Bismillah. Bu kanaldagi to’rtinchi kitob tanlovini boshlayapman. Alloh bu tanlovni xayrli va manfaatli qilsin.

O’tkan safargi tanlov bilan shartlari bir xil. Faqat tanlash mezonlari o’zgardi xolos. O’zingiz o’qimoqchi bo’lgan kitoblaringizni bu tanlovda olishingiz mumin.

❕ Shartlar:
Qisqa qilib aytganda qaysi kitob(lar)ni va nega o’qimoqchi ekanligingizni tushuntirib 3 ta savolga javob berish kifoya. Qaysi kitoblar ekanligini o’zingiz tanlaysiz va quyidagi savollarga javob berishingiz talab qilinadi:

1. Qaysi kitobni o’qimoqchisiz? Nega bu kitobni o’qimoqchisiz? Nega bu kitob siz uchun qiziqarli?

2. Tanlagan kitobingiz sizga qanday foyda olib keladi deb o’ylaysiz?

3. Oxirgi siz o’qigan va sizga yoqqan kitob qaysi? Nega bu kitob sizga yoqqan?

Umumiy 4 ta ishtirokchi bu tanlovda g’olib bo’ladi (3 ta ishtirokchi o’zbek tilidagi kitoblarni va 1 ta ishtirokchi ingliz tilidagi kitob(lar)ni). Ishtirokchilar soni va javoblar sifatiga qarab bu raqam oshishi mumkin. Va javobi o’zimga yoqqan yana bitta ishtirokchi ham g’olib bo’ladi.

Bitta kitob ingliz tilidagi kitob. Qaysi kitobni o’qimoqchiligingizni o’zingiz tanlaysiz. Ya’ni ishtirokchi izlanib ingliz tilidagi shu kitobni o’qimoqchiman deb savollarga javob berishi kerak. Buning uchun ingliz tilini bu tildagi kitoblarni yaxshi o’qiy oladigan darajada bilishingiz kerak. Shu sabab iltimos, agar ingliz tilidagi kitob uchun qatnashmoqchi bo’lsangiz, ingliz tilidagi darajangizni ham yozib keting. Ogohlantirib o’tay, ingliz tilidagi kitobni Amazondan buyurtma qilaman va bunga kamida 2-3 hafta ketadi. Shunga tayyor bo’lsangiz qatnashing.

Kitoblarni o’zingiz tanlaysiz. Asosiy shartlar:
- Ingliz tilidagi tanlangan kitobni qiymati $18 dan oshmasligi kerak (+-$2).
- O’zbek tilidagi kitoblarni qiymati 150 ming so’mdan oshmasligi kerak (+- 50 ming so’m). Bitta kitob tanlamoqchimisiz yoki ikkita, umumiy qiymati shunchadan oshmasa bo’ldi.

Tanlov haqida qolgan xabarlar pastdagi postda.