Юзингни кўргали

Юзингни кўргали ой уёлмишдир,
Сўзларинг инжу, лабларинг болмишдир.
Агарки ҳусн мулкида баҳс этсалар,
Лайлию Ширин пойингда қолмишдир.

Бу не ҳолмишдир, васлинг умидида
Кўзларим йўлларинг пойлаб толмишдир.
Орзум рўёби рўё, неча вақтким
Бетин вақт каби тинчим йўқолмишдир.

Бу не лашкар каби оҳ эмиш, мудом
Айрилиқ кўксима лак-лак солмишдир
Ким, ҳажрингда гар бир оҳ урса Икром
Искандар каби дунёни олмишдир.

© Икром ИСКАНДАР