#ишдаликлар
Ҳаётда сал омади келмаган, орзуларига эришиш учун вақт, иқтисод, тақдир... йўл бермаган, нисбатан камбағал турклар орасидаман. Худди китобда, киноларда яшаётгандекман. Яхшиси, ўзингиз ўқинг!
Иш тугагач, официант Диловер амаки машинасида метрогача олиб кетяпти. Аввал уловини чамаси 10 дақиқача итариб завод қилволамиз, яна бошқа касали чиқиб қолмаса яхши, йўқса ярим соатлаб йўлда қолиб кетган вақтларимиз бўлган.
Анча эски русумдаги автолиги учун ойнасига ёпиштирилган “Сотилади!” деган қоғоз анчадан бери туради. Биров қизиқмасаям керак, чунки эски, касали кўп машиналиги кўриниб турибди, ҳеч сота олмаяпти.
Амаки бўлса жуда позитив, умуман асаб бузмайди. Тақдирга кўниб, аллақачон ҳаммасини табиий қабул қилиб бўлганига тан берганман. Бу даражага етиш учун инсон бошидан нималар ўтиши, қандай қийинчиликларни кўриши керак, билмадим...
Мурад уста бор, бош ошпазнинг ўнг қўл ёрдамчиси. Яхшигина маош олади, лекин бешта фарзанди ва рўзғоридан орттириб, унча кўп нарсага эришолмаган. Ооооддий, ранги ўчиб, эскириб кетган кийимларда юради. Иш йўқ пайти кўп ҳолларда телефонда расм кўриб ўтиради. “Бобой қизларнинг суратларини, релсларини томоша қилаётган бўлса керак”, деб ўйларканман...
Билсам, мотоцикл, ҳар хил мотоцикллар расмини кўраркан доим! “Ёшлигимдан бери орзу қиламан шуни, 52 га кирдим. Аввал отамга олиб беринг дердим, имкони бўлмасдан ўтиб кетди оламдан, кейин ўзим оламан, деб қанча тиришдим. Қачон етишарканмана шу савилга, зўр-да бу, туришини қара, кардешим!”
Қария ошпазлардан яна бири бор, Маҳир уста. Ёши 60-70 орасида бўлса керак. Оиласи билан турмайдиёв, янаям билмадим. Кўкрак чўнтагида эски бир сурат солиб юрарди. Хаёл қурсин, ўлган кампирининг расми, дебман. Бугун кўриб қолдим, қандайдир эски шаҳар биноларининг расми. Қизиқиб сўрасам, жавоби ҳайрон қолдирди:
“Сендай пайтим эди тахминан. Ёқтирган қизим бор эди, исми Изель, оиласи билан Германияга кўчиб кетишди. Ортидан боролмадим. Бу расмни у жўнатган, Берлин, Изель шу ерга кетганди. Ана-мана деб умр ҳам ўтиб кетди, бирор марта чет элга чиқ(ол)мадим, бирор марта! Германия орзуси ҳам, Изель ҳам ўтмишда қолиб кетди. Ундан ягона ёдгор шу, Германияни доим юрагимга яқин ерда сақлаб юраман шунинг-чун...”
Туркманистонлик амаки бор, Туркия ватандошлигини олган, 3 йилдан бери шу ресторанда идиш-товоқ ювади. Жудаям оқкўнгил, бировга зарари тегмайдиган киши. Кулиб тураверади. Афсуски, хотини ташлаб кетган. Ҳалигача кутади, яхши кўришини гапириб бераётганда овози титраганидан сездим. Болаларини ҳам олиб кетганмиш, ўзи ёлғиз яшайди. Ўзбекларни жуда яхши кўради, “армийский” ўзбек жўраларим бор эди, дея кўп эслайди, бечора...
P.s. Аввал ишлаган жойим аристократлар макони эди, фақат оқсуяклар овқатланарди, ишчилар ҳам анча ўзини тиклаб олган ўрта қатлам вакиллари бўлган экан. Қолган ҳаммаси ўзимизнинг қоракўзлар, баъзилари қачон қарама бир-бирини кийдириб, ҳамқишлоқларини ғийбат қилиб ўтирарди. Уларнинг ҳикоялариям аҳамиятсиз эди, ҳам жуда зерикарли! Бу ердагилар ҳаёти эса тобора қизиқарлироқ туюляпти, буларнинг ўтмиши, бугуни, орзулари ва армонлари ҳам бошқача, ғайритабиий...
@Ijoddardi
Ҳаётда сал омади келмаган, орзуларига эришиш учун вақт, иқтисод, тақдир... йўл бермаган, нисбатан камбағал турклар орасидаман. Худди китобда, киноларда яшаётгандекман. Яхшиси, ўзингиз ўқинг!
Иш тугагач, официант Диловер амаки машинасида метрогача олиб кетяпти. Аввал уловини чамаси 10 дақиқача итариб завод қилволамиз, яна бошқа касали чиқиб қолмаса яхши, йўқса ярим соатлаб йўлда қолиб кетган вақтларимиз бўлган.
Анча эски русумдаги автолиги учун ойнасига ёпиштирилган “Сотилади!” деган қоғоз анчадан бери туради. Биров қизиқмасаям керак, чунки эски, касали кўп машиналиги кўриниб турибди, ҳеч сота олмаяпти.
Амаки бўлса жуда позитив, умуман асаб бузмайди. Тақдирга кўниб, аллақачон ҳаммасини табиий қабул қилиб бўлганига тан берганман. Бу даражага етиш учун инсон бошидан нималар ўтиши, қандай қийинчиликларни кўриши керак, билмадим...
Мурад уста бор, бош ошпазнинг ўнг қўл ёрдамчиси. Яхшигина маош олади, лекин бешта фарзанди ва рўзғоридан орттириб, унча кўп нарсага эришолмаган. Ооооддий, ранги ўчиб, эскириб кетган кийимларда юради. Иш йўқ пайти кўп ҳолларда телефонда расм кўриб ўтиради. “Бобой қизларнинг суратларини, релсларини томоша қилаётган бўлса керак”, деб ўйларканман...
Билсам, мотоцикл, ҳар хил мотоцикллар расмини кўраркан доим! “Ёшлигимдан бери орзу қиламан шуни, 52 га кирдим. Аввал отамга олиб беринг дердим, имкони бўлмасдан ўтиб кетди оламдан, кейин ўзим оламан, деб қанча тиришдим. Қачон етишарканмана шу савилга, зўр-да бу, туришини қара, кардешим!”
Қария ошпазлардан яна бири бор, Маҳир уста. Ёши 60-70 орасида бўлса керак. Оиласи билан турмайдиёв, янаям билмадим. Кўкрак чўнтагида эски бир сурат солиб юрарди. Хаёл қурсин, ўлган кампирининг расми, дебман. Бугун кўриб қолдим, қандайдир эски шаҳар биноларининг расми. Қизиқиб сўрасам, жавоби ҳайрон қолдирди:
“Сендай пайтим эди тахминан. Ёқтирган қизим бор эди, исми Изель, оиласи билан Германияга кўчиб кетишди. Ортидан боролмадим. Бу расмни у жўнатган, Берлин, Изель шу ерга кетганди. Ана-мана деб умр ҳам ўтиб кетди, бирор марта чет элга чиқ(ол)мадим, бирор марта! Германия орзуси ҳам, Изель ҳам ўтмишда қолиб кетди. Ундан ягона ёдгор шу, Германияни доим юрагимга яқин ерда сақлаб юраман шунинг-чун...”
Туркманистонлик амаки бор, Туркия ватандошлигини олган, 3 йилдан бери шу ресторанда идиш-товоқ ювади. Жудаям оқкўнгил, бировга зарари тегмайдиган киши. Кулиб тураверади. Афсуски, хотини ташлаб кетган. Ҳалигача кутади, яхши кўришини гапириб бераётганда овози титраганидан сездим. Болаларини ҳам олиб кетганмиш, ўзи ёлғиз яшайди. Ўзбекларни жуда яхши кўради, “армийский” ўзбек жўраларим бор эди, дея кўп эслайди, бечора...
P.s. Аввал ишлаган жойим аристократлар макони эди, фақат оқсуяклар овқатланарди, ишчилар ҳам анча ўзини тиклаб олган ўрта қатлам вакиллари бўлган экан. Қолган ҳаммаси ўзимизнинг қоракўзлар, баъзилари қачон қарама бир-бирини кийдириб, ҳамқишлоқларини ғийбат қилиб ўтирарди. Уларнинг ҳикоялариям аҳамиятсиз эди, ҳам жуда зерикарли! Бу ердагилар ҳаёти эса тобора қизиқарлироқ туюляпти, буларнинг ўтмиши, бугуни, орзулари ва армонлари ҳам бошқача, ғайритабиий...
@Ijoddardi