🇺🇸🇸🇻AQSH deportatsiya qilingan migrantlarni Salvadorga yuboradi
Salvador hukumati AQSHdan deportatsiya qilingan migrantlar va jinoyatchilarni qabul qilishga hamda ularni mahalliy qamoqxonaga joylashtirishga rozi bo‘ldi. Bu haqda Deutsche Welle xabar berdi.
3-fevral kuni AQSH davlat kotibi Marko Rubio va Salvador prezidenti Nayib Bukele ushbu kelishuv bo‘yicha muzokara o‘tkazdi.
Xabarlarga ko‘ra, Bukele Salvadorning MS-13 va Venesuelaning Tren de Aragua jinoiy guruhlari a’zolarini qabul qilishga tayyorligini bildirgan.
Salvador AQSHdan deportatsiya qilingan jinoyatchilarni qabul qiladi
Bukelening so‘zlariga ko‘ra, AQSH jinoyatchilarini "Cecot" qamoqxonasiga joylashtirish ma’lum to‘lov evaziga amalga oshiriladi.
40 ming mahbusni sig‘dira oladigan "Cecot" qamoqxonasi ikki yil oldin Salvador hukumati tomonidan jinoyatchilikka qarshi kurashish maqsadida ochilgan. Shundan so‘ng mamlakatda qotilliklar soni keskin kamaygan.
Marko Rubio davlat kotibi lavozimiga kelganidan keyin ilk xorijiy safarini Panama va Salvadordan boshladi. U keyinchalik Gvatemala, Kosta-Rika va Dominikan Respublikasiga borishi rejalashtirilgan. Muzokaralarda AQSH prezidenti Donald Tramp tomonidan ilgari surilgan noqonuniy migrantlarni deportatsiya qilish rejalari muhokama qilinadi.
👉 На русском языке
Rasmiy sahifalarimizga obuna bo'ling:
Telegram | Instagram | YouTube
Salvador hukumati AQSHdan deportatsiya qilingan migrantlar va jinoyatchilarni qabul qilishga hamda ularni mahalliy qamoqxonaga joylashtirishga rozi bo‘ldi. Bu haqda Deutsche Welle xabar berdi.
3-fevral kuni AQSH davlat kotibi Marko Rubio va Salvador prezidenti Nayib Bukele ushbu kelishuv bo‘yicha muzokara o‘tkazdi.
"Qonunga zid ravishda amalga oshirilayotgan migratsiya oqimini to‘xtatish uchun bir nechta kelishuvlar imzolandi", deyiladi Vashington rasmiy bayonotida.
Xabarlarga ko‘ra, Bukele Salvadorning MS-13 va Venesuelaning Tren de Aragua jinoiy guruhlari a’zolarini qabul qilishga tayyorligini bildirgan.
"Prezident Bukele o‘z qamoqxonalariga xavfli jinoyatchilarni, jumladan AQSH fuqarolari va doimiy yashovchilarini joylashtirishga tayyorligini bildirdi. Bu ilgari hech bir davlat tomonidan amalga oshirilmagan", — deyiladi Davlat departamenti xabarida.
Salvador AQSHdan deportatsiya qilingan jinoyatchilarni qabul qiladi
Bukelening so‘zlariga ko‘ra, AQSH jinoyatchilarini "Cecot" qamoqxonasiga joylashtirish ma’lum to‘lov evaziga amalga oshiriladi.
"Narxlar AQSH uchun katta bo‘lmasligi mumkin, lekin bu biz uchun ahamiyatli bo‘ladi", dedi u.
40 ming mahbusni sig‘dira oladigan "Cecot" qamoqxonasi ikki yil oldin Salvador hukumati tomonidan jinoyatchilikka qarshi kurashish maqsadida ochilgan. Shundan so‘ng mamlakatda qotilliklar soni keskin kamaygan.
Marko Rubio davlat kotibi lavozimiga kelganidan keyin ilk xorijiy safarini Panama va Salvadordan boshladi. U keyinchalik Gvatemala, Kosta-Rika va Dominikan Respublikasiga borishi rejalashtirilgan. Muzokaralarda AQSH prezidenti Donald Tramp tomonidan ilgari surilgan noqonuniy migrantlarni deportatsiya qilish rejalari muhokama qilinadi.
👉 На русском языке
Rasmiy sahifalarimizga obuna bo'ling:
Telegram | Instagram | YouTube