx Muhammad Sodiq Muhammad Yusuf
Bu kitobda Payg'ambarimiz (s.a.v.)ning farzand tarbiyasi haqidagi hadislari va ularning zamonaviy talqini berilgan. Kitob nafaqat nazariy, balki amaliy jihatdan ham boy bo'lib, har bir hadisdan kundalik hayotimizda qanday foydalanish mumkinligi tushuntirilgan.

TAVSIYA:
Bu kitoblarni ketma-ket emas, balki parallel ravishda o'qish tavsiya etiladi. Chunki har biri o'ziga xos yo'nalishga ega va bir-birini to'ldiradi.

Bu kitoblarning har biri o'ziga xos xazina. Ularni o'qib, muntazam ravishda amal qilish orqali, in sha Alloh, farzandlarimizni ham dinimiz, ham milliy qadriyatlarimiz asosida tarbiyalash imkoniga ega bo'lamiz.

Siz ham o'z tajribangizda sinab ko'rgan foydali kitoblarni izohlarda ulashing. Zero, bilim ulashganda ko'payadi!

Ilmli Onalar Daftari

Bremenda qish o'zgacha! 🌨️

Men O'zbekistonda bola bo'lib ko'rganman, u yerda qish quruq va unchalik sovuq emas. Eslayman, yoshligimdan kasal bo'lib qolasan deb qor yog'gan sovuq kunlarda tashqariga chiqarishmasdi. Lekin men o'g'limni tarbiyalash jarayonida tushunib yetdimki, to'g'ri yondashilsa qishki sayrlar bolaning rivojlanishida juda muhim rol o'ynaydi. Bremenda esa havo nam, yomg'ir va qor aralash yog'adi. Shuning uchun bolani to'g'ri kiyintirish juda muhim.
O'g'lim bilan qishda sayr qilganimizda quyidagi oddiy qoidalarga amal qilamiz:

✅ Issiq kiyintirish - oyoq, qo'l va boshni albatta himoyalash, ammo haddan tashqari o'rab tashlash ham to'g'ri emas
✅ 20-30 daqiqadan boshlab, sekin-asta sayr vaqtini uzaytirib borish
✅ Faol harakatlanish - turli mashg'ulotlar bilan band bo'lish

Bunday sayrlarning nima foydasi bor?

🟢 Toza havoda nafas olish nafas yo'llarini mustahkamlaydi
🟢 Quyosh nuri D vitaminini ishlab chiqarishga yordam beradi
🟢 Qishki o'yinlar muvozanat va chaqqonlikni rivojlantiradi
🟢 Tabiatdagi mavsumiy o'zgarishlarni kuzatish dunyoqarashini kengaytiradi

Ilmli Onalar Daftari

Germaniyada yöqotilgan narsalar uchun qayerga? va kimga murojaat qilish kerak?


Germaniyada muhim bolgan hujjatlaringiz , bank kartalaringizni, sumkangiz shunga oxshash narsalarni yöqotib qöysangiz birinchi bo’lib:

1. Qayerda (aniq joyi)? vaqti, biror bir tramvay, yoki bus bolsa qaysi yönalishda unitib qoldirganligingizni aniqlashtirib oling.

2.Agar bank karta, passport hujjatlaringiz bo’lsa uni bloklatib qöying. Chunki topib olgan odamdan har narsani kutish mumkin. Bloklashni 116 116 raqamiga tel qilish orqali amalga oshirishingiz mumkin undan keyin Polizei ga borib hujjatlaringiz yöqolganligi haqida xabar berib qoying.


3. Har bitta joyni o’zini topilmalar byurosi bo’ladi qayerda yo’qotgan bo’lsangiz o’sha joyni Fundbüro siga tel qilib yoki E-Mail orqali yo’qotilgan narsangiz haqida sörovnoma jönatib qöying. Chunki nemislar topilgan narsalarni yoki xaydovchiga yoki shu Fundbüro ( topilmalar idorasiga topshiradi.


4. Facebook gruppalariga e’lon berish ham foydadan xoli emas.


Agar ma‘lumotlar foydali bölgan bölsa ❤️ bosishni unitmang:)


Ilmli onalar daftari