Shamol esib, mavjlar quturib, dengiz iztirobga tushganida, kema ahli nido qilishar:
Yo Alloh.Sahrodagi yolg‘iz odam adashsa, otliq yo‘ldan og‘sa, karvon aro yo‘lda qolsa, nido qilishar:
Yo Alloh.Boshga musibat tushib, falokat vaqti kirsa, balo-ofat boshlansa, baxtsizlik egalari nido qilurlar:
Yo Alloh.Qoqilgan eshik yopilsa, odamlar yuzidan parda tortilsa, qichqirishar:
Yo Alloh.Yo‘llar tor bo‘lsa, istaklar nihoya topib, arqon uzilsa, nido qilishar:
Yo Alloh.Agar senga keng yer torlik qilib, diling yukni ko‘tara olmay siqilsa, xayqirgin:
Yo Alloh.Chunki xush so‘z, xolis duo, haqqoniy xitob, beayb ko‘z yosh va hayajonla qiynalmoq Unga yuksalur.
Sahar payti kaftlar, muhtojlikda qo‘llar, ofat vaqti ko‘zlar, baxtsizlikda ilinj Unga yuzlanur.
Uning ismi bilan tillar aylanib, yordam so‘rab, hamd o‘qib, nido qilur. Uning zikri bilan qalblar xotirjam, ruhlar oromda, tuyg‘ular sokin, asablar tinch, aql joyida, e’tiqod mustahkamdir.
A
LLOH - eng chiroyli ism, go‘zal xarflar, haqqoniy ta’bir, bebaho kalimadir.
Allohim, O‘zing bizlarga azob o‘rniga tasalli, qayg‘u mukofotiga shodlik, xavf paytida tinchlik bergin!
Allohim, O‘zing qalb alamini e’tiqod qori bilan yuvib, ruhlar cho‘g‘ini iymon suvi bilan o‘chirgin!
Parvardigor, O‘zing bedor ko‘zlarga orom uyqusini, bezovta nafslarga osudalikni bergin!
Parvardigor, bu hayron ko‘zlarni O‘z nuringga, yo‘ldan og‘ganni to‘g‘ri yo‘lingga va u yo‘lingdan bo‘yin tovlaganlarni o‘z hidoyatingga yo‘llagin!
Yo Robbim! O'zing bizni qabr azobidan, doʻzax olovidan qutqar, qiyomat kunida savol javobimizni oson qil, bu dunyo fitnasiga aldanib qolishimizdan o'zing panoh ber.
Allohim, o‘zing barcha tashvishlarni subhi sodiq nuri bilan yiroqlashtir, g‘irrom vijdonni haqiqat qo‘shini bilan uzoqlashtir, hamda shayton nayranglarin o‘z askarlaring ko‘magi bilan qaytargin!
Yo Robbim! Yaqinlarimni va meni yakunimizni go'zal qil. Oldingi va keyingi gunohlarimizni o'zing kechir. Hisob kunida amal kitobimizni oʻng qoʻlimizdan olishni oʻzing nasib ayla ...
Allohim, o‘zing bizlardan g‘am-anduhlarni ketkazgin, nafslarimizdan bezovtalikni olib tashlagin!
🤲🤲🤲🤲🤲🤲🤲🤲@No_commentary
