Kun foydasi

278-Foyda :

"Ilmni berkitish da'vosi"

Ba'zilar o‘zlarining savollariga biror olim yoki tolibi ilmdan javob olishmasalar, shu zahoti ilmni berkitish jazosi haqidagi oyat-hadislarni keltirib so'raluvchiga ta'na qilishga tushadilar .
Aslida esa barcha so'rovchiga ham javob beraverish kerak emasligini bilmaydilar .
Shayx Abu Qotada Umar Mahmud aytadilar :
"Ba'zi hollarda so'rovchiga javob bermaslik joiz .
Masalan, Alloh taolo aytadi:
"Agar ular sizning oldingizga (hukm so'rab) kelsalar, bas, (istasangiz) ularning o‘rtalarida hukm qiling yoki (istasangiz) ulardan yuz o'giring"
(Moida :42)

Agar so'rovchi sizning xatoingizni topish uchun yoki buzuq maqsadlarda so'rayotgani gumoni bo'lsa va javob olganda ham amal qilmasdan qaysarlik qilishi ma'lum bo'lsa, yuqoridagi oyat hukmi shular haqida bo'ladi.
Shuningdek, dindan biror narsani bilib olib so‘ngra dinni masxara qilish niyatida bo'lgan kishilarga ham javob berilmaydi !
Alloh taolo aytadi:
"U bizning oyatlarimizdan ba'zilarini bilib olsa, uni masxara uchun ushlab oladi "
(Josiya:9)

Shuningdek, Alloh taolo farosatsiz a'robiylar haqida aytadi :
"Ular Alloh Rasuliga nozil qilgan narsalar hududlarini bilmaslikka eng munosibdirlar "
(Tavba :97)
Demak , a'robiylar singari qalbi qotgan tushunmaydigan kishilar bilan ahli ilmlar muomalasi shunday bo'ladi .

Shuning uchun sen (so'rovchi) Rasululloh sallolohu alayhi vasallamning "Kim bir ilmdan so‘ralganda uni berkitsa , Alloh uni jahannam olovidan bo'lgan yugan bilan yuganlaydi " degan so'zlarini yodlab olib biror tolibi ilm savolinvga javob bermasa , unga dag‘dag‘a qilma !
Chunki u ehtimol, so'rovchining yuqoridagi sinflardan ekanini sezib javob bermayotgan bo'lishi ham mumkin ...! "

(Al-Faroid :32)

Demak, tuhmat ishorasini so'rovchi avvalo o‘ziga qaratib o‘zini tahlil qilib ko'rmog'i lozim .
Chunki biror ma'siyatga hujjat chiqarish, nohaqlik o‘rnida o‘zini oppoq ko'rsatish , yoki o'zini ko'z-ko'z qilish maqsadida berilayotgan savollar ham ziyrak tolibi ilmga sira maxfiy qolmaydi . Va o'z navbatida bu turkum shaxslarga ham javob berilmaydi .

Ibn Hajar rahimahulloh aytadilar:
"Agar biror oyat yoki hadis zohiridan ba'zi bid'at ahli yoki ma'siyatga hujjat bo‘lib ko‘rinsa ham, u oyat -hadislarni ularga aytilmaydi . Chunki ular uning haqiqatini tushunmasdan bid'atlariga hujjat qiladilar "
(Fathul-Boriy)
⬇️⬇️⬇️

@foida

277-Foyda :

"Mo'mim kishi dilozor bo'lmaydi"

Ibn Hazm rahimahulloh aytadilar:

"Birodaringga unung bilishi foydasi yo'q bo'lgan , bilsa quruqqa qalbi og'riydigan so'zlarni tashib borma ! Bu razil kishilar odatidir . Va bilmay qolsa, zararlanadigan gaplarni ham undan berkitma . Zero, bu yovuzlar fe'lidir"
(Axloq va siyar kitobidan)

Oisha onamizga tuhmat qilingan ifk hodisasida onamiz o‘zlari haqida yurgan gap so'zlardan bir oy bexabar bo‘lib yurdilar !
Oxir-oqibat Ummu Mistoh bilan yurganlarida u ayol onamizni bu gaplardan xabardor deb o'ylab tasoddifan aytib qo'ygandagina bildilar !
(Imom Buxoriyda kelgan qissa)
Chunki onamiz bu gaplarni bilishlaridan zarracha foyda yo'q edi .
Aksincha o‘zlari aytganlaridek bu xabarni eshitib endi tuzalib turgan dardlariga yana dard qo‘shilib yotib qolgan edilar.

Tasavvur qiling a, agar bugun biror kishi haqida bunga o'xshash gap tarqalsa, ba'zilarning razilligi qanday tez fosh bo'ladi !

Ular go'yo sizning qalbingizni og'ritishga musobaqalashib , yana sizdan "suyunchi" olgilari keladi !

Shuning uchun tuhmatga qolgan kishi uning oldiga gap tashib kelayotgan kishilarning bu uslubidan ogoh bo'lishi , ular ichlaridagi bu zaharni uning jasadiga to'kib xumorlaridan chiqishlariga yo'l qo‘ymasligi kerak .
Bu turdagi kishilar, ichida zahri to'lib ketgan ilon yoki chayonga o‘xshaydilar.
Agar zaharni chiqarishga biror o'rin topmasalar, oxiri o'z nafslari yoki oshnalariga nish sanchib bo'lsa ham, bu zaharni bo'shatish payida bo‘ladilar.

Albatta , birodarini ogohlantirish yoki u haqidagi gumonni aritish uchun unga xabar qilish bundan mustasno . Shuning uchun ham yuqorida Ibn Hazm rahimahulloh "Foydasi bo‘lmagan gaplar..." deb qaydladilar .

To'g'ri, bu ishlarni qiluvchilarning barchasini razilga chiqara olmaymiz .
Gohida haqiqiy do‘stlardan ham bu ish sodir bo‘lib turadi .
Bu ularning nafs tarbiyasidagi bilimsizligidan xolos .

Alloh taolo bandasiga g'aybni sir qilib qo‘ygani ham katta bir ne'mat, ham mo‘minlarga ibratdir .
Agar atrofimizda nimalar bo‘layotganini bilib yashasak , bir lahza ham bu hayotda rohat topmagan bo'lar edik !
Shuning uchun g‘aybni g'aybligicha qoldiring !
Manfaatsiz o‘rinda uni kovlamang ...

⬇️⬇️⬇️

@foida

276-Foida :

"Kelajakka ochilgan tuynuklar yoki tushda berilgan bashoratlar"

Gohida kishi yoshligida bir tush ko‘radi. Lekin uning ta'biri zamonlar o'tib ro‘yobga chiqadi.

Yoshligida ko‘rsatilgan tushdan hikmat esa , unga hayotidagi g'oyani ko'rsatib bu yo‘lda uni sobit qilish, qiyinchilik vaqtlarida esa unga tasalli bo‘lishi va hayotdan umidini uzmasligiga yordam bo'ladi..

Bunga Qur'ondan bir dalil , Alloh ta'olo Yusuf alayhissalam qissalarini u kishi yoshligida ko'rgan tushlaridan boshladi :
"Eslang Yusuf otasiga aytdi : Ey otam ! Men o'n-bitta yulduz, quyosh va oyni menga sajda qilayotganlarini (tushimda) ko'rdim "
(Yusuf :4)

Yusuf alayhissalam yoshligida ko'rgan bu tushlari u kishiga hayotlarida g'oya hamda ushbu yo‘lda dalda bo'ldi.
Hatto otalari ham bu tushning ro‘yobga chiqishiga ishonib Yusufni tirik ekanini bilar , oxirgi lahzalarda ham umidni uzmaslikka chaqirib Yusuf alayhissalamni izlashni buyurar edilar . Chunki tush hali ro‘yobga chiqmagan , u kishi shunchaki yo'qolib ketgan bo‘lishlari mumkin emas edi ...
Oradan tahminan yarim asr yoki undanda ko‘p vaqt o'tib bu tush ro‘yobga chiqdi !
Alloh taolo aytadi:
"Va (Yusuf) ota-onasini taxtga ko‘tardi. Ular unga sajda qilib yiqildilar. Shunda (Yusuf) aytdi : 《Ey otam , bu AVVAL KO'RGAN TUSHIMNING TA'BIRIDIR , Robbim uni haq qildi 》..."
(Yusuf :100)
Yusuf alayhissalam ushbu o‘rinda tushlarini zikr qilganliklari bu tush u kishining doim xotirasida yurganligi va ro‘yobga chiqishini umid qilib yashaganliklariga dalolat qiladi .

Imom Ahmad va Imom Buxoriy ustozlaridan hisoblangan muhaddis olim "Osim ibn Ali"rahimahulloh aytadilar:

"Yoshligimda tushimda Osim ibn Abu Najud (Qiro'at olimi)ni ko'rdim. Bir ayol kelib u kishidan bir mas'ala so‘radi.
Shunda u kishi ayolga qarab : Osim ibn Ali turganda kelib mendan so'raysanmi ?! Hali uni buyuk xabarlar kutmoqda " dedilar !
Osim ibn Ali aytdilar : "Men bu tushni ro‘yobga chiqishini 40 yildan beri kutar edim.."

Albatta Osim ibn Alining tushlari ro‘yobga chiqdi . U kishining ilm majlislarida yuz minglab talabalar o‘tirar edi. Va shogirdlaridan buyuk muhaddislar yetishib chiqdi .

Ojiz banda Abdulloh tahminan 15, 16 yil oldin ko'rgan , hali ham ro‘yobga chiqishini Allohdan so'rab kutayotgan bir tush bor ..
U tushni ro‘yobga chiqadigan kunigacha sir qilib , Allohdan sobitlik va ixlos so'rab davom etamiz ...
Allohim bu kunni haq qilgin, so‘ngra bizni musulmon holda vafot ettirib solihlarga qo'shgin !
(2019.02.07)
⬇️⬇️⬇️

@foida

275-Foida :

"Agar mua'llimingni xatosini bilishni istasang undan boshqa oldida o‘tirib ko'rgin "
(Tobein Ayyub as-sixtiyoniy , Al-Muxollisiyyat kitobidan)

Ushbu foydali hikmatdan g‘ofil kishilar (ustozlar bo'lsin shogirdlar bo'lsin) ko‘p yaxshiliklardan mahrumdirlar.
Chunki tunning kamchiliklari aniqlanishi uchun Alloh kunni yaratgan . Issiq qadriga yetish uchun esa sovuqni .. va hokazo ..
Haqni izlovchi kishi o'z ustozidan boshqadan ham ilm eshitishi lozim.
Chunki kishining yo'lini yoritadigan chaqmoq hech qachon faqat musbat yoki manfiy quvvatdangina hosil bo'lmaydi .
Huddi shuningdek (o'zicha) botil deb o‘ylagan (-) bilan , haq (+) ni to'qnashtirgan kishigagina yo'l yorishadi !
O'z navbatida bu ishi bilan ustozining ixlos va ilmda yuksakligi yoki manmanlik va pastkashligi shogirdga ayon bo'ladi .

Ilmni tarqatishda ixlosiga putur yetgan yoki xatolari fosh bo‘lishidan qo‘rqqan kishigina o'zidan boshqadan eshitishni qaytaradi .
O‘zlari qoniqtira olmagan shogirdlarini boshqani eshitishdan (turli bahonalar bilan) qaytarish naqadar ojizlik !
Holbuki Rasululloh sallolohu alayhi vasallam ummatlarini hatto yahud va nasroniylarning ham (dinimizga zid bo'lmagan) rivoyatlarini o‘qish va aytishdan qaytarmaganlar !
Rasululloh sallolohu alayhi vasallam aytdilar:
"Mendan bir oyat bo‘lsada yetkazinglar ! Va BANU ISROILDAN HAM HADIS AYTAVERINGLAR HECHQISI YO'Q .."
(Sahihul -Buxoriy)

O‘zlariga kelgan vahiyni yetkazishga buyruq qilganlaridan so'ng , o'tgan ummatlardagi ma'lumotlarni ham yetkazaverishga ijozat berdilar .
Bu naqadar insof va o'z yo‘llariga ishonch -hotirjamlik ? !
Chunki u zot Allohning dinini otalaridan qolgan meros qilib olmagan edilar.
Shuningdek boshqalarga ochilib qolishdan qo'rqadigan, ular singari dinni berkitgan joylari ham yo'q edi.
Aksincha , Alloh ta'olo u zotga amr qilib aytgan edi :
"Ayting ! Agar rostgo'y bo'lsanglar Tavrotni olib kelinglarda uni tilovat qilinglar !"
(Oli-Imron :93)
Nafaqat Qur'on , hatto ular o'zlarining kitoblari tavrotni tilovat qilib undan berkitgan narsalari fosh bo‘lishidan ham qo'rqar edilar !

Demak , muridlari va xalqiga "Eshitma adashib ketasan " deyish , ojiz va o‘ziga ishonmaydigan yoki berkitgani fosh bo'lib qolishidan qo‘rqadiganlar ishi !

Bizning shiorimiz esa :
"Agar muallimingizni xatosini bilishni istasangiz, boshqadan eshitib ko‘ring.."

⬇️⬇️⬇️

@foida

274-foida :

"Dengizdan chiqqan shaytonlar davri"

Abdulloh Ibn Amr Raziyallohu anhumo aytadilar :
"Dengizda Sulaymon alayhissalam bog‘lab ketgan shaytonlar bor ! Yaqinda ular chiqib odamlarga qur'on o'qib beradilar !"
(Imom Muslim rivoyati)
Boshqa rivoyatda : "U shaytonlar odamlarga dinda (botil) fiqhni ta'lim beradilar .." deyilgan !
(Dorimiy rivoyati)

Va Ibn Vazzoh keltirgan rivoyatda esa Ibn Munabbih aytadilar : "Odamlarga shunday zamonlar keladiki , masjidlarida shaytonlar o‘tirib ularga dinlarini ta'lim beradilar "
Bu hadis sharhida Sufyon rahimahulloh 1300 yil avval aytgan edilar :
"Hali juda og‘ir ishlar bor ! Bu shaytonlar chiqib odamlarga dinni buzub ta'lim beradilar. Ularga haromni halol qilib beradilar . Odamlarni dinning fazli , haq va sunnatda sabr qilish masalalarida shakka soladilar . Va dunyoda zohid bo‘lishlikni botil ishga chiqarib , odamlarni faqat dunyo topishga buyuradilar . Bu esa barcha baloning boshidir .!"

Sulaymon alayhissalam zanjirband qilgan shaytonlar ozod bo‘lib qanday minbarlarga chiqib olishganini bugun ko'rib turibmiz !
Albatta shayton o‘zining suratida minbarga chiqmaydi !
Alloh ta'olo oyatda aytganidek ular ham o‘zlariga insonlardan elchilar tanlab ularga vahiy jo‘natishadi!
Alloh taolo aytadi:
"Shunday qilib barcha payg‘ambarga INSON va JINLARdan iborat SHAYTONLARdan dushmanlar qilib qo'ydik . Ular (odamlarni aldash uchun) ba'zilari-bazilariga botilni VAHIY QILADILAR .."
(An'om : 112)

Demak , haq va botil o'rtasidagi kurash shu darajadaki , Alloh ta'olo insonlar ichidan Payg‘ambarlar tanlab ularga haqni vahiy qilganidek , shaytonlar ham bunga o'chakishib , insonlar orasidan o‘zlariga "SHAYTONIY PAYG‘AMBARLAR" tanlab ularga botilni vahiy qiladilar !
Shunda haq bilan botil o‘rtasidagi kurash boshlanadi !
Demak , Sulaymon alayhissalam dengizga bog'lagan shaytonlar ham hech qachon o‘z shaklida minbarga chiqib olishmas ekan albatta !

Shuningdek goho shaytonlar odam suratiga kirib minbarga chiqishligiga ham hech qanday monelik yo'q !
Agar "SHAYTON PAYG‘AMBARLAR" odamlarni haqdan burushni eplay olishmasa , haqiqiy shaytonlar inson suratiga kirib bu ishga bel bog'lashlari ham mumkin ! Shuning uchun gohida hech kim tanimagan bir besoqol ommaga chiqib dindan gapirib tursa hech ajablanmang !
Rasululloh sallolohu alayhi vasallam zamonlarida , Abu Hurayra Raziyallohu anhu shaytonni o‘g‘irlik qilib turganida inson suratida ushlab olgani , shunda u oyatul kursini fazlini Abu hurayraga ta'lim berib qochgani qissasi ko‘pchilikka ma'lum ! (Imom Buxoriy rivoyatida kelgan qissa)

Ibn Mas'ud Raziyallohu anhu aytadilar :
"Gohida shayton kishi suratida kelib yolg‘on hadislar aytib ketadi . Shunda odamlar : "Bir odamdan eshitdim , o‘zini tanimaymanku lekin hadis aytdi .." deb yurishadi ! " (Imom Muslim muqaddimasida rivoyat qilgan asar)

Salafi solihlar zamonida haq quvvati sabab , haqiqiy shaytonlar yerga o‘zlari tushib ishlar edilar . Ammo hozir odamlarda haq yuqolgach , bu ishlarni minbarlardagi shaytonvachchalar ham eplab turishibdi !
Lekin haq kundan kun yuksalar ekan , ko‘rib turganimizdek ular bu ishlarni eplay olishmasligi fosh bo'lib bormoqda .
Shuning uchun haq kuchaygan sari haqiqiy SHAYTONLARNI minbarlarda ko‘rishga tayyor bo'ling ey MUSULMON XALQ !
Oldimizda bu shaytonvachcha va shaytonlar bilan katta kurash kutmoqda ..
Payg'ambarimiz aytganlaridek
"..Ana endi kurash vaqti keldi .."
(Nasaiy rivoyati)

Alloh taolo aytadi:
" Muso (sehrgarlarga) aytdi :
"Tashlaydigan narsalaringni tashlanglar ..!"
(Shu'aro: 43)
Allohum sobit qil !
⬇️⬇️⬇️

@foida

273-Foida:

"Haq yo'lida ahli oila jabriga sabr"

Imom Abu Bakr Al-Ajuriy rahimahulloh (360-Hijriy yilda vafot etgan) aytadilar:

"Kim haq g‘ariblar martabasiga yetishni istasa ota-onasi , xotini , aka-uka va qarindoshlari jafosiga sabr qilsin !
Agar sen aytsangki : Nega ular mening yaqinlarim bo'la turib menga jabr qilishadi ? Men ularga suyukli bo'lsam, ularni yuqotishim ularga g'am va menga ham og'ir bo'lsa ?!

Chunki sen ulardagi dunyo matohlariga harislikka qarshi chiqding.
Ularning qalbiga dunyo havaslari o‘rnashib qolgan bo‘lib, ular seni ham o‘zlarini ham dinlari noqis bo‘lganligiga parvo qilmaydilar !
Hatto sening oxirating evaziga bo‘lsada ularga dunyolari salomat qolsa bas !

Agar sen ularga mana shu havoyi nafslarida ergashsang, shundagina ularga yaqin suyukli bo'lasan ..
Ammo qachon ularning xohishlariga qarshi bo‘lib oxirat yo'lida yursang , ularga bu ishing og'ir kelib (senga) jafo qilishga o‘tadilar !

Shunda bu fe'lingdan ota-onang bezovtalana boshlaydi !

Va hatto xotining seni jerkib taloq talab qiladi !

Aka-uka , do‘stlaring bo'lsa sen bilan uchrashkisi kelmay qoladi !

Shunda sen g'am qayg‘uga botib, o'z nafsinga g‘ariblik ko‘zi bilan qaraysanda, o'zing kabi g‘ariblar bilan ulfatlashib yaqinlaringdan ayriliqda qolasan !
Agar ushbu yo‘lning dag'alligiga, yaqinlaringdan keladigan jafoga sabr qilsang , va oxirat diyoriga rag'bat qilsang , bu sabr seni ofiyat diyoriga yetaklaydi ..
U yerda esa "nafslar ishtaha qiladigan ,ko‘zlar lazzatlanadigan barcha narsalar bordir.." (Zuxruf :71)
Va ular u joyda mangudirlar...

(G‘ariblar kitobi)

⬇️⬇️⬇️

@foida

272-Foida :

" Ilmda barakaga qanday erishiladi ?"

Payg'ambarlar vorisi sharafiga erishgan ulamolarning sifatlaridan biri , ularning qoldirgan ilmiy merosi umridan ko‘p bo‘lishligi !

Tojud-din As-Subukiy rahimahulloh aytadilar :
"Roviylar ittifoq qilishganki, Imom Shofeiyning umri , u kishi yozgan kitoblarning o‘ndan bir qismiga ham yetmaydi !
Shu bilan birga Shofe'iy har kuni qur'onni tadabbur bilan bir marta xatm qilar edilar ! Ramazonda esa har kuni ikki marta !
Undan tashqari dars berish , fatvo aytish , zikr va fikr bilan mashg'ul edilar !
Yana doimiy ravishda kamida 2 xil kasallik bilan , gohida esa 30 xil kasallik bilan og'rib yurar edilar !

Yoki Imom Juvayniy rahimahullohni ham yozganlarini umrlariga taqqoslaganda umrlari yetmas edi !

Ammo Imom Navaviy rahimahulloh esa , u kishi yozgan kitoblarini birovdan ko'chirgan bo‘lsalar ham umrlari yetmagan bo'lishi kerak edi ,endi ushbu kitoblarni o'z zehnlaridan qanday yozib ulgurganlar ? ! "
(Tobaqotush-Shafi'iyyah)

Masalaning siri shundaki , ilm dengizida suzish, bepoyon koinotda suzishga o'xshaydi !
Ma'lumki , koinotda suzganda fanda ma'lum bo'lgan eng yuqori tezlik "Yorug‘lik tezligi" ham milliardlab yillab suzishi kerak bo‘ladi.
Bu masofani qisqartirishning birdan bir nazariy yo‘li, QORA TUYNUKLAR orqali koinotning uzoq burchaklariga o'tib ketish .. Shunda millionlab yillik masofani qisqa vaqtda bosib o'tish nazariy imkoni bo'ladi ..
Ammo olimlarning hayotidagi QORA TUYNUKLAR , bu ularning Allohga bog‘lanish va ibodatlaridir !
Ular ilmga sho'ng'iganda , vaqtni yaratgan muborak zotning BARAKOT TUYNIGIGA sho'ng'iydilar .. bu tuynuklarga ularni eltadigan kuch esa ularning ibodatlari bo'ladi !
Shuning uchun , ilmda ko‘plarga maxfiy qirralarni ochib bergan har qanday olimni qarang , albatta unda boshqalarda bo‘lmagan ibodat qirralarini topasiz ...
Bu ma'nolarning dalili esa ushbu oyatning kalimalari ostida jamlangan :

"Alloh qanday ham pok zodki , u o‘z BANDASINI kechasi masjidul haromdan , biz atrofini BARAKALI qilgan masjidul aqsoga oyatlarimizni k'orsatish uchun sayr qildirdi ..'"
(Isro :1)

BANDALIK , ya'ni ibodat , MUBORAK TUYNUK (Baytul-maqdis)ga eltishga sabab bo'lgan kuch edi ..
Undan so‘ngi bosqich esa VAQT DEGAN MAXLUQ tizginadan ozod bo'lib, pok Allohning huzuriga ko‘tarilib mo‘'jizalar guvohi bo'lish edi ..
Rasululloh sallolohu alayhi vasallamda topilgan BANDALIK , ya'ni ibodatlar , u kishini vaqt olamidan BARAKOT TUYNIGIGA sayr qildirdi .
Olimlar esa , payg‘ambarlar merosxo‘rlari o‘laroq, o'zlaridagi ibodat miqdoricha vaqt olamidan barokat olamiga sho'ng'iydilar ..
⬇️⬇️⬇️

@foida

271-Foida :

"Ko'z yummaslik mahrumlikka sabab"

Bir miskin 3 dona olma sotib olibdi. Kechasi uyiga borib birini archsa qurtlab ketgan ekan tashlab yuboribdi . Keyingisini archsa yana qurtlagan..uni ham tashlab yuboribdi ..
Shunda oxirgi olmani ham tashlab yubormaslik uchun chiroqni o‘chirib archmasdan yeb yuborgan ekan ..!

Atrofdagilarni kamchiliklaridan ko'z yumushni o‘rganmasdan, o‘zining "LUPA" si bilan kir izlaydigan kishilar hayotlarida hammani tashlab yuborishlariga to'g'ri keladi .
Rasululloh sallolohu alayhi vasallam aytdilar :

"Agar sen odamlarning kamchiliklarini ketidan quvsang ularni buzasan "
(Abu Dovud)

Ya'ni, agar hammani aybini kavlayversang , seni nazdingda qoniqarli odam qolmaydi . Oxir oqibat atrofingdagilar sening bu sinchikovligingdan bezor bo'lib , senga haqiqiy aloqalari buzuladi.
Bugun hayotning barcha qirrasida buning tasdiqini ko'rishingiz mumkin .

Barcha da'vatchi va ahli ilmlardan kamchilik topib so‘ngra ulardagi ilmdan mahrum bo'lish ..

Barcha jamoatdan ayb topib, shariyatda qoralangan firqabozlikka sabab bo'lish ..

Barcha ayoldan ko‘ngli to'lmay , xotinsiz qolish..
Va hokazo misollar keltirishingiz mumkin !

Shuning uchun agar atrofingdagilardan foydalanib yashashni istasang :
"Chiroqni o‘chirginda olmani archmasdan yeb qo'ya qolgin !"
Aks holda barchadan mahrum bo'lib halok bo'lasan ..
Rasululloh sallolohu alayhi vasallam aytdilar:
"Sinchikovlar halok bo'lurlar"
(Imom Muslim)
⬇️⬇️⬇️

@foida

270-Foida :

"Alloh taolo meni yaxshi ko‘radimi?"

Alloh taolo qanday bandasini yaxshi ko'rishi haqidagi oyatlarni tadabbur qildim va uning muhabbati ma'lum sifatlar sohibiga qaratilganini topdim .

Qur'onda : "Alloh TAQVODORLARNI yaxshi ko‘radi " (Oli imron :76) deganini topdim . Va o‘zimni bu sifatga taqqoslab ,taqvodorlardanman deyishga jur'atim yetmadi ....!

So'ngra yana Qur'on oyatlarini bahs qilib "Alloh sabr qiluvchilarni yaxshi ko‘radi" (Oli imron: 146) degan oyatni topdim , va o‘zimni besabrligimni eslab bu sifat ham menda yo'q dedim ...!

Yana Qur'onni ochib izlanib : "Alloh o‘zining yo‘lida bir saf bo'lib mustahkam binodek urush qiladigan (Mujohidlarni) yaxshi ko‘radi.."
(Saf :4)degan so‘zini topib o‘zimning dangasa va chorasizligimni esladim. Va bu turdan ham emasligimni bildim ..!

Bahsda davom etdim .. va : "Alloh MUHSINLARNI yaxshi ko‘radi .." (Baqara :195) degan so‘zini topdim .. men esa bu sifatdan qanchalar uzoqman ..!
Shunda, Alloh yaxshi ko'rgan bandalaridagi biror sifat menda topilmasligidan qo'rqib bahsdan to'xtadim !
Amallarimni ko‘zdan kechirib aksar amalim dangasalik , gunohga aralashgan ekanini topdim . Shunda va nihoyat Allohni quyidagi so'zi yodimga keldi :
"Albatta Alloh TAVBA QILUVCHILARNI yaxshi ko‘radi .." (Baqara : 222)

Go‘yo bu sifat men va menga o‘xshaganlar uchun kelgandek !

Shunda bu safga qo‘shilish uchun istig‘for va tavbani boshladim :

Astag‘firulloha va atuvbu ilayh..

Astag‘firulloha va atuvbu ilayh..

Astag‘firulloha va atuvbu ilayh..

(Ali Tantoviy)

⬇️⬇️⬇️

@foida

269-Foida :

"Boriga qanoat qilmasdan o‘ziga balo tilash"

Ba'zan kishilarda uchraydigan bu hislatning xatarini Saba' qavmi misolida ko‘rishimiz mumkin :

Saba - hozirgi Yaman davlati hududlarida yashab o'tgan qavm bo'lib shom diyoriga serqatnov tijoratlari bor edi .
Yo'lda qaroqchi va o'g'rilardan omonda bo'lishsin deb Alloh ta'olo yamandan shomgacha yo‘lni har hil qishloq va shaharlar bilan obod qilib ularga tijorat qilish imkoniyatlarini bergan edi.
Bu qulaylikdan foydalanib Saba' qavmining aksari tijoratchiga aylanib bozorlarda raqobat kuchayib ketdi va o'z-o'zidan savdo sekinladi .
Shunda Saba' qavmi aytishdi :
"Ey Robbimiz ! Biz bilan safarlarimiz orasini uzoq-uzoq qilib qo‘ygin..!"
(Saba' :19)
Ya'ni , safarlarimiz uzoq-uzoqlarga va xatarlik yo'llar bilan bo'lsa, hamma ham tijoratga qodir bo'lmay bozorda faqat katta tijoratchilar qolib yaxshi daromad qilamiz deb o‘ylashdi.

"Bozorni faqat men egallasam.." yoki "Qiynalib mayda-chuyda topgandan ko‘ra xatarli bo‘lsada katta natijaga erishsam.." degan hirs, hamda ozgina bo‘lsada boriga qanoat qilmaslik ularga Allohning g‘azabi kelishiga sabab bo‘ldi.
Alloh taolo aytadi:
"Ular : "Ey Robbimiz bizning safarlarimizni uzoq-uzoqlarga qilib qo‘ygin" deb o‘zlariga zulm qildilar ! Natijada biz (ularning istaklarini ijobat qilib) ularni afsonaga aylantirib har tarafga parcha-parcha qilib (tarqatib) yubordik ! Albatta bunda barcha sabr va shukr qiluvchilarga ibratlar bordir !"
(Saba : 19)

Shunday qilib saba' qavmi istaganidek Alloh taolo ularni yerning turli mintaqalariga surgun qilib sarson qildi .
Oyatning yakunida : "Sabr va shukr qiluvchilarga ibratlar bor" deb yakunlanganligi ahamiyati shundaki , kishi hayotda qiynalsada ozroq ne'matni pisand qilmay, undan ko‘ra yo'q bo'lsin deb sabrsizlik qilishi , mavjud ne'matga shukr qilmasdan o‘ziga-o'zi baloni so'rashidan ogoh etilmoqda .
Allohning qonuni, kishini alam ustida yoki g'azab bilan gapirdi deb rahm-shafqat qilmaydi.
⬇️⬇️⬇️

@foida

268-Foida:

" Haqqa moyil bo'lib o'zgaruvchanlik va botilda sobitlik"

Junayd Rahimahulloh aytadilar : "Allohga sodiq kishi bir kunda 40 marta o'zgaradi, riyokor esa 40 yildan beri bir holatda sobitman deb o'ylaydi"

Bu hikmatning ma'nosi quyidagicha:
Banda Allohga qanchalik sodiq bo'lishga harakat qilmasin, baribir har doim uni ko'rib turgandek amalda doimiy bo'la olmaydi. Gohida iymoni shunday noqis bo'ladiki hatto Alloh uni ko'rib turganini unutib gunoh qilib qo'yadi.
Ammo riyokor esa doim unga qarab turgan odamlar ichida bo'lib amallari ham ular uchun bo'ladi .
Bu esa uni aksar holatida o'zgarmay turadigandek ko'rsatadi .

2-dan shaytonning sodiqlarga vasvasa qilishi riyokorlarga vasvasasidan qattiqroq bo'ladi. Chunki sodiqlar doimo naflslari bilan kurashib ruhlarini qiynaydilar. Shunda nafs shaytonning yordami ila bu "qamoqxona" (Iymonli jasad) dan qochish payida bo'ladi. Riyokor nafs esa jasad ichida ozod qushdek bo'lib, unga shayton hujumi ham behojat bo'ladi.
Yahudlar Ibnu Abbos Raziyallohu anhumoga : "Shayton bizni namozda vasvasa qilmaydi " deyishganda u kishi aytgan ekanlar : "Haroba uyda o'g'ri nima ham qilar edi .." !
Ya'ni , haroba qalbda shaytonga ish yo'q ..

3-dan har qanday qalb o'z nomi bilan "Qalb" ya'ni "o'zgaruvchi" deb nomlanadi. Shuning uchun Rasululloh alayhissalam aksar duolarida " Ey qalblarni o'zgartiruvchi zod ..." deb duo qilar edilar .
Qalb go'yoki olovda qaynab turgan qozonga o'xshaydi. Uni o'z holiga qo'ysangiz ham qaynab to'ntarilaman deb turadi . Sodiqlar qalbida esa shayton turtkilari sabab to'ntarilish xavfi yanada kattaroq bo'ladi.

Xulosa : Bir kunda 40 marta o'zgarsangiz ham noumid bo'lib men tuzalmas ekanman demang !
Balki qozoningiz to'ntarilganini sezmasdan "40 yildan beri sobitman" deb o'ylab qolishdan qo'rqing .
Allohning so'zini eslang:
"Shayton sizlarni faqrlikdan qo'rqitib fahshga buyuradi . Alloh esa sizlarga mag'firati va fazlini va'da qiladi "
(Baqara :268)

Har qachon qalbingiz haqdan to'ntarilsa Allohning fazli va mag'firatini eslang.. Va qozonni qayta tiklab shaytonning burnini yerga ishqang ..
⬇️⬇️⬇️

@foida

267-Foida:

"Asalari va pashsha"

Bu ikki mavjudot o'rtasidagi bog'liqlik barchamizga ma'lum .Ular shaklda deyarlik farq qilmaydi. Va ikkisi ham "Hasharotlar" turkumidam hisoblanadi.
Lekin ularni ajratib , asalarini obru-e'tiborlik ,pashshani esa quvg'indi qilgan narsa, asalari qabul qilgan Allohning "Vahiysi" (Nizomi) bo'ladi ..
Alloh ta'olo aytadi:

"Robbingiz asalariga vahiy qildi.."
(Nahl :68)
Ya'ni , Alloh unga pokiza narsalardan yeb asal terishni amr qildi.
Halol rizq, Allohning vahiysi (qonunlariga) amal qilish bilan asalari shunday sharafga ega bo'ldi. Hatto qur'on suralaridan bir sura uning nomi ila atalib "Nahl" (Asalari) surasi deyildi.
Va ularning hayot tarzi ham Allohning amriga binoan birlik, jamoat, boshliqqa bo'ysunish, ixlos bilan vazifani ado qilish , qonundan chiqganlarni jazolash kabi qonunlar bilan bir butun jamiyatga aylandi !
Hatto ularni oddiy uchush tarzini qarasangiz ham vazminlik ila dovdiramasdan ma'lum yo'nalishdagina uchayotganlarini ko'rasiz..
Va undan chiqgan asal esa , qur'on guvohligi bilan eng shifobahsh ozuqaga aylandi ..!
Bularning barchasi Allohning amru-nizomiga bo'ysunish natijasi edi.

Ammo "Pashsha" esa , unga Allohdan biror vahiy kelmagach, tabiyatdagi eng zararkunanda, isqirt, qayerga borsa quvib haydaladigan, kasallik tarqatadigan maxluqqa aylandi.
Uning hayot tarzida ham biror tartib nizom qolmadi. Na ota -bolasini taniydi, na ona tuxumini katta qiladi..
Hatto uning uchush tarzidagi tartibsizlik, boshi oqqan tomonga o'zini urushini ko'rib kulgingiz qistaydi..
Hatto odamlar ichida eng yoqimsiz kishilarga uni misol qilib "Xira pashsha" degan nom orttirdi !
Yegani ham tabiyatdagi eng iflos najosatlar..
Alloh asalarini qur'onda (Nahl 69) "Manfa'at Beruvchi" deb ijobiy sifatlagan bo'lsa, pashshani esa "Oluvchi " , ya'ni zararkunanda deb salbiy sifat bilan zikr qildi ! (Haj:73)

Alloh ta'olo bir turga mansub bo'lmish bu "IKKI HASHAROT" ni insoniyatga ibrat qildi .
Allohdan kelgan vahiy (Qur'on)ni qabul qilib, uning nizomini hayotiga tatbiq qilgan mo'minlar , asalari singari pokiza yeb-ichib, o'zlaridan foydali narsagina qoldiradilar.
Hayotlari ham adolat va tartib-nizom ustuda davom etib, Robbilari ularga tayyorlab qo'ygan "Uylari" jannatda izzat-ikromga erishadilar.
Ammo kimda-kim bu vahiyni qabul etmasa, "Pashsha" kabi xojatxonalardan chiqa olmay, chiqsada quvg'inga uchraydigan, ota bolasini tanimaydigan darajada tartibsiz hayot kechirishga mahkumdir..
Bu turdagi kishilarning pashsha singari bebosh har tarafga dovdirab uchushini ko'rib bu misolga yanada ta'ajjublanasan kishi..
Pashshalar uchragan urg'ochini ustuga minib, ishini bitirib ketishini ko'rib be-ixtiyor bu turdagi zinokorlar hayolinga keladi ..

Eng qizigi , pashshaning ko'pligiga, asalari esa kundan-kun kamayib , hatto yangi avlodlarimiz aksari uni hayotlarida hali ko'rmaganligini eslab, iymon ahlini noyob bo'lib borayotganini eslaysan kishi..
Eng kulgilisi esa , asalarilar kamayganidan foydalanib ba'zi "Pashshalar" asalga ega chiqib o'zlaridan "Asalari" yasab olishlari..
Tadabbur qiling , sizga boshqa qirralar ham ochiladi...
فَتَبَارَكَ اللَّهُ أَحْسَنُ الْخَالِقِينَ (14)

"Yaratguvchilarning eng yaxshisi Alloh naqadar barakotli .." ( Mo'minlar: 14)
⬇️⬇️⬇️

@foida

266-Foida:

"Oqil kishilar baxtiga eshak hangrashi to'xtamasin.."

Hikoya qilinishicha, kunlardan birida bir eshak yemish topish ilinjida bir bog'ni titkilab yurar edi.
Bir payt yalqirab turgan bir parcha tillaga duch keldi.
Shunda tillani hidlab, burni ila o'nga-chapga turtkilay boshladi..
U hayratda edi : "BU QORINGA YARAYDIMI YO'QMI? "

Bu tillani qoringa joylashdan eshakning umidi uzilgach, alamidan ovozining boricha hangrab haligi tillani tepkilay boshladi..
Shu payt atrofdagi kishilardan biri ajablanib eshakning oldiga borib tillani ko'rib qoldi !
Shunda bu kishi hursand bo'lib tillani olib aytgan ekan : "ESHAKLAR HANGRASHDAN TO'XTAMASIN !"

Qissadan hissa shuki , hayotda ba'zi odamlar aqli bilan emas, eshakka o'xshab qorni bilan fikrlaydilar..
Va qorinni to'ydirmaydigan narsalarga esa alamlari kelib qichqirishadi.
Shunda bu turdagi odamlar, aqli bilan yashaydigan kishilarga TILLANI qayerdaligini ko'rsatib qo'yuvchi ESHAK vazifasini bajarishadi !

Bunga Qur'ondagi Muso alayhissalam va fir'avn qissasini ham misol qilish mumkin .
Fir'avn, Muso (alayhissalam) keltirgan shariyatga ergashib QORIN TO'YARMIDI deb fikrlagach, sehrgarlarni chaqirib Muso alayhissalamni sharmanda qilib xalqni oldida obrusizlantirmoqchi bo'ldi .
Lekin bu hangrashi bilan oqil sehrgarlarga TILLANI ko'rsatib qoyganini sezmas edi.
Alloh ta'olo aytadi:
"Shu zahoti sehrgarlar sajdaga yiqilib "Biz Horun va Muso Robbisiga iymon keltirdik" dedilar "
(Toha:70)

Fir'avn esa alamidan yer tepib hangragancha qolaverdi..

Shuningdek Uhdud qissasidagi g'ulomni o'ldirgan podshox ham,o'zi sezmagan xolda xalqqa TILLANI ko'rsatib eshaklik vazifasini bajargan edi .
(Imom Muslim rivoyatida kelgan qissa)

Shuning uchun oqil kishilar bahtiga TILLANI ko'rsatib ESHAKLAR hangrayversin ....
⬇️⬇️⬇️

@foida

265-Foida:

"Ahmad ibnu Hanbal bo'la olmasang hech bo'lmasa Abul-Haysam bo'lgin"

Imom Ahmadning o'g'li Abdulloh aytadi :
"Ko'pincha otamning "Allohim Abul-Haysamni mag'firat qilgin,Allohim Abul-Haysamni rahm qilgin.." degan so'zlarini eshitar edim.
Bir kun aytdim:
"U kim o'zi ey ota ?"
Otam aytdilar:
"A'robiylardan bir kishi , uning yuzuni ham ko'rmaganman!
Meni jaldalashga olib chiqishlaridan avval tunda qorong'u zindonga tashladilar. Shunda bir kishi meni turtib "Sen Ahmad ibnu Hanbalmisan?" dedi .
Ha dedim .
Meni taniysanmi? dedi , yo'q desam , "Men o'g'ri, aroqxo'r,qaroqchi Abul-Haysamman!
Amirul mo'minin diyvonida meni xilma-xil jinoyatlar sabab 18000 darra urilganim yozilgan !
Men shayton yo'lida bularning barchasiga chidadim , sen esa Alloh yo'lida sabr qil ey Ahmad ! "
Imom Ahmad aytadilar :
"Meni bog'lab darralash boshlanganda har darra tushganda Abul-Haysam so'zlarini eslab o'zimga o'zim Alloh yo'lida sabr qil ey Ahmad der edim ! "
(Imom Ahmad manoqiblari kitobidan)

Agar haqda Ahmad ibnu Hanbal bo'la olmasang hech bo'lmasa haqni yaxshi ko'radigan Abul-Haysam bo'lgin!
Garchi gunohga botib ketsangda botil ahli tarafdori bo'lmasdan haq tarafda bo'l !

Sahobalardan Moiz va G'omidiyyalar singari zino qilganlar bo'ldi,
(Buxoriy va Muslim rovoyatida kelgan)

Sahobalardan aroqxo'rlar bo'ldi (Buxoriy rivoyatida kelgan Eshshak deb laqablangan, lekin Rasululloh u Allohni yaxshi ko'radi deb guvohlik bergan kishi )

Sahobalardan tuhmatga aralashib qolganlar bo'ldi, (Mistoh va boshqalar kabi, Buxoriy rivoyati)

Sahobalardan oralaridagi fitna sabab urushib qatl qilinganlari bo'ldi !
(Ammor va Abul-G'odiya kabi)

Sahobalardan o'g'irlik qilib qo'li kesilganlar bo'ldi , (Maxzumiyyalik ayol singari, Buxoriy rivoyati)...

Lekin sahobalardan botil safida turib saroyga xizmat qiladiganlar bo'lmadi !
Shu sabab Alloh ulardan rozi bo'ldi !

Qancha gunohga botsang ham botil safida bo'lma !
Va o'zini bu gunohlardan salomat ekani bilan kerilib ,botil safida turib odamlarga ma'siyatlarini malomat qilayotgan saroy hizmatkorlariga aldanma !
Undan ko'ra aroqxo'r bo'lsangda haq tarafdori bo'lib Abul-Haysam bo'lgin!
Nuh alayhissalamning o'g'liga aytgan so'zini esla :
"Ey bolam biz bilan kemaga chiqgin, kofirlar bilan birga bo'lma !"
(Hud:42)
Ey Abul-Haysam! Alloh sizni mag'firat qilsin, biz bilan najot kemasiga chiqing ! Kofirlar bilan bo'lib zalolat dengiziga g'arq bo'lmang ..!
(Tanbeh :
Sahobalar xatoliklarini ularni yomon ko'rsatish uchun yoki bu gunohlarni yengillatish uchun foydalanilmaydi !)
⬇️⬇️⬇️

@foida

264-Foida :

"Botilga rad qila olmagan unga shovqin ko'tarsin"

Bugun dunyoning qaysi mintaqasida bo'lmang , imomlar xutbalarda tog'ut-zolimlarga maqtov aytish holatlariga duch kelasiz.
Shunda mo'minning vazifasi asli botilga sukut qilmaslik. Biroq hamma vaqt ham buning imkoni bo'lmaydi.
Shunda bu laganbardorlarni eshitmaslik uchun eng yaxshi uslub yoningizdagi birodaringiz bilan hangoma qilish ...!
Chunki kufrga quloq solgandan ko'ra hangoma zarari kamroq bo'lib , o'zingizni ham yoningizdagi birodaringizni ham qalbini bu maraz "XUTBA" dan salomat qilgan bo'lasiz ..
Mujolid aytadi :
"Men , Sha'biy va Abu Muso al-ash'ariyning o'g'li Abu burda jumada gaplashib o'tirishganini ko'rdim !
Hajjoj xutba qilib turgan edi ...
Men ularga : "Xutbada gaplashib o'tiribsizlarmi ?!" desam , ular aytishdiki : "Biz bunaqa xutbaga quloq solishga buyurilmaganmiz ..!"
(Holbuki hajjoj tog'utlarni maqtamas edi..!)

Yana salaflardan bunga misol :
Ismoil ibnu Abu xolid aytadi :
"Hajjoj zamonida bir Imom xutba qilib turganda , mashhur Imom Ibrohim An-Naxoiyni gaplashib o'tirganlarini ko'rdim"
(Ibnu Hazm Muhalla kitobidan)
Bu voqeaga izoh berib Ibnu Hazm aytadilar :
"Agar imom xutbada keraksiz odamlarni maqtashga o'tsa , yoki birovga haddan oshib duo qilsa , yoki NOHAQDAN BIROVNI YOMONLASA , bu xutba emas ! Bunga quloq solish ham joiz emas , balki imkon bo'lsa inkor qilish lozim bo'ladi !"
HANAFIY MAZHABI IMOMLARIDAN , IBNU NUJAYM AL-HANAFIY rahimahulloh aytadilar:
Ba'zi ulamolar aytdilarki , xutba qiluvchi Imom, modomiki ALLOHNI MADH QILIB, mav'iza qilar ekan, unga quloq solinadi. Agar zolimlarni maqtab ularga tasannolar ayta boshlasa , bu holatda gaplashib o'tirishning zarari yo'q .."
(Al-Bahrur-roiq kitobidan)

Botil ahlini xutbalari vaqtida gaplashib o'tirishda yana bir FOYDA bo'lib, bu ularning xutba vaqtida hafsalasini so'ndirib, ularni mag'lub qiladi !
Bu uslubni mutakallimga salbiy ta'siri borligi uchun, makka mushriklari bundan Rasululloh alayhissalam ziddiga foydalanishar edi .
Alloh ta'olo bu haqida aytadi :
"Kofir bo'lgan kimsalar aytishdi : "Bu qur'onga quloq solmanglar va unga (qiroat vaqtida)lag'uv qilinglarki shoyad shunda sizlar (unga) g'olib kelsanglar "
(Fussilat :26)
Demak, mutakallimga parvo qilmasdan gaplashib o'tirish, unga eng zarar beruvchi ishlardan.Asli shuning uchun xutbada jim turushga buyruq qilingan edi.
Ammo xutba o'z mohiyatini yuqotar ekan, bu ma'nolardan aks suratda foydalanish lozim bo'ladi .
Bu esa go'yo ularga Allohning ushbu so'zini o'qib berilgandek inkor "Tarsaki" bo'ladi :
"Ayting alamlaringdan o'lib ketinglar ! Albatta Alloh qalblardagi narsalarni biluvchidir "
(Oli-Imron: 119)
⬇️⬇️⬇️

@foida

263-Foida :

"Muvaffaqiyat yolg'iz seniki emas"

Shayx Iyod qunaybiy aytadilar:
"Tasavvur qilgin odamlar bir uyda qamalib qoldi. Uyning kaliti esa devordagi 10 ta teshikning birida turar edi.
Ammo bu teshiklardan 9 tasida kalit emas chayon bo'lib, qaysidur nomalum 1 donasidagini kalit bor.
Shunda odamlardan biri qo'liga latta o'rab 1-teshikka qo'lini solib ko'rdi.
Latta uni himoya qila olmay chayon chaqib o'ldi..
So'ngra yana bir kishi tavakkal qilib qalinroq matolar bn qo'lini o'rab teshikka soldi.
Lekin uni ham chayon chaqib o'ldi..
Va hokazo , 9 teshikning hammasiga qo'lini solib ko'rganlar birma-bir halok bo'lishdi..
Bu orada esa atrofda tomoshabin bo'lib turganlar kimdir bu 9 kishini ahmoq -dovdirga chiqarib ustidan kular, kimdur esa "yaxshiyam men qo'limni solmapman" deb hursand edi..!
Shunda 9 ta chayon bor teshik 9 insonning halokati bilan aniq bo'lgach,10-kishi turub oxirgi teshikka qo'lini solib kalitni oldi-da barchaning gulduros qarsaklari ostida eshikni ochdi..!!
Endi sen aytchi, bu muvaffaqiyat kimning yutug'i?
Odamlar qarsaklariga erishgan 10-kishinikimi, yoki odamlarga kulgu bo'lgan avvalgi 9 kishining ham bu nusratda nasibasi bormi?
Balki 10 ta teshikdan birini ixtiyor qilib qo'lini solgan 1-kishining bu yutuqdagi hissasi, keyingilardan kattaroq!
Bugun ummat ham mana shunday katta bir qal'a ichida qamoqda.
Haqiqiy muvaffaqiyatsiz kishi esa "chayondan" qo'rqib, butun ummatni kufr qamog'ida qolishiga rozi bo'lib chetda qarab turgan kishilardir, xato qilsada ummatni qutqarishga harakat qilib qurbon bo'layotganlar emas..!
Buyuklikka harakat qilib turgan barcha guruhlar muvaffaqiyatda nasibasi bor , faqat 2 shart bilan :
1-SHARIYAT: "KALIT BU YERDA EMAS" DEB OGOHLANTIRGAN TESHIKKA QO'LINGNI SOLMA..!
2-AVVALGILAR TAJRIBALARINI KO'ZDAN KECHIRIB ULARDAN IBRAT OL, DANGASALIK QILIB O'ZINGDAGI SHIJOAT, YAXSHI NIYAT, TAVAKKULGA ISHONIB, AVVALGI BIRODARLARING CHAQILGAN TESHIKDAN YANA CHAQILMA..!
Zero , "Mo'min bir teshikdan 2 marta chaqilmaydi.."
(Buxoriy va muslim hadisi)

Izoh :
Albatta bu misolga qur'on va sunnatdan ko'plab dalillar keltirish mumkin.
CHAYONGA chaqilganlarni ko'rib,"Yaxshiyamki qo'limni men solmapman" deydiganlarni Alloh ta'olo munofiqlar safiga qo'shib aytadi:
Va albatta sizlardan "Sekinlatuvchilar" (Jangdan qaytaruvchilar) bordir .Agar sizlarga biror musibat yetsa ular :"Menga Alloh ne'mat berdi, chunki ular bilan shahid bo'lmadim " derlar !
(Niso:72)
Ammo agar "Kalit" bizning teshikdan chiqib, nusrat kelsa "Qani edi ular bilan bo'lib buyuk yutuqqa erishsam" deb qoladilar !
Xulosa, mo'min kishi nazari qosir, burnudan narini ko'rmaydigan,1-2 tajriba bilan hafsalasi so'nadigan g'ofil bo'lmaydi.
Va o'zi erishgan yutuqlarida avvalgilarning fazlini ham unutmasdan,ularning tajribalaridan ibrat oladi .
⬇️⬇️⬇️

@foida

262-Foida :

" Shaharga fil kelibdi.."
(Yoxud fikr tarqoqligidan saqlanish)

Imom Zahabiy "As-siyar" kitoblarida zikr qiladilar :

Yahyo ibnu Yahyo Al-laysiy , hamrohlari bilan birga ustozi Imom Molik huzurlarida o'tirganlarida , "madinaga fil kelibdi" degan ovoz kelib , hamma shogirtlar filni tomosha qilgani chiqib ketishdi!(Chunki madina ahli filni ko'rishmagan, uni tasavvur qila olishmas edi)
Imom Molik oldilarida faqat YAHYO IBNU YAHYO qoldi.
Aytishlaricha shunda Imom Molik unga aytgan ekanlar :
"Sen nega filni ko'rgani chiqmading? Yoki filni avval ko'rganmisan? "
Yahyo aytdi:
"Men madinaga MOLIKNI ko'rgani kelganman filni emas ..!"
Shundan so'ng Imom Molik bu shogirtiga qattiq qiziqib,hurmatini joyiga qo'yar ekanlar ..
Zamonlar o'tib Filni ko'rgan shogirtlardan asar ham qolmadi, ammo MOLIKNI ko'rgani kelgan shogirt zikri 1300 yildan beri kitoblarda zikr qilinmoqda.
Qizig'i shundaki , Imom Molikning "Muvatto" kitoblarini bir qancha shogirtlari rivoyat qilgan bo'lsalarda, ularning eng mashxo'ri Yahyo ibnu Yahyo Al-laysiy rivoyati hisoblanadi.
Hatto Imom Muslim ham o'zlarining sahihlarida u kishi orqali rivoyatlar keltirdilar.
Qissadan hissa shuki ,hayotda biror sohada cho'qqiga erishmoqchi bo'lsangiz, maqsadingiz nimaligini bir lahza ham yodingizdan chiqarmang!
Atrofdan o'tgan FILLARGA chalg'imang !
Zehin tarqoqligidan ogoh bo'ling!
Aslida filni tomosha qilish gunoh emas, lekin g'oyasini aniqlagan kishi bunday ishlarga chalg'imaydi.
"Formula-1" poygasini kuzatgan kishilar yaxshi bilganidek, musobaqada hatto soniyalar juda katta rol o'ynaydi ..
Dunyo ham oxirat uchun mana shunday musobaqadan boshqa narsa emas..
Alloh taolo aytadi:
"Yaxshiliklarga shoshilinglar! Barchalaringiz qaytishlaring (Musobaqa nihoyasi) Allohgadir.."
(Moida:48)

Bugun filni hamma ko'rdi. Biroq, ilm yoki iymon maqsadida internetga kirgan, ijtimoiy tarmoqlarga bosh suqqan kishi, qo'liga aloqa vositasini tutganda o'zining g'oyasidan chalg'ib qolmayaptimi?
Bu tarmoqlarda qancha FILLAR (Lag'ularga) yoki qancha bo'rilar (Harom-Harishga) ilakishib vaqt o'tkazmoqda?!
Sizning bu savollarga javobingiz,FILNI yoki MOLIKNI ko'rgani kelgan shogirtlar singari tarixingizni belgilaydi ..
⬇️⬇️⬇️

@foida

261-Foida :

"Salaflardagi hozirjavoblik "

Imom Abu Bakr Al-Boqiloniy bir nasroniy rohibga yo'liqib qoldilar .
Shunda rohib aytdi : "Sizlar musulmonlar , tarafkash muta'assibsizlar ! Chunki musulmonga ahli kitob ayollarga uylanishga ijozat berib, boshqalarga sizlarning ayollaringa (muslimalarga) uylanishiga ruxsat bermaysizlar ..! "
Shunda Abu Bakr Al-Boqiloniy aytgan ekanlar :
Haa , to'g'ri ! Chunki biz Musoga iymon keltirganimiz uchun yahudiyaga , Iysoga iymon keltirganimiz uchun Nasroniya ayolga uylanamiz ! Qani sizlar ham Muhammad alayhissalamga iymon keltiringlarchi qizlarimizni sizlarga nikohlaylik...!
Shunda kofirning ovozi o'chgan ekan !

Yana Al-Boqiloniy haqlarida aytiladi :

U kishini Iroqning voliysi , istambuldagi nasroniylar bilan munozaraga jo'natkanda , Rumliklar podshoxi o'zining oldiga kiriladigan eshikni pastlatib qo'yishga buyurgan ekan . Chunki o'zining oldiga kirishda go'yo unga egilib "Majbo'riy ta'zim"qilib kirsin..!
Imom Al-Boqiloniy kelgach, eshikni ko'rib bu nayrangni birdan tushunib , Rum podshoxiga orqasini qilib engashib kirgan ekanlar ...
Shunda Rum podshoxi bu kishini oddiy odam emasligini sezdi..
Al-Boqiloniy kirib , Rohiblarga salom bermasdan (chunki ularga boshlab salom berish qaytarilgan)
"Ahli oila , bola-chaqalar yaxshimi " dedilar ..
Shunda podshox g'azabi chiqib "Sen bilmaysanmi , bizda rohiblar uylanmaydi , farzand ko'rmaydi , bu bizga nisbatan haqorat " dedi !
Imom Al-Boqiloniy aytgan ekanlar :
"O'zlaringda ayol -farzand bo'lishini haqorat deb , (Maryam)Allohning jufti , (Iyso) uning o'g'li deysizlarmi ..! "
Kofir g'azabi qo'zib "Unda Oisha haqida nima deysan , Payg'ambarlaringni ayoli zinoda tuhmatga uchragan ekan ..! " dedi .
Imom aytdilar :
"Agar bizning Payg'ambarimiz ayoli nohaq tuhmatga qolgan bo'lsa , sizlar Oliha degan Maryam, otasiz Iysoni tuqqanda, yahudlarning tuhmatiga qolmadimi.. ! Holbuki Oisha , erlik bo'lib biror farzand tug'madilar , ammo Maryam ersiz bo'lib Iysoni tug'madimi ?!
Bu botil tuhmatlarga kim yaqinroq ekan ! "
Podshox jini qo'zib dedi :
"Payg'ambarlaring urush qiladimi ?"
Imom "Ha" dedi .
Podshox aytdi :" Hech yengilganmi ?"
Imom "Ha" dedilar .
Podshox masxara qilib "Payg'ambar ham yengiladimi?!" dedi !
Shunda Imom Al-Boqiloniy podshoxning belini sindiridagan javobni berdilar :
"Iloh ham o'ldirilib xochga osiladimi ..!"
(Tarixi bag'dod kitobidan)

Bunday hozirjavoblik , Alloh tomonidan o'zining avliyolariga beriladigan sovg'adir.
Musulmon kishi , kofir tashlagan shubhalarda og'zi ochilib qarab turadigan bo'lmaydi.
Ibrohim alayhissalam ham , o'zini ilohman degan podshox va qavmi bilan tortishib , ularning ovozini o'chirib qo'yganlarida Alloh ta'olo u kishi haqida aytadi :
"Ushbu hujjatlarimizni Ibrohim uchun qavmiga qarshi berdik ! Biz istagan kishimizni darajotlarga ko'tarurmiz . Albatta Robbingiz hikmatli va biluvchidir .."
(An'om: 83)
⬇️⬇️⬇️

@foida

260-Foida :

"Sendan oldinda edik, lekin bizdan o'zib ketding !"

Kunlarning birida Hasan basriy rahimahullohning shogirti Habib, ovqat hozirlashda kechga qoldi .
Shunda Hasan basriy : "Ovqat qani ey Habib ! Ochlik bizni halok qildiku " dedilar .
Habib aytdi : Ey Imom! Bir miskin sadaqa so'rab kelgan edi, o'zimizda bor narsani unga berib yubordim, chunki men sizdan eshitgan edim : "Allohning huzuridagi narsaga, qo'lingdagi narsadan ko'ra ishonishing haqiqiy iymondir" degan edingiz..!"

Shunda Hasan basriy aytdilar:
"Ey Habib! Sening ishonching juda ko'p , ammo ilming oz kishi ekansan! Miskinga yarmini berib, o'zimizga yarmini qoldirmaysanmi, ibodatimizga quvvat bo'lar edi !
Shunda pir payt eshik taqirlab qoldi..
Habib eshikni ochsa, bir yigit turli-tuman ta'omlar bilan to'la idishlarni berib, bu hojamdan sizlarga hadiya..dedi !
Habib , ustozi Hasan basriga qarab tabassum bilan : "Ey imom ! Siz ilmingiz ko'p, lekin ishonchingiz kam ekan .." dedi .
Shunda Hasan basriy aytgan ekanlar :
"Ey Habib ! Biz sendan oldinda edik, lekin sen o'zib ketding.."

Izoh :
Alloh yo'lida musobaqa maydoni hech kimga torlik qilmaydi .
Bu maydonda o'zining nuqsoni yoki dangasaligini "Fiqh" yoki "Hikmat" deb oqlab , tavakkul va tavfizni inkor qilish yaramaydi .
Siz oldindasiz degani, marraga birinchi bo'lib yetasiz degani emas .
Kishi shariyat ahkomlaridan o'ziga munosibini topib, ko'p amallarini "Shar'iy" deb o'ylashi mumkin, lekin islom faqat ahkomlardan iborat din emas .
Tavakkul, Tafviz singari qalb ibodatlari, bandaning hisobidan tashqari natijalar beradi .
Alloh ta'olo aytadi:
"Kim Allohga taqvo qilsa, u zot unga (barcha mu'ammodan) chiqim yo'lini qilib beradi . Va u o'ylamagan tomondan uni rizqlantiradi.."
(Taloq :2)
Demak , kimdir o'z hisob-kitobi bilan mu'ammolariga shariyat ahkomlaridan yechim izlasa, kimdir boshini og'ritmay , hamma narsasini Alloh yo'lida berib , Allohdan yechim kutadi.
Natija esa, ikkisiga ham Allohning va'dasiga ishonchi miqdoricha keladi..
Qissadagi Hasan basriy ilmiy ijtihodi sabab , Habib esa tavakkul , ishonchi sabab mukofotga erishganlari kabi..
⬇️⬇️⬇️

@foida

259-foida :

"Biz ham , odamlar ham gunohdan salomat qolishi, biz savob olib odamlar gunohkor bo'lishidan yaxshi !"

Mashhur tobe'in Ibrohim An-Naxoiy rahimahulloh bir kun shogirti Sulaymon ibnu Mihron bilan kufa shahrining ko'chalaridan birida sayr qilib yurgan edilar.
Ma'lumki, Ibrohim An-Naxoiy ko'zlari g'ilay edi, shogirti Sulaymon esa "A'mash" ya'ni , ko'zi yaxshi ko'rmas edi !
Shunda Imom Naxoiy shogirtiga aytdi :
"Ey Sulaymon ! Sen boshqa yo'ldan yursang maylimi !?
Chunki men qo'rqamanki , agar biz birgalikda bu ko'chada yurub , ba'zi esi past kishilar oldidan o'tsak, ular bizni ko'rib "G'ilayni ko'r yetaklab yurubdi" deb ustimizdan kulishadi , va g'iybat qilib gunohkor bo'lishadi.."
Shogirti A'mash aytdi :
" Kulishsa kulishibdi, sizga nima farqi bor, gunohi o'zlariga, bizga esa ajri !"
Shunda Ibrohim An-Naxoiy aytkan ekanlar :
"Subhanalloh! Biz ham ular ham gunohdan salomat qolsak , ularni gunohkor qilib ajr olganimizdan yaxshiroq !"

Xulosa, Dunyo va oxirat yuksakligiga birovlarni tepkilab, ularni jarga itarib chiqilmaydi !
Hadisda "O'z nafsinga yaxshi ko'rganingni birodaringa ham ravo ko'rmaguningcha MO'MIN BO'LMAYSAN " deyilgan bo'lsa , kishi qanday qilib o'zini "MO'MIN BO'LMAYSAN" degan sinf ostiga kirishini bilib turib, bir mo'minni gunohkor qilib bo'lsada ajrga ega bo'laman deb o'ylaydi ??
O'z navbatida shuni unutmaslik lozimki, "Bir mo'minni gunohkor qilish" deganda, komil mo'mingina nazarda tutulayotgani yo'q .
Balki odatda komil mo'min birovni g'iybat qilishdan o'zini tiyadi .
Yuqoridagi so'zlardan , Ibrohim An-Naxoiy aytkanlaridek , aqli kalta , fosiq mo'minlarni gunohkor qilish nazarda tutulmoqda .
Ayni shu ma'no, Rasululloh alayhissalam , ka'bani buzub, yangidan qurushni tark qilganlarida "Iymoni zaiflar tushunmaydi" deganlari , odamlar "Muhammad As'hoblarini o'ldirayapti" deb gunohkor bo'lishlaridan qo'rqib , munofiqlarni o'ldirmaganliklari , va boshqa bir qancha o'rinlarda ko'rinadi.
Shuning uchun , Allohga ibodat qilish bilan xalqqa muomala qilish o'rtasida muvozanat saqlay bilish lozim.
Zero , "Men ibodat qilayapmaan" deb hammani "SHOXLAB" suzub ketaverish, mo'minlik xislati emas !
(Tanbeh : bu gaplar farzga amal qilish, haromdan tiyilish masalalariga tegishli emas . Bu o'rinlarda odamlar kulsa-kulmasa shariyatga amal qilinadi)
⬇️⬇️⬇️

@foida