OXIRZAMONA
Ko‘nglim aytar, do‘stlar, aylayin bayon,
Bilmadim, yaqinmi oxirzamona?
Dunyo uchun shariatni tashlabon,
Bilmadim, yaqinmi oxirzamona?
Mullalar ilmiga etmadi amal,
Shariat ishiga aylamay jadal,
Fe’limiz buzilib, ko‘paydi kasal,
Bilmadim, yaqinmi oxirzamona?
Muftilar mol olib, hukm-fatvo berar,
Nohaq pulni olar, xalqni kuydirar,
Fe’llari buzilib, fasod ko‘payar,
Bilmadim, yaqinmi oxirzamona?
Amaldorlar faqirlardan pul olar,
Bermasa bo‘yniga qil arqon solar,
Gunohlar ko‘payar, shariat qolar,
Bilmadim, yaqinmi oxirzamona?
Eshonlari riyo aylar namozin,
G‘aflatda o‘tkazar qish bilan yozin,
Yolg‘on so‘zlab, eldan olar niyozin,
Bilmadim, yaqinmi oxirzamona?
Sufilar nafs uchun malla to‘n kiyib,
Shubhali taomni halol deb eyib,
Shayton fe’li bilan karomat deyib,
Bilmadim, yaqinmi oxirzamona?
Shayx bo‘lganlar nazr ustida urishib,
Pul deb xotin, farzand bilan suqishib,
Avliyo uyida mundoq bo‘lishib,
Bilmadim, yaqinmi oxirzamona?
Ko‘nglim aytar, do‘stlar, aylayin bayon,
Bilmadim, yaqinmi oxirzamona?
Dunyo uchun shariatni tashlabon,
Bilmadim, yaqinmi oxirzamona?
Mullalar ilmiga etmadi amal,
Shariat ishiga aylamay jadal,
Fe’limiz buzilib, ko‘paydi kasal,
Bilmadim, yaqinmi oxirzamona?
Muftilar mol olib, hukm-fatvo berar,
Nohaq pulni olar, xalqni kuydirar,
Fe’llari buzilib, fasod ko‘payar,
Bilmadim, yaqinmi oxirzamona?
Amaldorlar faqirlardan pul olar,
Bermasa bo‘yniga qil arqon solar,
Gunohlar ko‘payar, shariat qolar,
Bilmadim, yaqinmi oxirzamona?
Eshonlari riyo aylar namozin,
G‘aflatda o‘tkazar qish bilan yozin,
Yolg‘on so‘zlab, eldan olar niyozin,
Bilmadim, yaqinmi oxirzamona?
Sufilar nafs uchun malla to‘n kiyib,
Shubhali taomni halol deb eyib,
Shayton fe’li bilan karomat deyib,
Bilmadim, yaqinmi oxirzamona?
Shayx bo‘lganlar nazr ustida urishib,
Pul deb xotin, farzand bilan suqishib,
Avliyo uyida mundoq bo‘lishib,
Bilmadim, yaqinmi oxirzamona?