⚡️ AQShdan deportatsiya qilingan o‘zbekistonliklarning birinchi guruhi vataniga qaytarildi

AQShdan chiqarib yuborilgan o‘zbekistonliklarning birinchi guruhi O‘zbekistonga yetib keldi. Bu haqda O‘zbekiston Tashqi ishlar vazirligi matbuot xizmati xabar berdi.

Dastlab, deportatsiya qilingan fuqarolar Kosta-Rikaga yuborilib, so‘ng u yerdan vatanlariga qaytarilishi rejalashtirilgan edi. Biroq O‘zbekiston diplomatlari AQSh tomon bilan muzokaralar o‘tkazib, fuqarolarni bevosita "Nyu-York — Toshkent" reysi orqali jo‘natishga erishdilar.

Natijada, 24-fevral kuni yetti nafar o‘zbekistonlik fuqaro Toshkentga qaytdi.

Bunga qadar Kosta-Rika AQShdan deportatsiya qilingan 200 nafar muhojirni, jumladan, O‘zbekiston, Qozog‘iston va Hindiston fuqarolarini vaqtinchalik qabul qilishi rejalashtirilgan edi.

O‘zbekiston TIVning so‘nggi bayonotiga ko‘ra, AQShdan deportatsiya qilingan o‘zbekistonlik fuqarolar endilikda to‘g‘ridan-to‘g‘ri "Nyu-York — Toshkent" reysi orqali vatanlariga qaytariladi.

👉 На русском языке

Rasmiy sahifalarimizga obuna bo'ling:
Telegram | Instagram | YouTube